mikudagur 13. mai 2015síða 20

Fríggjadagur 15. mai 2015 sosialurin 55 20 grindadráp Sea Shepherd herðir grindakríggið ímóti føroyingum og umframt fólk á landi, skulu stór skip á sjónum nú verða við í stríðnum ímóti føroyingum Eyðun Klakstein S ea Shepherd fer í summar at brúka størri skip í grinda­ stríðnum ímóti føroyingum. Týsmorgunin boðaði felagsskapurin frá, at nýggj herferð ímóti grindadrápinum í Føroyum byrjar hálvan juni, og hesaferð verður átakið á sjónum munandi styrkt. Skipini Bob Barker og Sam Simon, sum annars hava verið við í herferðum í suðurhøvum, koma nú til Føroya at verða við í royndini at steðga grindadrápi. Eisini verður Brigitte Bardot, sum áður hevur verið í føroyskum sjógvi, við í herferðini í summar. Hetta er sættu ferð, at Sea Shepherd kemur til Føroya, men ongan­tíð áður hevur felagsskapurin havt slíka styrki á sjónum, sum tey fara at hava í summar. Herferðin hjá Sea Shepherd gong­ ur hesaferð undir navninum »Sleppið grindini«, og ætlanin er, at hon skal varða frá 14. juni og út í oktober mánað. Fólk úr øllum heim­ inum verða við í her­ferð­ ini, sum bæði umfatar fólk á landi, og skip og fólk á sjónum. Hollendingur skal leiða stríðið Alex Cornelissen, sum er ættaður av bygd í Hollandi, skal leiða sjóstríðið hjá Sea Shepherd í Føroyum í summar. Cornelissen er skipari og ein av leiðarunum í Sea Shepherd felags­skapinum. Alex Cornelissen arbeiddi fyri eitt miðlahús í Amsterdam, tá ið hann fyrstu ferð frætti um Sea Shepherd í 2002. Ein vinmaður skuldi gera eina dokumentarsending um Sea Shepherd, og Cornelissen fekk á hendan hátt á fyrsta sinni innlit í Sea Shepherd. Hann var so hugtikin av felagsskapinum, at hann segði arbeiðið hjá sær upp, seldi íbúðina og fór við í Sea Shepherd. Síð­ ani er hann bliv­in ein av lykla­per­són­ unum í Sea Shepherd. – Vit fara at gera alt, sum vit á lógligan hátt kunnu, fyri at bjarga grindahvalum í føroyskum sjógvi. Okkara átak hevur ikki til endamáls at kroysta nýggj virði yvir føroyska fólkið. Hetta er partur av einum alheimsráki, sum vil verja hvalir og varðveita dýrabara lívið í okkara høvum, sigur Alex Cornelissen. eydun@sosialurin.fo Nú koma stóru Sea Shepherd skipini Tríkiljan Brigitte Bardot varð bygd í 1998, og síðani 2010 hevur Sea Shepherd havt skipið. Skipið, sum upprunaliga varð brúkt til stutt­leika­ferðir, er skrásett í Freemantle í Australia. Brigitte Bardot er 34,9 metrar langt og 14,1 metrar breitt. 16 fólk kunnu verða við skipinum, sum kann sigla upp í 27 knots Alex Cornelissen Jacob Vestergaard, lands­stýris­ maður í fiski­vinnu­málum, hevur havt ábyrgdina av at orða nýggju grindalóg, sum nú verður sett í gildi. Arbeiðið við lógini varð av álvara sett í gongd eftir átøkini hjá Sea Shepherd í Føroyum í fjørsummar. Endamálið við lógini hev­ ur verið at gera øll viður­skifti í sambandi við grinda­dráp greiðari og eisini at stað­festa møgu­leikarnar hjá myndug­ leik­unum at steðga átøkum ímóti grindadrápinum. Eisini er revsingin fyri brot á grindalógina mun­andi herd. – Vit hava arbeitt tætt saman við myndugleikunum og teimum, sum varða av grindadrápinum, um nýggju lógina, og eg eri fegin um, at hon nú er blivin veruleiki. Nú hava vit greiðari og víðari heimildir at steðga átøkum ímóti grindadrápinum, og vit hava eisini hert revsingina fyri brot á lógina, sigur Jacob Vestergaard. – Tað skal sjálvandi verða rímilig­heit í átøkum og revsing, og nú hava vit greiðar heimildir. Vónandi fáa vit ikki brúk fyri teimum, men verður tað neyðugt, so eru tær har, sigur hann. Jacob Vestergaard harmast, at Sea Shepherd aftur í summar kemur til Føroya. – Sum so mong onnur kenni eg meg forargaðan av, at hesi fólk taka sær tann rætt at koma til Føroya at gera seg inn á okkara lógliga grindadráp, men vit skulu taka okkum av teimum á ein siviliseraðan hátt, og tað verða vit enn betri før fyri við nýggju grinda­lógini, sigur hann. eydun@sosialurin.fo Við nýggju grindalógini verða myndug­ leik­arnir betur førir fyri at taka sær av grinda­átøkum frá Sea Shepherd, sigur Jacob Vestergaard, landsstýrismaður Vit eru klár til grindastríð Jacob Vestergaard: Átøkini hjá Sea Shepherd byrja dagin fyri, at Margretha drotning vitjar í Føroyum