hósdagur 28. mai 2015síða 60

20 Mentanarblaðið hjá Miðlahúsinum 5 • 29. mai 2015 laksvíkar bókasavn er bæði skúla- og fólkabókasavn. Hetta merkir, at fyrra­partar mánadag til hósdag er tað skúlin, ið eigur bókasavnið, og fríggja­ morgnar eru tað barnagarðarnir í bý­ num, sum eiga bókasavnið. Bóka­savn­ ið er alment opið frá kl. 13.00 til 18.00. Á bókasavninum í Klaksvík kunnu vit gleðast um, at 2015 sær út til at fara at verða eitt gott ár hjá bóka­ savninum, hvat útláni viðvíkur. Hesar fyrstu mán­ aðir­nar hava vit havt størri útlán enn í fjør og t.d. hevur tað í apríl mánaði í ár verið óvanliga nógv út­lán samanborið við onnur ár. Vit merkja, at nú eru næm­ ingarnir í ymsu skúlunum í holt við seinastu rit­gerð­ir­ nar áðrenn summarferiuna. Tað er at frøast um, at tey eru so ófør at vitja bókasøvnini. Eisini merkja vit á bókasavninum, at foreldur taka áheitanirnar frá skúlunum til sín um at brúka bóka­ savnið í sambandi við frílesing fyri at økja um lesi­ førleikan hjá børnunum. Umhvørvisvika á bókasavninum Í sambandi við umhvørvisvikuna, sum var í Klaks­vík í døgunum 5. til 9. mai, var barnatiltak fyri børn­unum í skúlabólkunum. Børnini høvdu teknað tekn­ingar um umhvørvið, og hesar vórðu hongdar upp á bóka­savn­ inum. Fríggjadagin var so tiltak á bóka­savn­inum, har Mikkjal gyklaði, børnini fingu okkurt gott, og vinn­arar­ nir av teknikappingini vórðu funnir. Um­framt at tekn­ ing­arnar verða sýndar fram á bókasavninum, verða vinnara­tekningar­nar eisini at síggja í býarbussunum í næstum. Tiltøk: Lesiringurin hittist aftur hóskvøldið 21. mai at tosa um skaldsøguna “Kantate” hjá Kristín Marju Baldursdóttir. Hetta verður seinasti lesiringur áðrenn summarsteðgin. Lesiringurin á Klaksvíkar bókasavni hevur verið virkin síðan 2006, og hava vit lisið meiri enn fjøruti bøkur saman. Lisnar verða ymsar skaldsøgur, og hvørt ár verður ein klassikari lisin, eins og vit lesa eina filmatiseraða bók og so síggja filmin. Lesiringurin hittist frá september til mai, og vit hittast annanhvønn mánað. Pláss er altíð fyri fleiri í lesiringinum, so nýggir lesarar eru hjartaliga vælkomnir. Á Norðoyastevnu heldur Óluvá Klettskarð fyrilestur um kvinnur í politikki. Óluva Klettskarð fer at tosa um søguligu gongdina hjá kvinnum í politikki, avbjóðingarnar at koma upp í politikk, og hvønn týdning tað hevur at kvinnur eru um­boðaðar. Bókasavnið hevur hesi seinastu árini havt eitt tiltak á Norðoyastevnu, og hava tey verið væl vitjað. Í ár eru hundrað ár síðan, at kvinnurnar sambært Grundlógini fingu valrætt, og tí hava vit valt, at kvinnur í politikki skal verða evnið á Norðoyastevnu í ár. Í skránni fyri Norðoystevnuna sæst nær fyrilesturin verður. Á bókasavninum K hesaferð í Klaksvík Bókasavnið eigur nógvar spennandi bøkur um urtagarðsrøkt, nú tíðin er komin at fara út í urtagarðin. Summarfrítíðin nærkast, og bókasavnið eigur nógvar ferðabøkur til alskyns ferðamál. Vit viðmæla hesar skaldsøgur sum summarfrítíðarlesnað: Anthony Doerr hevur skrivað “Alt det lys vi ikki ser”. Ein spennandi skaldsøga frá 2. heims­bardaga, um tvey ung, Marie- Laure úr Fraklandi og Werner úr Týsklandi. Marie-Laure er blind og noyðist at flýggja úr París, tá ið býurin verður tikin av týskarum. Werner er foreldraleysur, men tá ið hann finnur eitt brotið útvarpstól og dugir at fáa tað at riggar aftur, sleppur hann at royna seg hjá Hitlerjugend. Bæði eru í býnum Saint-Malo, tá ið hann verður bumbaður, og vegir teirra krossast. Fimta bókin í vælumtóktu krimirøðini hjá Lindu Castillo er “Sidste åndedrag”. Tað serliga við hesari krimirøðini er, at hendingarnar fara fram millum amishfólk í USA. Nógv eftirspurdi rithøvundurin Jojo Moyes er komin við nýggjari skaldsøgu við heitinum “Hende du forlod”. Í 1916 livir Sophie í Fraklandi og bíðar eftir manninum, sum er í kríggi. Maðurin hevur málað eina mynd av Sophie. Í 2006 eigur Liv henda sama máln­ingin. Hon hevur fingið hann frá manni sínum, ið júst er deyður. Í bókini hoyra vit um lívið hjá hesum báð­ um kvinn­unum. Gaute Heivoll hevur skrivað skald­søguna “Over det kinesiske hav”. Í 1945 byggja eini hjún sær hús, sum skal verða heim­ið hjá teimum og børnunum, eins og hetta eisini skal verða eitt heim fyri fleiri børn og vaksin við breki. Tað gongur væl við heim­inum og øll trívast, til vanlukkan rakar. Gaute Heivoll er norð­maður og hevur skrivað hesa skald­søguna yvir verðuligar hendingar. Í skaldsøguni “Endnu er der håb” hjá Karin Wahlberg eru vit stødd á einum svenskum sjúkrahúsi í 1953. Sjúkan barna­lamningur ger um seg, og øll eru bangin fyri at verða smittað. Vit fylgja bæði teimum, sum arbeiða á sjúkrahúsinum og sjúklingunum. Bøkur til árstíðina Teknikapping fyri børn á Klaksvíkar bókasavni