mánadagur 13. apríl 2015síða 8

Mánadagur 13. apríl 2015 · Nr. 41 8 Sosialurin Hugskot og viðmerkingar – send sms til 225000 Barbara Holm Talið av børnum, sum liva í fátækraváða, veskur stútt og støðugt. Hesa vikuna hava tey í Í Menniskjum Góður Tokki verið hjá trimum familjum, sum ikki hava ráð til at fáa mat á borðið hvønn dag. Tí hevur felagsskapurin veitt teimum mat og hjálp annars. Og soleiðis er hvør vika hjá Annlis Bjarkhamar. Tann samfelagsbólk, har flest liva í fátækraváða, eru fólkapensjónistar, men arbeiðsbólkurin handan álitið um fátækramark sigur í álitinum, at talið ikki er umboðandi, tí flestir fólkapensjónistar hava lítlar og ongar fastar útreiðslur. Umframt fólkapensjónistar eru tað serliga børn í Føroyum millum 0 og 17 ár, sum liva í fátækraváða. - Hetta er tann størsti samfelagstrupulleikin vit hava í dag, tí tað eru veruliga nógv fólk í Føroyum, sum ikki hava mat á borðið hvønn dag, sigur Annlis Bjarkhamar. Eftir hennara tykki er tað Børn í fátækraváða Samgongan leggur ikki í - Fyri nøkrum árum síðani var undanførslan, at man visti ikki hvussu nógv børn livdu í fátækraváða. Men tað hevur man vita seinastu fýra árini, og kortini er einki gjørt. Tað er tí, at samgongan ikki vil brúka pengar uppá at hjálpa teimum veikastu, sigur Annlis Bjarkhamar, sum í mong ár hevur staðið á odda fyri hjálparfelagsskapinum Í Menniskjum Góður Tokki Hagstovan um fátækraváða Í tali eru tað børnini og tey ungu upp til 17 ára aldur, har flest, 1.326, eru í fátækraváða. Tað er tey 18-24 ára gomlu, sum lutfalsliga eru longst undir markinum fyri fátækraváða, tí inntøkugloppið millum teirra javnvirðisinntøku og fátækraváðamarkið er um 22%. Merkisvert er, at elstu borgararnir, 67 ár og eldri, eru tættari uppi undir markinum fyri fátækraváða, enn allir hinir bólkarnir, við einum gloppi upp til fátækramarkið á 5,5%, har inntøkugloppið hjá teim 18-24 ára gomlu er fýra ferðir so stórt. Tað merkir, at hóast góð 16 prosent av teimum 67 ára gomlu og eldru eru undir markinum, so er teirra miðinntøka bert 5,5% niðanfyri markið fyri fátækraváða. Afturímóti eru tey í aldursbólkinum 55 til 66 ár í miðal munandi niðan fyri markið, tí teirra miðinntøka er 17% lægri enn markið fyri fátækraváða. Eitt nú sæst týðuliga, at børn og ung upp til 17 ára aldur eru rættiliga ymiskliga stødd í mun til fátækraváða, alt eftir um tey búgva saman við einum vaksnum ella við tveimum vaksnum fólkum. Av teimum børnum, sum búgva í húski saman við einum vaksnum fólki, har yngsta barn í húsinum er 0-5 ár, eru góð 60% teirra undir markinum fyri fátækraváða. Búgva tey í húski saman við tveimum vaksnum, yngsta barn 0-5 ár, eru bara um 10% teirra undir relativa fátækramarkinum.