hósdagur 16. apríl 2015síða 20

Fríggjadagur 17. apríl 2015 sosialurin 43 Hugskot og viðmerkingar – send sms til 225000 20 Eyðun Klakstein L okalblaðið hjá norðoyingum fylti í gjár hundrað ár. Treysta røddin í Klaksvík hoyr­ist víðahvar, og hóast miðla­heim­urin seinastu 20 árini er koll­velt­ur av nýggjari tøkni, hevur Norð­lýs­ið havt sítt trygga pláss sum lokal­miðil í einum alt meira globali­ serað­um samfelag. Og nú Norðlýsið rundar fyrstu øld­ina, hevur miðilin ongantíð áður ver­ið í regluligum sambandi við so nógv­a­r føroyingar sum nú. Blaðið fer kanska serliga til norðoyingar í Norð­oyggjum og aðrastaðni, men inter­net­miðilin røkkur enn longri út mill­um føroyingar heima og burturi. Stóri dagurin á Norðlýsinum varð hildin við móttøku, røðum og hugna á Rygs­vegi, har lokalmiðilin heldur til. Norðlýsið er familjufyritøka, sum hevur nógvar góðar vinir og kenn­ing­ar í lokalsamfelagnum. Oliv­er Joensen hevur síðani mið­ skeið­is í 1970’unum verið partur av vik­seminum, og í nógv ár hevur son­ur­in John William Joensen verið ein onnur drívmegi. Í løtuni starvast dóttur Oliver, Hannefía, eisini á blað­ num, og afturat teimum eru frí­yrkis­ fólk sum Jákup Ósá, Danial Viðoy og Ragnhild Ellingsaard. Á skrift og í verki Norðlýsið hevur hóast freistingar fast­hildið sína støðu sum ein lokalur miðil við útgangsstøði í Klaksvík, og miðil­in hevur verið meira enn bert ein miðil. - Vit hava hava verið og eru lokalir, og tað hava vit verið bæði á skrift og í verki. Umframt at dekka norðoyggjar í okkara miðlum, hava vit eisini aktivt lut­tikið í nógvum verkætlanum í Norð­oyggjum, sigur Oliver Joensen, sum er blaðstjóri á Norðlýsinum. - Norðlýsið hevur verið við í íverk­setan í norðoyggjum. Fólk aftan­fyri Norðlýsið tóku stig til fyrstu kunningarstovuna her norðuri, vit hava verið virkin í eitt nú Sjómannadegnum, Fiski­kapp­ing­ um, ráðstevnum og til­tøk­um, Torra­ døg­um, Ársins rósu, pro­jekti­num við Kópa­konuni og so víðari. Vit hava stuðla upp undir góð hugskot og hava verið virkin í fleiri teirra, sigur Oliver Joen­sen. Vinnan Tá ið stórmál eru frammi í miðlunum, hev­ur Norðlýsið stundum aðrar vinkl­ar upp á málini, enn teir stóru miðlar­nir í Havn hava. Hetta tykist bæði verða natúrligt og tilvitað val av Norð­lýsinum. - Vit síggja øðrvísi upp á vinnulívið enn nógvir aðrir miðlar gera. Vit taka útgangs­ støði í okkara lokalsamfelag, her vinnulívið spælir ein sera týðandi leik­lut. Tá ið stór frambrot verða gjørd her í økinum, er vinnulívið sum oftast við, sigur John William Joen­sen. - Tí eru vit til dømis eisini ímóti økt­um tilfeingisgjaldi í fiskivinnuni, tí av­leiðingin av tí verður bara, at peng­ar verða tiknir frá vinnuni úti kring landið og fluttir til Havnar, har ein umfordeiling so skal gerast. Okkara hugsan er, at vinnan og lokal­økini eins væl duga at umsita pengarnar, sum tað almenna er. Tað er ikki neyðugt, at allir pengarnir fara til høvuðsstaðin at venda, og eitt vita vit, tað er lætt at brúka almennar peng­ar, sigur hann. - Seinastu tíðina hava vit upplivað, hvussu onkrir miðlar hava havt hug at gera vinnulívsfólk og politikarar til bandittar, og tað er ein óheppin gongd. Tað tekur hugin frá fólki at virka í vinnulívi og politikki, og tí eiga miðlarnir at hugsa, um hvussu teir føra kritiskan journalistikk, sigur hann. Onnur rødd Bæði John William Joensen og Oliver Joensen halda, at Norðlýsið tryggjar eina aðra rødd í føroyska miðla­lands­ lagnum enn hana hjá høvuðs­stað­ar­ pressu­ni, sum teir undir einum plaga at kalla stóru miðlarnar í Havn. - Fjølmiðlafólk í Havn kennist ov væl. Tey hava somu útbúgvingar, skifta millum arbeiðsplássini, koma somu støð og hava líknandi hugs­an um nógv viðurskifti. Hetta sæst eisini aftur í dekninginum hjá høvuð­s­stað­ ar­pressuni í nógvum málum. Nógv fjøl­miðlafólk hava lítið og einki innlit í, hvat streingir á í útjaðaraøkjunum í Før­oy­um. Ofta er tað uppfatanin hjá býar­fólkunum í Havn, ið vinnur fram í miðlu­num. ”Fólkið á gøtuni” er fólkið í SMS, sigur Oliver Joensen. - Norðlýsið er ein miðil við eini aðrari rødd. Fyri tað fyrsta virka vit úr Klaksvík, og vit taka útgangsstøði í okkara lokalsamfelag. Vit síggja týdn­ ing­in av, at vinnulívið hevur tað gott og er ein drívmegi at skapa frambrot Viðhvørt skulu - Ert tú bert kritiskur í øllum málum og viðurskiftum, so oyðileggur tú teg sjálvan. Viðhvørt skulu vit sum miðlar fegnast um frambrot. Tað halda Oliver Joensen og John William Joensen, sum vit hittu á hundrað ára degnum hjá Norðlýsinum Visti tú? 3 fólk eru í føstum starvi á Norðlýsinum: Oliver Joensen, John William Joensen og Hannefía Joensen