mánadagur 20. apríl 2015síða 28

Mánadagur 20. apríl 2015 · Nr. 44 28 Sosialurin Hugskot og viðmerkingar – send sms til 225000 ítróttur Neli Heldarskarð Tað vóru tvey lið við sjálvs­ áliti í skjáttini, sum brustu saman í Fuglafirði í gjár. Í síðstu viku brast fyri nev hjá ÍF, tá ið teir fingu sín fyrsta sigur í ár á heimavølli ímóti KÍ. Tó gjørdist dysturin kostnaðar­mikil á tann hátt, at bæði Adeshina Lawal og Karl Løkin, ið mugu metast sum tveir av profilunum hjá ÍF, báðir fingu reytt kort. So­statt fekk ársins leikari í Effo­deildini í fjør, Adeshina Lawal, ikki møguleika at spæla ímóti sínum fyrr­ver­ andi felagi á hesum sinni. Tað skuldi tó vísa seg, at maður kom í mans stað hjá ÍF. Eftir eina treka byrjan er tað veruliga komið glið á spæl­ið og úrslitini hjá B36. Und­an dystinum í gjár hevði árstals­felagið vunnið fýra dystir á rað, har fleiri av sigr­unum eisini hava verið sann­før­andi. Tískil mátti B36 metast sum ein lítil favo­ rittur til dystin í gjár. Javnur fyrri hálvleikur Fyrri hálvleikur var ikki tann stóra fótbóltsupplivingin. Tað var B36, sum byrjaði dystin betur. Eyðkenda kombi­natións­spælið riggaði væl, og ser­liga Jákup á Borg hevði nøkur skot, sum tó ikki blivu heilt vandamikil. Tað var tó upp á horna­ spørk, at B36 fingu sínar størstu møguleikar. Fyrst var tað Oddmar Færø, ið setti pann­una á, men tíverri fyri B36 fór bólturin á stongina og út. Løtu seinni var Andrias Eriksen sentimetrar frá at skora sítt fyrsta mál fyri felagið. Andrias skallaði bóltin framvið Predrag í ÍF- mál­inum, men á sjálvari mál­ strik­uni eydnaðist tað einum fugl­firðingi at beina bóltin av vandaleið. Sum hálvleikurin leið komu fuglfirðingar tó betur við í dystin, og spælið bleiv meira javnt býtt. Tað var tó B36, ið leyp meira á. Hvíta havna­felagið kom eisini til nakrar góðar støður í brots­ teig­inum hjá ÍF, men ÍF fekk alla tíðina sparkað bóltin burt­ur, áðrenn tað gjørdist heilt vanda­mikið. Álopsspælið hjá ÍF var ógvu­liga ivasamt í fyrra hálv­ leiki, har B36-verjan hevði lítið og onki at fyrihalda seg til. Tað skuldi tó vísa seg, at í seinna hálvleiki fór søgan at blíva ein onnur. Taktiska uppleggið riggaði »Vit spæla og kempa ómeta­ liga væl í dag. Undan dyst­ inum høvdu vit avtalað, at ser­liga Róaldur og Lukasz hjá teim­um skuldu dekkast væl upp, so at B36 ikki fekk glið á sítt spæl. Í fyrra hálvleiki halda vit nullið, meðan vit í seinna hálvleiki seta okkum á dystin og blíva meira vanda­miklir. Okkara lið er sum heild blivið nógv betri til at halda upp á bóltin og stýra spælinum í teimum sein­astu dystunum.« Orðini eigur serbiski ÍF- venjarin, Aleksandar Jovevic. Og rætt hevur hann í, at tað var meira bit í álops­roynd­ unum hjá ÍF í seinna hálv­ leiki. Fyrst var tað Kristoffur Jacobsen, ið hevði eitt gott langskot, sum fór beint við síðuna av málinum. Tað brendi enn meira á, tá ið ein skallari frá Bartali Eliasen bleiv bjargaður á mál­strik­ uni. Tað skuldi tó eitt sindur meiri av hepni til, áðrenn bólt­urin fór í mál. Aftaná 61 minuttir hevði ÍF flutt nógv fólk fram. Inn­ legg varð sent innfyri úr høgra borði, og so endaði bólt­urin fyri føtunum á Andy Olsen. Hann skeyt beinan­vegin. Óvist er, um bólt­urin hevði kós ímóti mál­inum, men bólturin fór í Høgna Eysturoy og snýtti Tórð Thomsen somikið nógv, at hann ikki kundi gera ann­ að enn at hyggja at, meðan bólt­urin trillaði í mál. 1-0 til heima­liðið. Eftir málið løgdu fugl­firð­ ingar seg langt aftur og lótu B36 stýra dystinum. Eyðkent fyri spælið hjá B36 ígjøgnum allan dystin var, at tað allar síðsta manglaði. Mangan var spælið á heilt góðari leið, men tá ið teir nærkaðust ÍF- mál­inum kom altíð onk­ur forðing ella ein skeiv send­ ing fyri, ið gjørdi, at B36 ongan­tíð kom til teir heilt stóru kjansirnar. Av tí sama var Predrag Markovic í ÍF- mál­inum ongantíð veruliga noydd­ur at vísa síni kynstur. Tey B36-skotini, sum komu, raktu ikki málið. Tó var tað eitt skot, ið rakti málið, og tað fór eisini í netið. Aftaná eitt støðugt B36 trýst varð Lukasz Cieslewicz feldur beint uttanfyri 16-met­ urin. Mest skorandi leik­arin í føroyskum fótbólti, Jákup á Borg, varð settur at skjóta, og hetta var ikki ein býtt avgerð. Jákup var eirinda­ leysur og smekkaði bólt­in í málið. 1-1, 74 minuttir, og nú sat uttanveltaði áskoð­arin við kensluni av, at B36 sum so mangan áður fór at venda dystinum til sín fyri­mun. Men ÍF hevði menn bonk­ inum, sum gjørdi av við B36. ÍF eigur innkast í vinstru síðu. Áðrenn innkastið verð­ ur tikið, kemur Dánjal á Lakjuni á vøllin fyri Nenad Saric. Innkastið verður tikið, og Ari Ellingsgaard, ið eisini varð innskiftur stutt framm­ an­undan, sneiðir seg seg fótbóltur H E S A V I K U N A 3 Predrag Markovic Var tryggur í øllum tí, sum hann gjørdi. Kanska ikki heilt skuldarleysur í samband við frísparksmálið, tí at bólturin varð skotin í hansara síðu. Hinvegin var frísparkið somikið nær við málið, at tað hevði verið ringt hjá einum og hvørjum málverja í Føroyum at byrgt fyri skotroyndini. 5 Leivur Joensen Eitt framúr gott avrik av høgra bakkinum, ið helst var besti maður á vøllinum. B36 slapp ikki ígjøgnum í hansara síðu, og ígjøgnum allan dystin var hann ein hóttan við sínum innleggum úr høgru. Kryddraði góða avrikið við einum framúr góðum máli, ið avgjørdi dystin. 3 Poul N. Mikkelsen Fínt avrik av unga klaksvíking­ inum. Kom ofta ímillum, tá ið B36 royndi at spæla seg til kjansir. Saman við Bartal hevði hann fínt tamarhald á Camara. 3 Bartal Eliasen Í luftini er ongin, sum stendur honum kurl, og samanumtikið var avrikið gott. Var tó sera heppin ikki at fáa sítt seinna gula kort í samband við frísparki, ið førdi til málið hjá B36. 3 Áki Petersen Vinstri bakkurin hevði trupulleikar av høgru síðuni hjá B36 í fyrra hálvleiki, men hann spældi seg væl upp í seinna hálvleiki, har verjuspælið gjørdist nógv betri. 3 Fritleif í Lambanum Gott avrik av liðskiparanum, ið stýrdi væl á sentrala miðvøllinum. Fekk tó gult og bleiv útskiftur, tí at ótti var fyri, at hann eisini fór at fáa sítt seinna gula kort. 3 Frank Poulsen Eitt fínt avrik. Smæddist ikki í nærdystum og spældi væl av til hinar. Fekk tó eisini gult, tí at hann gjørdi ov nógv fríspørk. 3 Nenad Saric Aftaná ein anonyman fyrra hálvleik, gjørdist hann meira vanda­ mikil í seinna hálvleiki. Rakti tó ikki hæddirnar og bleiv útskiftur í 78. minutti. 4 Andy Olsen Felags fyri álopskendu leikarar­ nar hjá ÍF var, at teir allir gjørdu meira um seg í seinna hálvleiki. Andy hevði eitt javnt avrik, tó skoraði hann tað týdningarmikla 1-0 málið, og tað lyftir hann upp. 3 Kristoffur Jacobsen Reikaði nógv ígjøgnum allan dystin og helt væl upp á bóltin. Hevði eitt gott skot í seinna hálvleiki, men bleiv síðani útskiftur. 4 Clayton Soares Gjørdi lítið um seg í fyrra hálvleiki, men í seinna hálvleiki tók hann dik á seg. Hóast hann ikki skoraði mál, gjørdi hann nógv annað gott, ið ein áleypari eisini skal gera. 4 Ari Ellingsgaard Ein innskifting, ið broytti dystin. Var vandamikil og átti heiðurin av næsta málinum, tá ið hann sneiddi nakrar B36’arar av fyri síðani at leggja upp til Dánjal Á Lakjuni. 3 Sjúrður Jacobsen Kom inn á miðvøllin síðstu 20 minuttirnar. Lítið at meta útfrá, tí at B36 hevði bóltin somikið nógv, meðan hann var inni, men hann gjørdi sítt fyri at verja sigurin heim saman við liðfeløgunum, og tað tryggjar honum ein miðal karakter. 4 Dánjal á Lakjuni Ein ordans »super-sub«. Var ikki meira enn komin á vøllin, áðrenn hann skoraði upp á sína fyrstu nerting. Fær góðan karakter fyri at vera dystaravgerandi. spælarameting Breiddin gjørdi munin Lagt var upp til ein spennandi dyst í góðveðrinum í Fløtugerði sunnudagin. Liðini vóru jøvn, men í seinna hálvleiki var tað breiddin í hópinum hjá ÍF, sum gjørdi munin Samanbering við farna kappingarár Stigaúrtøkan hjá B36 er trý stig verri, enn hon var á sama tíðarmundi í fjør. B36 hevði 17 stig aftaná sjey umfør í fjør, meðan teir hava 14 stig aftaná fyrstu sjey dystirnar í ár. Hjá ÍF er úrtøkan aftaná sjey umfør akkurát tann sama. Teir høvdu 10 stig aftaná sjey umfør av farna kappingarári, og stigaúrtøkan er eisini 10 stig í ár, nú sjey umfør eru leikt av Effodeildini 2015. 1 til 6 Lissi Mouritsen B36 Katastrofa!!! Hvussi kann ein leika í Fuglafirði! Tað má hava verið av tí ringasta í dag. Okkara leikarar fingu ilde­ befindelse av fiska­stank­inum. Vit koma sterkt aftur! fjepparin