hósdagur 28. mai 2015síða 35

Fríggjadagur 29. mai 2015 sosialurin 60 35 búmerki, sum myndar eina lofts­ mynd av Føroyum og ein estetiskan fimleikara. Heiðursmerkini, sum verða latin, eru serlig í mun til hvussu vit vanliga kenna tey. Tey eru handgjørd av navnframu glaslistakvinnuni, Mikkalinu Norðberg. Innivist At skipa fyri so stórari kapping í lítlu Føroyum hevur kravt sítt, og fyri­ reikingarnar hava verið í gongd líka síðani tað gjørdist greitt fyri trimum árum síðani, at Føroyar skuldi vera vertur. Ein fyrireikingarnevnd hevur ar­ beitt við at fáa tað fíggjarliga, ítróttar­ liga og praktiska upp á pláss, og tað var greitt á tíðindafundinum fyrra­ partin, at alt er komið upp á pláss. Innivist er fingið til teir mongu gestirnar í Havn. Teir fara at búgva á Hotel Føroyum, Hotel Hafnia, Hotel Tórshavn, Hotel Streymi, Hotel Havn, í Kerjalon, Bládýpinum, skúla­heiminum í Marknagili, Føroya Fólkaháskúla og í Odd Fellow- húsinum á Grønlandsvegnum. Máltíðirnar fáa fimleikararnir í Dansifrøi. Tveir føroyskir dómarar Tilsamans 30 dómarar eru settir at døma kappingina – 12 hjá kvinn­unum, 12 hjá unglingunum og seks høvuðs­ dómarar. Tveir føroyskir dómarar eru við til kappingina. Tær eru Beinta Danielsen og Elna Johannesen. Tær báðar fingu dómaraprógv í 2005 og hava hildið seg væl til síðani tá. Tað er nevniliga eitt krav hjá al­ tjóða dómarunum, at teir skulu døma í minsta lagi tvær kappingar um árið fyri at varðveita prógvið – um ikki, so skulu teir til nýggja upptøkuroynd. Sølan byrjað Høllin á Hálsi er væl brynjað til at taka ímóti áskoðarum til kappingina. Tórshavnar kommuna hevur tikið sær av at smíða tveir stórar áskoðara­ pallar til høvið, og pláss er nú fyri heili 1.130 áskoðarum í høllini á Hálsi. Tað er væntandi, at gravgangur verður eftir atgongumerkjunum, sum verða sett til sølu hóskvøldið kl.20.00. Tey kunnu keypast umvegis billetnet.dk – leinkja til søluna finst eisini á fimleikur.fo. Kappingin byrjar leygardagin 6. juni kl.13.00. Finaluumfarið verður dagin eftir, sunnudagin 7. juni kl.14.00. albinus@sosialurin.fo Katrin Abrahamsen Mynd: Álvur Haraldsen