týsdagur 12. mai 2015síða 17

17 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 13. mai 2015 · Nr. 54 meldurin teimum eru giftar føroy­ing­ um, og um maðurin til dømis er sjómaður, so er kanska ikki so nógv hjálp at heinta í heim­inum, tí maðurin er burtur, sigur Jørleif Kúrberg. Ikki bara málið Men hvat er tað so, sum útlendsku starvsfólkini hava lært á skeiðnum, sum Jørleif Kúrberg hevur staðið fyri? – Fyrst og fremst hava tær lært at tosa og skilja før­ oyskt. Men nógv tíð fer eis­ini við at geva teimum eitt innlit í okkara samfelag. Vit hava til dømis undirvíst um trúgv í Føroyum, vit hava verið úti og lært tær, hvat tær síggja úti í náttúruni í Føroyum, og so havi eg eisini havt tær heima hjá mær, har tær hava fingið ein bita av føroyskum mati. So tær hava eisini lært um føroyska matmentan, greiðir Jørleif Kúrberg frá. Hann sigur, at í komandi viku verður eisini skipað fyri eini útferð norður til Gjáar við starvsfólkunum, so at tær kunnu læra eitt sindur um føroysku bygdirnar og sam­felagið á bygd. Spurdur, hvussu hann sjálvur hevur taklað tað at undirvísa vaksnum útlend­ ing­um í mun til børn, sum hann hevur drúgvar roynd­ir við úr føroyska fólkaskúlanum, sigur Jørleif Kúrberg, at tað verður gjørt á sama hátt. – Eg tók tað júst sum tá eg undirvísti børnum í fólka­ skúl­anum. Eg var góður við næm­ingarnar, og so blivu næm­ingarnir góðir við meg, og so fingu vit tað at koyra fínt, sigur hann. Nógv at siga fyri trivnaðin Sjálvur heldur Jørleif Kúr­ berg, at tað hevur ómeta­liga stóran týdning fyri trivn­ aðin hjá útlendsku starvs­ fólk­unum, at tey fáa eitt til­ boð um at læra føroyskt frá sínum arbeiðsgevara. – Tað hevur ómetaliga nógv at siga fyri tær, at tær fáa henda møguleika. At arbeiðs­plássið soleiðis kem­ur og gevur teimum eitt tilboð um hetta, hevur við sær, at tær føla seg ordiliga væl­komnar. Tær hava lætt­ari við at fella inn í samfelagnum, tá ið tær duga føroyskt, so tað hevur øgiliga nógv at siga fyri trivnaðin, sigur hann. Jørleif Kúrberg leggur afturat, at útlendsku arbeiðs­ fólkini í nógvum førum eru sannur fongur fyri arbeiðs­ gevaran. – Tær hava nógvar nakrar heilt serligar eginleikar, og fleiri av teimum hava eisini høgar og góðar útbúgvingar, sigur hann. Hann sigur somuleiðis, at hjá sær persónliga gevur tað eisini nógv at undirvísa út­ lendsku næmingunum. – Eg fái gleðina av at síggja framstig hvønn dag, og so haldi eg eisini, at tær eru so glaðar fyri at vera her. Tær geva okkara samfelag nógv, sigur hann. Jørleif Kúrberg sigur at enda, at hann hevði ætlað at gevast nú við undirvísingini, men tá ið hann í vikuni boð­aði Poul Michelsen frá hes­um, var svarið bara eitt greitt nei frá eigaranum av PM Pluss. – Men eg kundi hugsað mær, at onkur yngri koma at hjálpa mær eitt sindur, sigur hann at enda. terji@sosialurin.fo »Eg fái gleðina av at síggja framstig hvønn dag, og so haldi eg eisini, at tær eru so glaðar fyri at vera her. Tær geva okkara samfelag nógv« Jørleif Kúrberg, sum seinastu tvey árini hevur undirvíst útlendingum, ið starvast hjá PM Pluss, í føroyskum, heldur, at tað hevur stóran týdning fyri trivnaðin hjá útlendingunum í Føroyum, at tey læra føroyskt og um Føroyar. Her sæst hann saman við Eyðfinn Davidsen, stjóra í PM Pluss, Bjørn Kalsø og Poul Michelsen Mynd: Álvur Haraldsen