mánadagur 11. mai 2015síða 24

Mánadagur 11. mai 2015 · Nr. 53 24 Sosialurin Hugskot og viðmerkingar – send sms til 225000 ítróttur Neli Heldarskarð Undan dystinum var greitt, at Víkingur mátti gera minst eina útskifting í mun til liðið, ið tapti 2-1 ímóti HB fyri góð­ ari viku síðani. Lið­skip­arin, Atli Gregersen, fekk reytt kort og var so­statt ikki við í dag. Hetta hevði við sær, at Sigfríður Clement­sen valdi at umskipa liðið, so at spælt varð við trim­um monn­um í verjuni, har Súni Olsen mill­ um ann­að fór í mið­verj­una at spæla. Tað skuldi vísa seg, at um­skipan­in ikki gav tað vón­ aða úrs­litið. Málríkur fyrri hálvleikur Óvist er, um KÍ-leikararnir vóru ovfarnir av, at Víkingur var farið yvir til eina 3-5-2 spæli­skipan, men í øllum før­um var tað útiliðið, ið kom nógv betri frá byrjan. Longu aftaná fýra minuttir var støðan 0-1 til Víking við máli, sum málslúkurin, Finnur Justinussen, skoraði. Fitt var av vindi í Djúpumýru, og hetta gjørdi sítt til, at sjálvt fót­bólts­spælið ikki var av allar ovastu hyll. Ístaðin var tað upp á høg innlegg úr síð­ unum, at liðini kundu gerast vandamikil. Hetta dugdi KÍ at gagnnýta til fulnar. Tá ið spælt verður við trimum monnum í verjuni og tveimum síðubakkum, sum Víkingur gjørdi í gjár, er skjótt, at mótstøðuliðið, sum hevur tveir mans í hvørj­ari síðu, kann koma í góðar støður, tí at har er so nógv pláss. Hetta sást væl aftur í dystinum, tí at bæði tey fyrstu málini hjá KÍ komu eftir innlegg úr síð­ unum. Í fyrra føri var talan um inn­legg úr vinstru, har Mayowa fekk nógva tíð og pláss at senda innfyri til ein frían Jóannes Bjartalíð, ið ikki skuldi gera annað enn at seta fótin á. Í seinna før­ inum bleiv bólturin skjótt førdur úr vinstra yvir í høgra borð, har ein vælleikandi Henry Heinesen legði inn­ fyri. Bólturin endaði fyri føtunum á Atla Danielsen, ið smekk­aði bóltin í netið til hálv­leiks­støðuna 2-1. Nógv kort Líkt var til, at tað nú var Víkingur, sum skuldi seta dags­skránna í seinna hálv­ leiki, men nakað veruligt trýst kom ikki burturúr. Í roynd og veru vóru bæði liðini rættiliga jøvn, og tað tær málroyndirnar, sum vóru, blivu ikki heilt vanda­miklar. Ístaðin var tað hart spæl, ið eyðkendi part av seinna hálvleiki. Millum annað fingu Sølvi Vatnhamar, Atli Danielsen og Evrard Blé allir gult kort fyri held­ur harðar takklingar. Rok í fimmmetrinum Teir síðstu 10 minuttirnar rakti undirhaldsvirðið av álvara hæddirnar. Tað byrj­ aði, tá ið Geza Turi gjørdi eitt tápu­ligt brotsspark, ið Henry Heinesen trygt setti í netið. Nú tyktist dysturin at vera avgjørdur, men menn vóru framvegis heitir, og tað kom til sjóndar stutta løtu seinni. Áðrenn eitt hornaspark setti Mayowa Alli seg niður at húka frammanfyri Geza, og tað dámdi ungarska mál­ mann­inum onki. Helst er okk­urt blivið sagt ímillum teirra, ið ikki er borðbært at endur­geva, men endin var tann, at Mayowa skumpaði Geza so hart, at Víkinga-mál­ verjin fleyg inn í egið mál. Alex Troleis, dómari, tók ta av­gerð, at bæði Mayowa og Geza fingu reytt, hóast fótbóltur H E S A V I K U N A 3 Meinhardt Joensen Bleiv ongantíð veruliga testaður fyrr enn í endanum. Átti sín lut í seinna málinum hjá útiliðnum. Áðrenn hetta hevði hann tó verið sannførandi tryggur. 5 Henry Heinesen (Dagsins leikari) Spældi á høgra bakki, ið ikki er hansara fasta pláss, men hetta darvaði honum ikki at gagnnýta kjansin á nýggja plássinum. Var góður defensivt og hevði eisini fleiri góð innlegg, tá ið hann kom framvið. Krúnaði góða avrikið við at skora til 3-1 upp á brotsspark. 3 Jonas Flindt Rasmussen Í luftini stóð ongin honum kurl, meðan hann onkuntíð kom í trupulleikar av onkrum av kviku Víkinga-leikarunum. Fekk eitt væl uppiborið gult kort. 3 Ndende Adama Gueye Skallaði ikki nóg væl burtur, tá ið Víkingur legði seg á odda, men spældi seg væl upp sum dysturin fráleið. Miðal avrik. 2 Mayowa Alli Amerikanski vinstri bakkurin stóð væl í verjustøðu og átti eis­ ini uppleggið til málið hjá Jóannes Bjartalíð. Tað trekkir tó niður, at hann fær eitt óneyðugt reytt kort, meðan KÍ er á odda 3-1. 4 Evrard Blé Uppruddarin á defensivu miðuni røkti sínar skyldur til fulnar. Saman við Atla vann Blé slagið um miðvøllin. 4 Atli Danielsen Eyðsýndur allan dystin, og hann vann nógvar nærdystir. Harafturat skoraði hann eisini týdningarmikla málið til 2-1. 3 Heðin Klakstein Hevði ikki bóltin nógv, og tí sást ikki serliga nógv til hann á tí økinum. Tó arbeiddi hann gróthart uttan bólt, áðrenn hann varð útskiftur fyri Kenan. 4 Jóannes Bjartalíð Ungur maður, ið veruliga hevur fingið sítt gjøgnumbrot í ár. Var góður á bóltinum og skoraði eisini eitt mál. Bleiv útskiftur aftaná 70 minuttir, men tá hevði hann eisini gjørt sítt. 2 Hjalgrím Elttør Var snøgt sagt ov ósjónligur. Onki avgerandi kom frá honum, og hann hevur havt betri dagar á vøllinum enn hendan. 3 Páll Klettskarð Skoraði eitt mál, ið bleiv koll­dømt, men hevði eisini annað gott at vísa á. Gav útiverjuni trupul­leikar og tók lut í nógvum nær­dystum. 3 Kenan Hajdarevic Var rættiliga eyðsýndur fyri ein mann, sum bara spældi 27 minuttir. Ein støðug hóttan og burdi skorað í yvirtíðini. 3 Jákup B. Andreasen Kom inn seinastu 20 minuttirnar. Gjørdi sítt fyri at verja sigurin heim. Onki at fílast á. spælarameting Taktiska broytingin hjá víkingi mis­eydnaðist Til dystin í gjár hevði Sigfríður Clementsen valt nýggja spælskipan, ið ikki eydnaðist. Eisini var tað í hesum dysti, at KÍ loksins vísti, at liðið kann eisini gera um seg, tá ið spælt verður ímóti einum av teimum heilt góðu liðunum í deildini Hendingarríkir dystir Tá ið liðini hittust í Sarpugerði fyrr í ár endaði dysturin 3-3 í einum dysti, har KÍ fekk ein mann útvístan. Tískil hevur samlaða úrtøkan úr báðum dystunum, sum liðini higartil hava leikt ímóti hvørjum øðrum í ár, verið 11 mál og tríggjar útvísingar. Tað er ikki smávegis! 1 til 6 Petur Asbjørn Lervig víkingur Onkur spældi bólt, onkur spældi kort, onkur spældi klovn, men vit kunnu staðfesta at vit taptu næsta dystin á rað. Tað einasta fløvandi í dag var kaffikoppurin í hálvleikinum. Nú má kempast. WLYV fjepparin