mikudagur 13. mai 2015síða 21

Fríggjadagur 15. mai 2015 sosialurin 55 21 Sam Simon hevur síðani 2012 verið í tænastu fyri Sea Shepherd. Skipið er uppkallað eftir amerikanska framleiðaranum og høvundanum Sam Simon, sum lat stóra peningaupphædd til at keypa skipið. Sam Simon er fyrrverandi japanskt hvalaveiðiskip og hevur higartil verið brúkt í stríðnum ímóti japanskari hvalaveiði. Nú er skipið skrásett í Rotterdam í Hollandi. Skipið er 55,5 metrar langt, 9,8 metrar breitt og siglir upp í 18 knots. Manningin umborð á Sam Simon kann verða upp í 43 fólk Vit vita um nýggju føroysku átøkini Fyrireikinginar hjá Sea Shepherd til grindaherferðina í Føroyum í summ­ ar eru nú í hæddini. Um ein mánað kemur felagsskapurin til Føroya, og her skulu tey verða í meira enn tríggjar mánaðir. Suðurafrikanska Rosie Kunneke verður aftur í ár leiðari fyri herferðini á landi, og hon sigur seg vita um, at føroyskir myndugleikar seinastu tíðina hava arbeitt við nýggjum átøkum, sum kunnu tryggja grinda­ drápið. – Eg kenni kjakið um at nokta okkum at koma til Føroya, men tað bleiv ikki til nakað. Eg veit eisini um, at myndugleikarnir fáa møguleikan fyri nýggjum atgerðum og harðari revsing, men eg kann bara siga, at sam­stundis sum føroyingar tillaga seg, gera vit tað eisini, sigur Rosie Kunneke. Ivi um fólk á landi Sea Shepherd hevði í fjør nógv fólk á landi í Føroyum gjøgnum alt summ­ ar­ið. Í ár verða tað helst færri fólk á landi, men nógv fleiri umborð á skipunum. – Hvussu nógv fólk fara at verða á landi, veldst um talið á sjálvbodnum, sum fara at melda seg til stríðið. Í løtuni vita vit ikki neyvt, hvussu nógv vit verða, men helst verða vit færri, enn vit vóru í fjør. Hinvegin styrkja vit munandi um herferðina á sjónum, sigur Rosie Kunneke. Átøkini hjá Sea Shepherd byrja 14. juni, og tað er dagin fyri, at Margretha drotning og Heindrikkur prinsur koma á almenna vitjan í Føroyum. Sambært Rosie Kunneke er einki beinleiðis samband millum hesar báðar dagfestingar. – Vit høvdu ásett okkara dato, áðrenn vit vistu um vitjanina hjá drotn­ing­ini, so tað er av tilvild, at vit byrja okkara átak dagin fyri, sigur hon. Sea Shepherd veit um møguleikan fyri harðari revsing, um tey leggja upp í grindadráp Rosie Kunneke Bob Barker er fyrrverandi norskt hvalaveiðiskip, sum var bygt í 1950. Sea Shepherd yvirtók skipið í 2009 og uppkallaði skipið eftir amerikanska sjónvarpsvertinum Bob Barker, sum lat umleið 30 milliónir krónur til keypið. Bob Barker fekk í 2010 eina størri um­ væling á Tasmania. Bob Barker 52,2 metrar langt og 9 metrar breitt. Skipið gongur upp í 18 knots og kann hava eina manning á um­leið 40 fólk. Eisini Bob Barker er skrásettur í Rotterdam í Hollandi »Tað skal sjálvandi verða rímilig­heit í átøkum og revsing, og nú hava vit greiðar heimildir. Vónandi fáa vit ikki brúk fyri teimum, men verður tað neyðugt, so eru tær har« Jacob Vestergaard