mikudagur 13. mai 2015síða 16

Fríggjadagur 15. mai 2015 sosialurin 55 16 tema Próvtøkuangist Hvussu fyrireikar tú teg til próvtøkur? – Eg lesi til lærara á námsvísindadeildini,og eg byrjaði í august í fjør. Lesturin tekur tilsamans 4 ár, og er skipaður í tveimum stigum. Fyrst ein 3 ára b.e.d ( Bachelor of education ), síðani eitt fjórða lestrarár, ið gevur yrkisførleika til lærara. Í ár ogna vit okkum vitan, sum øllum tørvar, ið arbeiða við menniskjum og teirra menning. Eisini fáa vit grundleggjandi sálarfrøðiligu, náms­ frøðiligu og didaktisku vitanina og amboð­ ini, vit fara at brúka alt yrkislívið í fólka­ skúlanum. Tað er sera krevjandi og vit hava nógv at lesa, men tað er eisini sera áhugavert. Eg havi longu verið til 6 próvtøkur, og allar hava gingið gott. Tveir tær fyrstu vóru einstaklingaroyndir og hinar vóru í bólki. Vit arbeiða nógv í bólkum, so próvtøkufyrireikingin fer so sjálvandi fram í bólki, har vit skriva og lesa saman. Lurti nógv eftir góðum tónleiki, og eg renni eisini langar túrar fyri at koma burtur frá øllum eina løtu. Tó brúki eg eisini renningina til hugskot og at samla tankarnar. Tá eg skal upp einsamallur, havi als onga ætlan, og sum oftast lati eg alt liggja til í síðstu løtu. Tað er faktist tað reina kaos, men tað plagar at ganga. Hvussu vilt tú lýsa løtuna áðrenn tú skalt inn til munnliga próvtøku? Eg eri altíð spentur áðrenn eina próvtøku. Um eg havi fyrireikað meg nóg væl, so havi eg tað sum oftast gott, men eri spentur. Hugsi tó sera nógv um hvat tey fara at spyrja um, men tað plagar altíð at ganga væl. Tá eg gekk á miðnámsskúla svav eg ikki náttina áðrenn, og var sera bangin. Tað er tó burtur nú. Tað er so býtt at ganga bangin. Sum eg plagi at siga: Ger títt besta, so kanst tú ikki gera mær. Bogi Højgaard »Eg eri altíð spentur áðrenn eina próvtøku« Her eru 10 góð ráð til hvussu tú fyri­reikar teg til endaligu royndirnar 1. Byrja fyrireikingarnar í góðari tíð. Ikki bíða við at lesa til í síðstu løtu. 2. Tað hjálpir ikki at stressa. Miðsavna teg um at lesa, at fáa yvirlit yvir evnið og skriva stikkorð. 3. Tú skalt duga tær longu linjurnar í pensum og vísa, at tú hevur skilt tað týdningarmesta um evnið. 4. Fært tú skriviblokering, er best at hugsa um okkurt heilt annað eina løtu. 5. Royn og greið vinum, kenningum og familju frá um evnið, tú lesur. 6. Tak tær steðg av og á. Tað er týdningarmikið at lata heilan hvíla. 7. Gagnnýt tíðina best møguligt. Byrja við at skriva stikkorð og ger eitt yvirlit yvir uppgávuna, tú ætlar tær at skriva. Royn og ger eina meting av, hvussu nógva tíð tú kanst loyva tær til hvønn part. 8. Skrivið rætt. Ein uppgáva full í stavivillum og óneyvum orðingum, er torførari at skilja og dregur heildarfatanina av uppgávuni niður. 9. Hugsa um uppsetingina. Tað er týdningarmikið, at skil er á uppgávuni. Tú verður spurdur nakrar ávísar spurningar. Minst til at svara øllum spurningunum. 10. Et frukt og drekk vatn. Tað er týdningarmikið at halda blóðsukrinum uppi, eins og tá tú venur ítrótt. Fyrra dagin: Í skúlanum 1. Ger tær greitt, hvat slag av roynd, tal­an er um. Er hon munnlig ella skriv­lig? Er tað stílur ella støddfrøði? 2. Spyr lærararn, um hann hevur gjørt eitt fyrireikingarark. 3. Royn og finn ein lesivin og ger eina avtalu um at møtast í annaðkvøld. 4. Tak bøkur, notatir, gamlar royndir, upp­ gávur og ørk, lærarin hevur givið tykk­um, við tær heim. Heima 1. Skipa notatir tínar. Skriva tær av nýggjum, so tær eru lættar at lesa. Skipa ørkini frá læraranum eftir dag­fest­ing. Skriva niður, um okkurt er, sum tú ikki hevur fingið. 2. Les gjøgnum tað, tú hevur. Hygg at fyrireikingararkinum og legg til merkis, hvat verður kravt, at tú dugir. Les ígjøgnum gamlar uppgávur, roynd­ir og notatir. Skimma ígjøgnum bøkur­n­ar og les tey brot, tú ikki skilti. Annan dagin: Í skúlanum 1. Spyr læraran um tað, tú enn ikki hevur skilt. Bið um tey pappír, tú ikki hevur fingið. 2. Lærarar endurtaka ofta týdn­ingar­ miklastu evnini, seinasta dagin undan royndini. Fylg væl við og skriva niður alt tað, tú ikki hevur lisið um kvøldið fyri. Um lærarin nevnir tað í dag – so verður tað heilt vist í royndini. 3. Vátta avtaluna við lesivinin. Heima 1. Set vekkaran at ringja um 45 minuttir, og royn so at læra tað uttan at, sum stendur á fyrireikingararkinum. Tak ein steðg í 5 minuttir, og halt so áfram í 45 minuttir aftur. Endurtak hetta, inntil lesivinurin kemur. 2. Tá lesivinurin kemur, skiftist so um at spyrja hvønn annan møguligar próvspurningar, gjarna frá gomlum próvtøkum. Báðir mugu spyrja og svara, fyri at báðir skulu læra sum best. Latst tú bøkurnar liggja ov leingi? Dagarnir eru farnir, royndin er longu um tríggjar dagar, og bøkurnar, sum tú hevði heim við síðsta skúladag, ligg­ja enn í skúlataskuni. Tú komst ongan­tíð so langt sum at lesa til roynd­ina. Hvat gerst tú so? Á internetinum er svar upp á alt, og sjálvandi hevur onkur eisini gjørt eina hjálp til tín, ið einans hevur tveir dag­ar at fyrireika teg til royndina.