mánadagur 18. mai 2015síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 18. mai 2015 · Nr. 56 POLITIKKUR fleiri, sum hava lagt hetta út soleiðis, sum at eg eri ímóti, at borgarstjórar stilla upp til løgtingsval. Men tað hevur einki við sakina at gera, tí sjálvandi skulu øll kunna stilla upp – eisini borgarstjórar. Tað, sum eg sigi, er at fyri tað um tú ert valdur í løgtingið, so nýtist tær ikki eisini at vera borgar­ stjóri, tí tá talan er um tvey fulltíðarstørv, eigur tú at velja annað og vraka hitt, um støðan verður aktuell, sigur hon. – At borgarstjórar leggja nógv fyri, so teir bæði skulu vera borgarstjórar og á tingi, gongur eisini ímóti orð­ingini í lógini um, at tú sum borgarstjóri ikki kanst varðveita títt borgarliga starv, tí hetta jú er ein so stór uppgáva. Vit vita jú, at um tú eitt nú ert lærari, so kanst tú ikki vera fulla tíð borgarstjóri og fulla tíð lærari, og tí eigur tað sjálvandi heldur ikki at bera til at sita í ting­in­ um, samstundis sum tú ert fulltíðar borgarstjóri. Í við­ merkingunum til kommunu­ stýrislógina stendur eisini, at borgarstjórin hevur skyldu til at røkja sítt starv av heilum huga, og tað er eisini tí, at hann skal hava løn fyri at vera borgarstjóri. Tað er blivið skotið lands­ stýriskvinnuni í skógv­ar­ nar, at hon skal hava ilt av, at summi fólk skulu fáa tvær lønir – eina frá borgar­ stjórastarvinum og eina frá løgtingssessinum, men tað heldur hon ikki vera tað týdn­ingarmesta í hesum mál­inum. – Eg vil tó siga, at tað er ikki tað, ið vigar tyngst, nú eg ætli mær at koma við einum uppskoti um at endurskoða kommunustýrislógina. Men eg vil so siga, at tað tó eisini er eitt evni í hesum, at fólk skulu fáa tvær lønir fyri tvey fólkavald størv. Men fyrst og fremst snýr hetta sum um tær grundleggjandi uppgávurnar, ið knýta seg at størvunum – óansæð um tað borgarstjórastarvið ella løgtingsstarvið, sigur hon. Ov mikið um oyruni Annika Olsen undrast eis­ ini á, at tað skal bera til hjá borgarstjórum at finna pláss í álmanakkanum fyri øllum sínum avtalum, tá teir samstundis skulu røkja ein tingsess. – Eg veit, at tað eru ikki meira enn 24 tímar í sam­ døgrinum, og eg veit eisini, at ein fulltíðar borgarstjóri hevur so mikið nógv um oyruni, at skal hann eisini røkja ein tingsess, verður hann ikki meira enn hálvur onkrastaðni, sigur hon. – Vit hava beint nú lagt eldraøkið út til kommunrnar, og eg veit, hvussu nógva orku tað krevur at umsita tað, tí tað havi eg sjálv gjørt. At hava tvey størv, er meira enn ríkiligt, men so eisini at hava eitt so tungt øki aftrat, ljóðar púra ógjørligt í mínum hugaheimi. Mínar royndir eru, at har er meira enn ríkiligt at tríva í, og eg skilji ikki, at nakar annar kundi hugsað sær at havt so nógv um oyruni, sum tað alt samalt krevur. Landsstýriskvinnan sig­ ur, at hon væl veit, at tað eisini í øðrum londum ber til, at borgarstjórar sita í ting­inum, men hon heldur tað bara ikki vera nakað, ið riggar serliga væl. – Eg haldi tað bara ikki vera rætt, at tú fert eftir at røkja bæði hesi politisku størvini, og tað hava verið støður, har eg haldi meg hava upplivað í tinginum, at løgtingsfólk hava havt trupult við at skilt tingini sundur. Og tað er vandin, tá tú situr har við ov nógvum hattum á høvdinum, tí at tú skalt kunna sita í tinginum og lóggeva fyri teg sjálvan og tína kommunu, haldi eg bara ikki vera rætt, sigur hon. Sum sagt, ætlar lands­ stýris­kvinnan í komm­unu­ málum at hava eitt upp­skot klárt til á ólav­søku, um so er, at hon fær undirtøku fyri at leggja tað fram. – Nú verður eitt upprit lagt fyri landsstýrið um at gera hesa lítlu broytingina, sum síðani verður send til hoyringar. Er undirtøka fyri at leggja málið fyri tingið, so verður tað gjørt á ólavsøku, og eg havi eisini góðar vónir um at fáa tað samtykt, tí eg havi varhugan av, at tað eru fleiri í løgtinginum, ið hava hesa somu áskoðan, sigur Annika Olsen, ið heldur tað ikki vera annað enn rímiligt, at løgtingið í øllum førum sleppur at taka støðu til spurningin. hilmarjan@sosialurin.fo Ein fulltíðar borgar­ stjóri hevur so mikið nógv um oyruni, at skal hann eisini røkja ein tingsess, verður hann ikki meira enn hálvur onkrastaðni