mikudagur 13. mai 2015síða 29

Fríggjadagur 15. mai 2015 sosialurin 55 29 politikkur Semja um at samskipa tey trý sjúkrahúsini í Føroyum Árni Gregersen T að er ikki gerandiskostur, at tingfólk eru samd, tá ið spurningurin um tey trý sjúkrahúsini eru til við­ gerð­ar í tinginum. Eitt unddantak er tó – samgongan tók fyri tað fyrsta undir við einum upp­skoti frá andstøðuni - og upp­ skot­ið var einmælt samtykt. Tað var ikki upprunauppskotið hjá teimum báðum, Sirið Stenberg og Bjørt Samuelsen, Tjóðveldi, sum løgdu eitt uppskot til samtyktar fram, har heitt var á landsstýrið um at leggja eina frágreiðing fyri tingið, sum greiðir frá hvørjar visjónir eru fyri sjúkrahúsverkinum. Tingfólk hava seianstu tíðina verið ørkymlað um støðuna í sjúkra­hús­ verki­num. Tíðindi eru so at siga dagliga borin í sein­astuni um, at serlæknar siga størv frá sær og tað hevur heldur ikki verið serliga lætt at finna fram til, hvussu fíggjarliga støðan er í heilsuvrkinum. Bæði sjúkrahússtjórin og vara­ stjórin á Landssjúkrahúsinum søgdu seg úr starvi herfyri. Tí er semja um, at ein frágreiðing skal gerast: Frágreiðingin skal fevna um eina heildar­menningarætlan fyri alt sjúkra­húsverkið. Eftir at uppskotið hevði fingið við­gerð í trivnaðarnevndini, legði ein samd nevnd eitt broytingaruppskot fram, sum Løgtingið einmælt tók undir við. Uppskotið er soljóðandi: Løgtingið heitir á landsstýrið um at leggja fyri Løgtingið frá­greiðing við greiðari visjón fyri sjúkra­húsverkið, sum fevnir um eina heildar­menn­ ingar­ætlan fyri alt sjúkr­a­húsverkið. Undir hesum: 1) Greið mál fyri viðgerðarstøði og menning av viðgerðartilboðum 2) Atgongd hjá sjúklingum til bestu viðgerðartilboð heima og uttanlands 3) Útvegan av serlæknum og øðrum heilsustarvsfólki, umframt áhaldandi menning av fakligum førleikum 4) Setan av einum politiskum stýrings­ bólki og eini raðfestingarnevnd við umboðum frá øllum trimum sjúkra­ húsunum, landslæknanum og av­ varðandi yrkisbólkum, til samskipan av tænastum og áseting av, hvørjar tænastur skulu vera á hvørjum sjúkrahúsi. 5) Og harafturat eina meting av fíggj­ar­ liga tørvinum fyri alt sjúkra­hús­verkið, sum gevur neyðugt rásarúm til at veita heilsutænastur á fremsta støði, og neyðugu starvsorkuna til tess. Talan er um eitt uppskot til sam­ tyktar – altso ikki eitt lógar­uppskot – men vanligt er, at landsstýrið fylgir áheitanum frá Løgtinginum – serliga tá ið eitt samt Løgting kemur við áheitanini. Stórt stig Formaðurin í trvinaðarnevndini, Rósa Samuelsen, Sambandsflokkurin, var ómetaliga fegin um, at tingið tók undir við uppskotinum: -Hetta er eitt stórt stig fram á leið. Ser­liga tað, at ein raðfestingarnevnd verð­ur sett, segði hon. Ein raðfestingarnevnd skal setast, sum skal samskipa tænastur og áset­ ing­ar av, hvørjar tænastur skujlu vera á hvørjum sjúkrahúsi. Umboðini í nevndini skulu koma frá øllum trimum sjúkrahúsunum, lands­læknanum og avvarðandi yrkis­ bólkum á sjúkrahúsunum. Upprunauppskotið Í upprunauppskotinum var farið eitt sindur meira inn í mál viðvíkjandi sjúkra­húsverkinum. Sagt var í teimum við­merk­ing­ unum, at Føroyar hava eitt gott sjúkrahúsverk við nógvum dugna­lig­ um og vælskikkaðum starvs­fólk­um. “Men stórar avbjóðingar eru fyri framman, og heilsuverkið tykist vera á einum vegamóti, har tað skjótt kann ganga álvarsliga niður á bakka, verða ikki stór og miðvís tøk tikin. Neyðugt er at hava visjonerar æt­lan­ir fyri at tryggja eitt framtíðar heilsu­verk, sum á allan hátt kann nøkta tann tørv, borg­ar­arnir hava á ein­um trygg­um, ný­mótans og fult skikk­aðum sjúkra­hús­verki” Í upprunauppskotinum verður eisini sagt í viðmerkingunum, , at menn­ingin á heilsuøkinum gongur ómeta­liga skjótt. Nýggjar viðgerðir koma fram og tørvurin at keypa tæn­ ast­ur uttanlands veksur. Í løtuni er tað soleiðis, at vit før­oy­ ingar keypa tænastur á útlendskum sjúkra­húsum fyri umleið 100 milljónir krónur. Ein partur av arbeiðinum við menn­ingarætlanini fyri heilsuverkið má tí vera at útgreina, á hvønn hátt sjúkra­húsverkið í størri mun kann keypa tænasturnar, har fremsta ser­ frøð­in finst uttanlands – ikki einans í Danmark. Starvsfólk Ein annar trupulleiki, sum heilsu­ verk­ið hevur at dragast við, er at fáa nóg mikið av fakfólki. Í løtuni er hópur av ósettum ser­ lækna­størvum í heilsuverkinum. Í við­merkingunum verður sagt, at mangt bendir á, at støðan fer at vers­ na í framtíðini. Serliga tí at heilsufakfólk eins og mong onnur eru meira flytfør í dag. Sjúkrahúsverkið byggir í dag eisini í stóran mun á konsulentviðgerð við ser­læknum, sum koma hendanvegin við jøvnum millumbilum. Játtan til sjúkrahúsverkið eigur heilt natúrligt at vaksa á hvørjum ári, skal støðið haldast, og skal sjúkrahúsið framhaldandi kunna bjóða nýggj og neyðug viðgerðartilboð. Føroyar nýta ikki eins stóran part av BTÚ upp á heilsu­verkið, sum nógv at teimum londum, vit fegin vilja vera á hædd við, gera. Tá ið uppskotið broytt kom til at kvøðugreiðslu í tingsalinum var ongin ivi. Øll tingfólk atkvøddu fyri upp­ skoti­num. Nú skal ljós varpast á, hvat tey trý sjúkrahúsini gera og hvørjar tænastur tey veita Krøvini til heilsuverkið vaksa alla tíðina, men nú skal ein raðfestingarnevnd mæla til hvat skal gerast fyrst Tjóðveldi legði upprunauppskotið fram..... ....saman við Sirið Stenberg Sambandsflokkurin, formaður í trivnaðarnevndini, var sera fegin, tá ið uppskotið var einmælt samtykt í Løgtinginum