mánadagur 18. mai 2015síða 8

Mánadagur 18. mai 2015 · Nr. 56 8 Sosialurin Hugskot og viðmerkingar – send sms til 225000 POLITIKKUR Hilmar Jan Hansen – Tá fulltíðarsetti borgar­ stjór­in í einari av stóru komm­ununum skal senda okk­urt skriv út, so fær hann eitt útkast frá onkrum í um­ sitingini. Men um eg sum hálv­tíðarsettur borgarstjóri skal senda okkurt út, so má eg skriva alt sjálv, tí eg havi ikki hasa stóru umsitingina at hjálpa mær. So upp á tann mátan hevur fulltíðarsetti borgarstjórin kanska við­ hvørt betri stundir enn tann hálvtíðarsetti. Tað sigur Katrin Næs, borgarstjóri í Hvannasunds kommunu, sum er ein komm­una ið fevnir um bygd­ irnar Hvannasund, Norð­dep­ il, Norðtoftir, Depil og Múli við tilsamans umleið 400 íbúgv­um. Í bygdaráðnum sita fimm fólk, harav fýra eru úr Hvannasundi og eitt úr Norð­depli, og umframt at borgar­stjórin er settur hálva tíð, hevur lítla kommunan eisini ein skrivara, sum hev­ ur arbeitt hálva tíð, men nú er farin upp í tíð, so ar­beiðs­ tíðin er 30 tímar um vikuna, tí brúk var fyri tí. – Vit eru ein lítil komm­ una, so tað er avmarkað, hvussu nógv mál vit hava at taka okkum av, men hin­ vegin er einki mál ov lítið og einki ov stórt. Eg skal sum borgarstjóri taka mær av øllum, um tað so er ein lykta­peli ella ein kloakk, leys­ gangandi hundar ella bræva­ samskifti, sigur hon. – Uppgávubýtið er annars soleiðis, at skrivarin tekur sær av øllum tí vanliga skriv­ stovuarbeiðinum hjá komm­ un­uni, so sum bók­ing­um, roknskapi og sovorðnum, og so havi eg alt annað um hendi. Hóast kommunan ikki er stór, so er mangt og hvat at taka eina hond í, og eingin dagur hjá borgarstjóranum er heldur líka. – Millum annað er ymiskt fundarvirksemi, og har er líka nógv hjá mær at gera, sum hjá borgarstjórum í størri kommunum, tí fund­ ir­nir taka somu tíð hjá mær sum hjá øðrum. Nakrir fund­ ir eru fastir, og so eru aðrir, ið koma, tá tørvur er á tí, sigur hon. – Viðhvørt kann tað vera eitt sindur ringt at fáa alt at ganga upp, meðan tað aðrar tíðir gongur fínt. Tað kann jú henda seg, at fundir og annað liggja so, at okkurt má flytast og býtast um, men sum heild ber til hjá mær at leggja tingini so til rættis, at eg fái verið allastaðni, har eg skal vera. Samstarva við onnur Ein munur er, at tá bara fimm fólk sita í bygdaráðnum, eru ongar nevndir, sum ann­ars er tað vanliga í størri komm­ unum, har nevndir eru fyri tey ymsu økini. – Tí verður ikki arbeitt upp á sama máta hjá okk­ um, sum hjá teimum stóru komm­unun­um, har nevnd­ ir arbeiða við eitt nú sosial­ málum og tekniskum málum. Um vit eitt nú arbeiða við okkara fíggjarætlan, so er alt bygdaráðið í veruleikanum fíggjarnevnd, sigur Katrin Næs, ið sum borgarstjóri fyri­reikar málini, sum koma fyri bygda­ráðið. – Hóast tað ikki eru so nógv mál, so kunnu tað vera øgiliga nógv ymisk mál, og tí er eingin dagur líka, tá tú arbeiðir sum borgarstjóri í eini lítlari kommunu. Komm­unan hevur eina skrivs­tovu, sum hevur skriv­ stovutíð frá klokkan níggju til tvey tríggjar dagar um vik­una, men annars eru vit har eisini hinar báðar ger­ andisdagarnar. Av tí at kommunan ikki er so stór, er eisini avmarkað, hvussu nógvar tænastur og stovnar hon hevur, men har tað er brúk fyri tí, verður eisini samstarvað við onnur. – Vit hava skúla og dag­ stovn, men tað, sum er av øðrum, gera vit í samstarvi við Klaksvíkar kommunu og grannakommunurnar ann­ ars. Eitt nú hava vit felags havnarnevnd við Viðareiðis kommuni, og soleiðis fáa vit við samstarvi loyst tær uppgávur, sum eru, sigur borgarstjórin í Hvannasundi. – Men hinvegin kundi eg onkuntíð ynskt mær eina umsiting, ið hevði lætt um. Hinvegin hava vit so nógv samstarv við serliga Klaksvíkar kommunu, at tað ger tað lættari hjá okkum. Og hava vit brúk fyri ráðgeving, keypa vit hana, so vit mugu út at biðja onnur hjálpa okkum, tá vit hava brúk fyri fakkunnleika, vit ikki hava sjálv. Serliga, tá talan er um teknisk mál, sum vit hava nokk so nógv av, hava vit brúk fyri ráðgeving, so har hava vit ein fastan ráðgeva, vit brúka nokk so nógv. Stillar ikki upp Nú so nógvir borgarstjórar liggja framvið at sleppa inn á ting, staðfestir Katrin Næs, at hon sjálv ikki hevur nakrar ætlanir um at fara tann vegin. – Eg havi onkuntíð fyrr verið uppstillað, men eri liðug við tað. Men hinvegin skilji eg øgiliga væl teir komm­unalpolitikarar, sum hava ynski um at koma upp í landspolitikk, tí eg skilji væl, at fólk vilja sleppa at hava eina meining og at vera har, sum tingini verða avgjørd, sigur hon og nevnir eitt dømi um, at tað almenna hevur ilt við at sleppa stýringini, tá mál verða latin kommununum at taka sær av: – Um vit hyggja at eldra­ málinum, so haldi eg, at tað vísir eitt sindur, at eitt mál verður latið út til komm­ unurnar við aðrari hondini, samstundis sum hin hondin ikki vil sleppa tí. Spælirúmið til at mynda, hvussu eldra­ økið skal stýr­ast, verður øgiliga lítið, um tað bara skal verða, sum miðfyrisitingin hevur hugsað sær tað. So tað stríðið er slett ikki liðugt enn. hilmarjan@sosialurin.fo IVALEYST AT GERA HÁLVA TÍÐ – Eg skilji øgiliga væl teir kommunalpolitikarar, sum hava ynski um at koma upp í landspolitikk, tí fólk vilja sjálvandi sleppa at vera har, sum tingini verða avgjørd, sigur Katrin Næs, hálvtíðarsettur borgarstjóri í Hvannasundi, ið tó ikki sjálv ætlar at stilla upp til løgtingið aftur Eg skilji øgiliga væl teir kommunal­politikarar, sum hava ynski um at koma upp í landspolitikk, tí eg skilji væl, at fólk vilja sleppa at hava eina meining og at vera har, sum tingini verða avgjørd