mánadagur 20. apríl 2015síða 24

Mánadagur 20. apríl 2015 · Nr. 44 24 Sosialurin Hugskot og viðmerkingar – send sms til 225000 ítróttur Triathlon Pætur Albinus Tað er møguliga ikki serliga nógv at hoyra um triathlon í Føroyum, men tað merkir ikki, at tað ikki verður íðkað. Tvørturímóti hava tey í hesi samanflættaðu ítróttar­grein­ ini av svimjing, súkkling og renning verið í fullum snú­ ning­um fram ímóti felags­ mál­inum í summar, sum eru oyggja­leikirnir á Jersey. Føroyski veturin loyvir illa havsvimjing, og tískil hava tey, sum íðka triathlon, eina­mest vant renning og súkkling í vetur, men sein­ astu tíðina hevur møgu­leiki eisini verið fyri hav­svimjing­ ini, sum tey hava vant í Kaldbaks­botni. Profilar við Á oyggjaleikalandsliðnum, sum varð úttikið í gjár, eru tað serliga tvey nøvn, sum fella í eygað og - utt­an at taka munnin ov full­an – geva Før­ oy­um heiðurs­merkja­vónir á Jersey í summar. Tað eru tey bæði Guðmundur Joensen og Karina Ottosen. Guðmundur Joensen hev­ur áður prógvað seg á heims­pallinum í triathlon og fekk silvur á Bermuda sein­ astu oyggja­leikir, men hóast hans­ara luttøkur í kapp­ing­ um uttanlands eru falnar mestsum burtur sein­astu tíðina, so prógvaði hann um vikuskiftið, at hann fram­ vegis er í sera góð­ari venjing. Í tveimum av trim­um súkklu­ kappingum smurdi hann alla mótstøðu av. Upprunaliga varð hann út­tikin eisini til súkklulands­liðið og hevði helst verið dreyma­hjálparin hjá ess­inum, Torkili Veyhe, men Guðmundur hevur valt at íðka triathlon á Jersey. At luttaka í báðum ítróttar­greinunum er ikki møgu­ligt hjá Guðmundi. Súkk­ling hevur sum treyt, at lut­takast skal í øllum tein­ unum, og av tí at triathlon- kapp­ingin er sama dag sum einkultstarturin í súkkling, so varð Guðmundur tvungin at velja aðru ítróttargreinina – altso, triathlon. Karina Á kvinnusíðuni er somuleiðis ein stórur profilur við. Karina Ottosen, sum eins og Guð­mundur hevur gjørt um seg á heimspallinum, verður við fyri fyrstu ferð síðani 2007. Tá vann hon Føroyum eitt bronsuheiðursmerki, men úr triathlonføroyum skilja vit, at hon er nógv betur fyri nú. Hóast Karina júst er heim­komin eftir 14 dagar venj­ingar­legu á Mallorka og var nógv merkt av hørðu venj­ing­ini, so stóð hon seg so­mikið væl í triathlon-kapp­ ingini í gjár, at hon endaði frammanfyri helvtina av teim­um monnunum, sum eru úttiknir til oyggja­leika­ lands­liðið. Karina Ottosen býr í Danmark, har hon er verandi danmarksmeistari í triathlon fyri lið. Avbjóðarar Á mannfólkasíðuni skulu teir tríggir Andrass Joensen, Kári Davidsen og Hanus Debes Joensen eisini umboða Før­ oy­ar. Her er tað kanska ser­ liga Andrass Joensen, sum eis­ini kann gera um seg á oyggja­leikunum. Andrass býr í løtuni í Póllandi, har hann tó fær tað at rigga við at venja triathlon við einum felagi í frítíðini. Í triathlon- kapp­ingini her heima í gjár gjørdist hann nummar tvey nakað aftanfyri Guðmund Joensen. Umframt Karinu Ottosen, so skal ein onnur kvinna um­boða Føroyar. Tað er Annelisa Jústadóttir Møss, sum eisini býr í Danmark og íðkar har. Kappingin Teinurin, sum skal leggjast um bak á Jersey, er tann so­nevndi OL-teinurin. Tað um­ræður at svimja 1500m, súkkla 40km og renna 10km. Á oyggjaleikunum á Rhodos og á Bermuda sein­ ast var neyðugt at gera ser­ liga nógv burturúr fyrireik­ ing­unum fyri at venja seg við ótespiliga hitalagið, men á Jersey hesaferð fer veðrið helst at passa føroyingunum betur. albinus@sosialurin.fo Sterkt lið til Jersey Landsliðið í triathlon er væl mannað til oyggjaleikirnar á Jersey. Tvær kanónir eru við og geva Føroyum vón um heiðursmerki Savnsmynd Guðmundur Joensen hev­ur áður prógvað seg á heims­pallinum í triathlon og fekk silvur á Bermuda sein­astu oyggja­leikir, m Savnsmynd