mánadagur 4. mai 2015síða 8

Mánadagur 4. mai 2015 · Nr. 50 8 Sosialurin Hugskot og viðmerkingar – send sms til 225000 Hilmar Jan Hansen Í meira enn eitt ár hevur Hós­víkar kirkja verið eitt arbeiðspláss, tí ætlanin var at fáa hana út- og umbygda, so hon kundi standa liðug og klár til 85 ára dagin, sum var triðja sunnudag í advent. Men hósvíkingar hava av sonn­um verið noyddir at ásanna orðatakið um, at »ikki verður altíð, sum prestur præ­dikar,« tí enn er arbeiðið ikki liðugt. – Vit hava sjálvandi verið hart raktir av húsaganginum hjá Børkini, ið seinkaði ar­ beið­inum nógv, umframt at tað eisini fer at hava við sær, at tað verður eitt sind­ ur dýrari at fáa tað gjørt, sum skal gerast, sig­ur Sign­ heðin Davidsen, kirkju­ráðs­ formaður í Hósvík, sum ásannar, at fólkið á staðnum ótoln­ast eftir at fáa kirkjuna aftur. – Ja, øll spyrja, hvussu tað gongst og nær tað verður liðugt, og einki er at siga til, at fólk eru farin at ótolnast. Vit kunnu siga, at stórt sæð alt hevur gingið galið, sum kann ganga galið, men nú havi eg hampuligar vónir um, at ferð kann koma á ar­ beið­ið. Meðan kirkjan verður um­væld, eru gudstænastur­ nar í eini stovu í skúlanum, men tá jarðarferðir eru og nógv meira fólk enn til eina van­liga gudstænastu, er tað í bygdar­húsinum. Millión dýrari – Tað gekk øgiliga væl at fáa kirkjuna innilokaða, tí handverkararnir, sum eru lokalir, megnaðu at gera ar­ beiðið liðugt eina viku fyri freistina, so tað gekk bæði skjótt og væl. Men har er so eisini ein vatnskaði inni, ið vit royna at fáa bilbukt við við avfuktarum. Tíbetur merkir tann skaðin ikki, at vit missa nakað, tí har tek­ur tryggingin við, sigur Sign­ heðin. – Vindeyguni eru komin í, men har skal so ein ramma setast uttan á tey aftur við teimum sprossunum, sum vóru frammanundan. Og tað er um tað lagið, at varmi er komin uppá, so kanska tað verður ein glotti nú. Tað hevur gingið øgi­ liga spakuligt síðstu tveir mánaðirnar, men nú vænti eg, at tað fer at verða eitt sindur meira lív í arbeið­ inum. Arbeiðið, sum samanlagt skuldi kosta umleið 4,8 milli­ ónir krónur, er dýrka eina lítla millión, tí Børkur fór á húsagang. Men ivasamt er, hvussu tað hevði gingið við tí arbeiðinum allíkavæl, tí nógv bendir á, at tilboðið frá Børkini var alt ov lágt, tí tað var líka oman fyri hálvaaðru millión krónur, meðan tað næsta var upp á 2,3 milliónir, so tað er ein øgiligur munur. Nógv at gera Ein trupulleiki, sum ikki hevur gjørt tað lættari at fáa ferð á arbeiðið, er trotið á handverkarum, tí tað tykist vera nógv at gera allastaðni nú, og tað halda tey í Hósvík kanska vera eina orsøk til, at tað hevur gingið so trekt at fáa gongd á út- og umbygg­ ingina aftur. – Vit høvdu ein byggifund næstsíðsta mikudag og fara at hava ein aftur hesa vikuna, so vit royna at hanga eitt sindur í teimum, sum skulu gera arbeiðið, tí teir hava lovað, at nú skal meira ferð á, sigur Signheðin Davidsen, ið fleiri ferðir hevur hugsað um, hvussu illa tað gekk í hond, tá kirkjan varð bygd í síni tíð. – Tá var arbeiðið seinkað tvey ár, so 1927 stendur á torninum, hóast kirkjan ikki var vígd fyrr enn í 1929. Men eftir tíðarætlanin, sum er nú, so verður arbeiðið liðugt síðst í august, men so veit eg ikki, hvussu tað fer at halda. Vit vóna tað besta, tí nú eru vit farin at troyttast av, at hetta skal taka so langa tíð. hilmarjan@sosialurin.fo HÓSVÍKINGAR ÓTOLNAST UM- OG ÚTBYGGING – Tað hevur gingið øgiliga spakuligt síðstu tveir mánaðirnar, men nú vænti eg, at tað fer at verða eitt sindur meira lív í, sigur kirkjuráðsformaðurin í Hósvík, Signheðin Davidsen, um út- og umbyggingina av kirkjuni, sum væntandi verður liðug síðst í august mánaði Hósvíkar kirkja verður bæði út- og umbygd, men tað nógva av tí, sum var frammanundan, verður verandi í »nýggju kirkjuni«, og eitt nú verður ikki pláss fyri meira fólki í kirkjuni Uppi undir hválvinum til vinstru sæst vatnskaðin, sum tryggingin tó dekkar. Hóast alt er seinkað og tíðarætlanin fleiri ferðir hevur flutt seg, eru vónir um, at arbeiðið Hósvíkar kirkju er liðugt síðst í august Mynd: Hilmar Jan Hansen Mynd: Hilmar Jan Hansen