mánadagur 4. mai 2015síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 4. mai 2015 · Nr. 50 UPPSTILLING Borgarstjórin í Nes kommunu, Jóhannus Danielsen, hevur einki náttúrligt tilknýti til nakran ávísan flokk, og heldur ikki hevur hann ambitiónir um at koma á ting Hilmar Jan Hansen – Hjá mær er støðan øgiliga greið, at eg stilli ikki upp, tí eg havi ikki verið virkin í lands politikki, og havi heldur ikki nakað náttúrligt tilknýti til nakran flokk. Tað sigur Jóhannus Dan- iel sen, borgarstjóri í Nes komm unu, sum ikki sigur seg hava sum helst ambitiónir um at koma á ting heldur, tí tað er ikki nakað, hann er »bitin av,« sum hann málber seg. – Men tað skilst á lagnum, at borgarstjórar eru øgiliga væl umtóktir sum valevni, hóast tað ikki hevur verið aktuelt í mínum føri – og held ur ikki verður tað. Tá spurningurin síðani stingur seg upp, um hann heldur tað bera til at røkja bæði eitt borgarstjórastarv og ein tingsess í senn, so vísir hann á, at í sínum føri helt hann tað ikki vera ráðiligt at gera annað, enn at vera borgarstjóri. – Sjálvur havi eg ríkiligt við einum starvi beint nú, og tá eg kom í kommunustýrið, hevði eg longu í tvey ár havt mítt egna virki sum sjálv- støðugur vinnurekandi, har eg fekst við roknskap og ráð geving. Men eg helt tað vera ringt at finna útav, hvar orkan skuldi leggjast, tá eg hevði tvey størv, so eg valdi at steðga við mínum egna virki, hóast eg hevði fingið fastar kundar, sigur Jóhannus Danielsen, sum eisini í borgarstjórasessinum hevur upplivað, at ivaleyst er at gera. – Serliga í fjør, tá vit fingu eldraøki út og tað skuldi fyrireikast, kravdi tað nógv av okkum her um Skála- fjørðin, tí nógv arbeiði var av tí. Eg upplivi tað soleiðis, sum at tað alla tíðina er okkurt uppi, ið krevur sítt, so tað er nokk at gera. hilmarjan@sosialurin.fo Tingið ongan áhuga Krevur fulla orku Hilmar Jan Hansen – Eg fari við 100 prosents vissu ikki at stilla upp til kom andi løgtingsval. Tað sigur borgarstjórin í Vági, Dennis Holm, ið eisini hevur sína heilt greiðu orsøk til, hví Løgtingið ikki er ein lokkandi møguleiki her og nú: – Eg haldi, at tað henda so nógv spennandi ting í Vágs kommunu, sum krevja fulla orku av mær, og tí stilli eg ikki upp til løgtingsvalið, sigur hann. Spurdur, um hann heldur seg aftur, tí hann ikki heldur tað bera til at røkja bæði eitt starv sum borgarstjóri og løgtingsmaður í senn, sigur Dennis Holm seg ikki ordiliga hava hug at siga so nógv um tað, men staðfestir bara, at tað sær út til at bera til hjá fleiri, tí vit longu nú hava fleiri borgarstjórar á tingi. – Eg dugi bara ikki at síggja, at tað skal vera líka spenn andi at sita í tinginum, sum tað er at gera tað, sum eg geri nú. Hetta liggur tætt- ari tí, sum eg havi hug til, sigur borgarstjórin í Vági. hilmarjan@sosialurin.fo – Sjálvur havi eg ríkiligt við einum starvi beint nú, sigur Jóhannus Danielsen, ið slepti sínum borgarliga virki, tá hann bleiv borgarstjóri í Nes kommunu Mynd: Vilmund Jacobsen