týsdagur 13. juli 2004síða 8

Nr. 131 - 13. juli 2004 15 Føroyski landsliðs- leikarin í fótbólti Jón Rói Jacobsen er kom- in í gongd í nýggja felagi sínum Frem, sum í næstum fer undir at stríðast fyri uppflyting til super- liguna ÚTISETAR Terji Nielsen terji@sosialurin.fo Ævintýrið hjá Jón Róa Jacobsen í danska stór- felagnum Brøndby gjørdist ongantíð tað, ið hann hevði vónað. Tað gekk striltið hjá unga havnarmanninum at vinna sær pláss á liðnum, og tí fekk Jón Rói fyri tað mesta roynt seg á eykalið- num hjá siðvanda Keyp- mannahavnarfelagnum. Drúgvur skaði Tá ið so Jón Rói Jacobsen bleiv raktur av álvarsligum krossbandsskaða í knæ- num, var lítið at ivast í, at dagarnir hjá Jòn Róa í Brøndby mundu verða tald- ir. Hóast Jón Rói ikki hevði fingið høvi til at gera so nógv vart við seg í donsk- um fótbólti, so vóru tað tó fleiri , ið høvdu lagt merki til unga havnarmannin. Ein teirra var venjarin hjá Frem, Ebbe Skovdahl, ið er mammubeiggi venjaran hjá Brøndby, Michael Laudrup, og Skovdahl var áhugaður í at fáa Jón Róa á sítt lið. Herfyri var Ebbe Skov- dahl í Føroyum á vitjan, og stutt eftir hetta bleiv avtala gjørd millum HB, sum Jón Rói var sáttmálabundin við, og Frem um unga verjuleik- aran. Jón Rói skrivaði síð- ani undir sáttmála við niðurflytararnar úr super- liguni, og venjingin hjá teimum er eisini farin í gongd. Stóð seg væl í venjingardysti Í farnu viku leikti Frem venjingardyst ímóti super- ligafelagnum FC Nordsjæl- land, og tá taldist Jón Rói Jacobsen millum teir fyrstu ellivu hjá Frem. Jón Rói leikti í miðverjuni, og sam- bært heimasíðuni hjá Frem, www.bkfrem.dk, stóð før- oyski landsliðsleikarin seg væl, hóast hann noyddist at verða skiftur út aftaná ein góðan tíma. Nú Jón Rói Jacobsen tyk- ist verða komin fyri seg aftur, hevur landsliðsvenj- arin, Henrik Larsen, aftur fleiri møguleikar at blanda kortini, tá ið hann skal manna verjuna á føroyska landsliðnum, og tað er bara at fegnast um, nú føroyska landsliðið skal út í truplar HM-undandystir ímóti so mætum tjóðum sum Frak- landi, Sveis og Írlandi. Sunnudagin leiktu donsku meistararnir úr FC Keypmanna- havn venjingardyst ímóti týska liðnum Hamburger SV, men Todi Jónsson var ikki í hópinum hjá FCK til dystin ÚTISETAR Terji Nielsen terji@sosialurin.fo Fyrsti venjingardysturin hjá donsku greipuvinnar- unum úr FC Keypmanna- havn aftaná vitjanina í Før- oyum var leiktur sunnudag- in ímóti týska Hamburger SV. Danska liðið tapti dyst- in 0-1, men tað var uttan Toda Jónsson á liðnum, tí Todi bleiv ikki úttikin til dystin. Misnøgdir við Føroyavitjanina Sum tey flestu óivað vita, hevur liðskiparin hjá FC Keypmannahavn, Bo Svensson, alment borið fram, at leikararnir hjá FCK vóru ónøgdir við vitjanina í Føroyum. Bo Svensson hevur við danskar fjølmiðlar sagt, at tað ikki er optimalt at venja og spæla á graslíki stutt undan, at kappingin í superliguni fer í gongd. Eisini verður funnist at, at tað er so kalt í Føroyum, og at tað ávirkaði innsastsin hjá donsku leikarunum á vitjanini í Føroyum. Formaðurin í danska felagnum, Flemming Østergaard ella Don Ø, sum hann eisini verður róptur, sigur, at spælararnir hava einki at grenja um, tí teir skulu bara tiga og gera tað, sum teir fáa løn fyri, og tað er at spæla fótbólt. Todi Jónsson skrivar á heimasíðu síni, at hann ikki skilur atfinningarnar frá spælarunum, tí teir vandu bert tvær ferðir á graslíki í Føroyum, umframt at teir leiktu í Klaksvík ímóti KÍ á graslíki. Somuleiðis sigur Todi Jónsson, at leiðslan í felagnum var stak væl nøgd við ferðina her á landi. At veðrið ikki var til vildar, er sum so einki at gera við, skrivar Todi Jónsson á heimasíðuni hjá sær. Føroyski landsliðsleikarin, Jón Rói Jacobsen, er nú komin í gongd í nýggja felagi sínum, Frem, har ungi føroyski málverjin, Gunnar Nielsen, eisini telist millum leikararnar Savnsmynd Todi Jónsson var ikki úttikin til venjingardystin hjá FCK ímóti týska Hamburger SV í vikuskiftinum Savnsmynd Jón Rói komin í gongd Todi ikki í hópinum hjá FCK Í farnu viku skriv- aði Fremad Amager sáttmála við Kenny Thorup, og harvið fingu teir tríggir føroyingarnir Jann Ingi Petersen, An- drew av Fløtum og Hjalgrím Elttør ein nýggjan kappingar- neyta ÚTISETAR Terji Nielsen terji@sosialurin.fo Kenny Thorup er royndur spælari, ið kann leika bæði á miðvøllinum og í álopinum, og tað er júst á hesum plássum, at teir tríggir føroyingarnir royna seg. Hóast Kenny Thorup einans er 26 ára gamal, so er hann ein ógvuliga royndur leikari, ið hevur verið í nógvum feløgum. Aftur til barndómsfelagið Kenny Thorup er upp- vaksin í Fremad Amager, men í heilt ungum aldri gekk leiðin til FC Keyp- mannahavn. Her fekk Thorup ongantíð av álv- ara gjørt vart við seg, og leiðin gekk tí víðari til Næstved og Hvidovre. Her gekk betur, og tí fekk superligafelagið AGF eyguni upp fyri Thorup, sum flutti til Århus, har hann hevði nøkur góð ár. Síðani gekk leiðin aftur til Keypmannahavnar, har Thorup leikti í AB, saman við eitt nú HB- venjaranum Heina Fer- nandez, og tað er úr hes- um felag, at Kenny Tho- rup nú vendir aftur til barndómsfelag sítt Frem- ad Amager. Leikararnir í Fremad Amager eru farnir undir venjingina aftur, og mikukvøldið leika teir fyrsta venjingardystin, sum verður ímóti gamla felagnum hjá Henrik Larsen, landsliðsvenjara, Ølstykke á útivølli. Kappingarneyti til føroyingarnir í Fremad Amager 15 Nr. 131 • týsdagur • 13. juli 2004 • 78. árgangur • www.sosialurin.fo Vita einki um mótstøðuliðið Mikudagin skal HB leika fyrsta Champion League undandystin ímóti georgiska FC Wit á útivølli.Venjar- in hjá føroyameistar- unum, Heine Fernan- dez, sigur, at teir vita einki um georgiska liðið CHAMPIONS LEAGUE Terji Nielsen terji@sosialurin.fo Tað er uttan iva ein trupul uppgáva, ið stendur fyri framman hjá HB, nú teir í annaðkvøld skulu spæla Champions League dyst á útivølli í Georgia. Havnar- felagið hevur áður roynt seg í júst Georgia, og tað er ikki nakað, ið teir minnast gleði- liga aftur á. Tá var leikt í 35 hitastigum, og HB tapti heili 0-6 fyri Dinamo Batumi, sum mótstøðuliðið tá kall- aðist. Heimadystin á Svangaskarði vann Batumi 3-0, so lítið man verða at iv- ast í, at georgisku liðini eru sterk. Í hópinum hjá HB í Georgia eru bert tveir leik- arar, sum eisini vóru við, tá ið felagið kappaðist við Dinamo Batumi í 1997. Tað eru teir báðir, liðskiparin Rúni Nolsøe og veteranurin Hallur Danielsen. Harum- framt vóru Bárður Johanne- sen og Hans á Lag eisini við í teimum báðum dystunum, men teir eru ikki við á HB- liðnum í løtuni vegna drúgvan skaðar. FC Wit bert nummar fýra Sambært teimum upplýs- ingum, ið HB hevur fingið fatur á, endaði mótstøðulið- ið í ár, FC Wit, bert á fjórða pláss í heimligu kappingini í Georgia. Venjarin hjá HB, Heine Fernandez, sigur, at teir hava frætt, at FC Wit er sloppið at umboða Georgia í Champions League, hóast liðið bert gjørdist nummar fýra í georgisku kappingini. Orsøkin til tess er, at so nógv feløg í Georgia hava verið blandað upp í ymiskar muturgølur, og harafturat hava nógv feløg ógvuliga ivasom fíggjarlig viður- skiftir. Tískil avgjørdi ge- orgiska fótbóltssambandið, at FC Wit, ið ikki hevur verið í slíkum gølum, sum hevur skil á sínum fíggjar- ligu viðurskiftum, skuldi sleppa at royna seg í Cham- pions League undandysti. Verjukend útgangsstøða Hópurin hjá HB fór til Dan- markar hósdagin, og hesar seinastu dagarnar hevur liðið verið á venjingarlegu nærheindis Keypmanna- havn. Í telefonini úr Keyp- mannahavn sigur Heine Fernandez, at liðið hevur vant fimm ferðir í Danmark á vøllunum hjá gamla fel- agnum hjá Fernandez, AB, norðan fyri Keypmanna- havn. Allir spælararnir tykj- ast verða væl fyri, hóast miðvallarin Kári Nielsen, sum veruliga hevur fingið sítt gjøgnumbrot í ár, hevur havt trupulleikar við øðrum fótinum. HB noyðist eisini at verða landsliðsleikaran, Rógva Jacobsen, fyriuttan til dystirnar ímóti georgiska liðnum, tí at hann í seinna Europa Cup dystin ímóti FC Kaunas úr Litava fekk reyða kortið, og seinni var dømdur tríggja dagar leikbann av UEFA. Leikandi venjarin hjá HB sigur, at tað uttan iva verður ein ógvuliga trupul dystur í Georgia, og tað er ein trup- ulleiki, at man als einki veit um sjálvt liðið hjá FC Wit. – Vit vita ikki, hvørja leik- skipan FC Wit nýtir, og tað er ein bági, tá ið vit nú skulu leggja okkara taktikk til dystin, sigur Heine Fernan- dez. Hann dylur tó ikki fyri, at HB fer at hava ein rættu- liga verjukenda útgangs- støðu í dystinum miku- kvøldið, sum vónandi kann geva eitt gott úrslit, soleiðis at alt framvegis er opið und- an dystinum í Føroyum. Sjálvur hevur Heine Fernan- dez áður spælt Champions League undandystir ímóti georgiskum lið, tá ið hann leikti saman við Toda Jóns- son í FC Keypmannahavn. Hetta var í 2001, og Heine Fernandez minnist frá teim- um dystunum, at georgiska liðið var tekniskt gott og sterkt á heimavølli. Dysturin mikukvøldið í Georgia verð- ur leiktur kl. 18 lokala tíð, og er tað kl. 15 føroyska tíð. Danski miðvallarin hjá HB, Martin Christensen, sum í fjør taldist millum teir stinnastu hjá gullvinnarunum, er nú uppsagdur í havn- arfelagnum UPPSØGN Terji Nielsen terji@sosialurin.fo HB hevur sagt sáttmálan við danska miðvallaran hjá sær, Martin Christensen, upp. Stjórin í Havnar Fót- bóltur, Steinfinn Mittel- stein, sigur, at avtalan mill- um HB og Martin Christen- sen er uppsøgd, tí at felagið ikki metur, at danin hevur gjøgnumført sáttmálan. Kom skaddur til Føroya Steinfinn Mittelstein hevur ikki tær stóru viðmerking- arnar til málið, men hann viðgongur tó, at høvuðsor- søkin til at Martin er upp- sagdur, er tann, at danin ikki var frískur, tá ið hann kom aftur til Føroya í vetur. – Støðan er tann, at av- talan hjá Martin er upp- søgd, og løgfrøðingurin hjá okkum tekur sær av málin- um víðari, sigur Steinfinn Mittelstein. Martin Christensen hevur ikki verið nógv at sæð á besta liðnum hjá HB í hesum kappingarárinum, millum annað tí at hann hevur verið nógv darvaður av skaða. Í fjør taldist danin millum grundstuðlarnar á HB-liðnum, sum vann før- oyameistaraheitið, og sum skilst trívast Martin og unnustan Sabine stak væl í Føroyum, so ikki er óhugs- andi, at danski miðvallarin verður at síggja á onkrum øðrum føroyskum liði í næstum. Sjálvur vil Martin Christensen ikki gera nakr- ar viðmerkingar til málið enn. Martin Christensen uppsagdur í HB Danski miðvallarin hjá HB, Martin Christensen, sum her er avmyndaður í dysti ímóti B36 í fjør, er nú uppsagdur av føroyameistarunum. Mynd: Álvur Haraldsen Leikandi venjarin hjá HB, Heine Fernandez, veit einki um mótstøðuliðið í Champions League undandystinum, georgiska FC Wit, sum verður í Georgia í annaðkvøld. Mynd: Álvur Haraldsen C M Y K 14