hósdagur 16. apríl 2015síða 22

Fríggjadagur 17. apríl 2015 sosialurin 43 22 NØVN Annan páskamorgun andaðist kæra kona mín, Riborg Nolsøe, 70 ára gomul. Sum ikki einaferð, var tað krabbin, sum eftir tveimum árum tók lívið av henni. Riborg vaks upp á Eiði, har omman og abbin tóku sær av henni. Har lærdi hon um lívið og um Harran, sum stend­ur einum nær, tá ið á stendur. Mamma Riborg búði Danmark, so skift varð millum Føroyar og Dan­ mark. Riborg starvaðist í yngri døgum á Sjómansheiminum í Havn, og har lærdi eg hana at kenna. Eg lærdi til skipsførara tá. Vit giftust í 1964 og fingu eina dóttir, Sirið, áðrenn eg fór á langfart við donskum farmaskipum. Riborg kom niður at búgva í 1965, og hava vit síðani búð í Albertslund-um­ ráðnum. Riborg var væl dámd millum bæði føroyingar og danir herniðri. Hon hevði vakra rødd og var ein trúgv rødd í Húsakórinum. Ikki var tað so vanligt, at føroyskar kvinnur róðu tá, men eftir áheitan mannaðu »kon­urnar« bát og kappaðust um at vinna, tá róð var í felagnum Neystið í Ishøj-havnini. Okkara heim lá tætt við ein golf­ bana. Vit gingu nógv bara rundan um banan, men at enda fóru vit at spæla golf. Hetta dámdi Riborg væl, og presturin í kirkjuni segði, tá hon varð jarðað, at hon dugdi betur at spæla golf enn eg. Orsøkin var, at eg tosaði ov nógv. Riborg varð jarðað leygardagin 11. apríl, og var kirkjan stúgvandi full. Húsakórið sang vakurt fyri henni, so hennara farvæl til hesa verð var sera ærukent og hábærsligt. Vit nærmastu hava mist eina elsku­liga konu, móður og ommu, so vit syrgja nógv yvir missin. Við hesum vilja vit eisini loyva okkum at takka øllum, sum vóru við til farvæl-løtuna í Herstedvester kirkju, og vit vilja eisini takka teimum heimanífrá, sum vóru komin niður fyri at siga okkara kæru Riborg eitt seinasta farvæl. Takk fyri blómur, kort og heilsanir annars. Ærað veri minnið eftir okkara kæru Riborg. Ein syrgin einkjumaður Gunnar Minningarorð um Riborg Nolsøe Føðingar 11. apríl blivu Heri & Høgni stóribeiggjar at einari diddu. Hon vigaði 3620 gr og var 52 cm long. Foreldurini eru Elisabeth & Petur Oluf Solmunde, Dalavegur 8, 600 Saltangará. Kunngjørt verður fyri ætt og vinum, at kæri maður mín, pápi, verpápi, abbi, langabbi og bróðir okkara Hjalmar Johansen Skála andaðist í heiminum týskvøldið 14. mars, 87 ára gamal. Jarðarferðin verður úr Skála kirkju í morgin leygardagin 18. apríl kl. 14. Vegna tey avvarðandi Jóhanna Salomon, Anfinnur, Hermund og Marnar Tey, ið vilja minnast Hjalmar við blómum ella kransi, kunnu lata Skála kirkju eina peningagávu, konta í peningastovnunum. Vores kære pappa, far, svigerfar og abbi Christian Høigaard Rasmussen * 14. april 1931, Færøerne † 11. april 2015 København Altid kærlig, lyttende, klog og givende. Abbi, du vil altid forblive i vores hjerter – tak for alt. På familiens vegne Niels, Anna-Maria, Petra og Magdalena svigerbørn, børnebørn og lille Mira Bisættelsen vil foregå i stilhed den 22. april 2015 3. apríl fingu Súsi Súsanna Kristiansen og Helgi Ljósstein Djurhuus eina dóttur. Hon var 51 cm long og vigaði 3320 gr.