mánadagur 1. juni 2015síða 6

Mánadagur 1. juni 2015 · Nr. 61 6 Sosialurin Hugskot og viðmerkingar – send sms til 225000 Uni Holm Johannesen – Hetta er størsta senjasjónin í føroyskum politikki. Eingin hevði droymt um hetta. Úrslitið var ikki meira enn komið á sjónvarps­ skíggj­an, tá tíðindamaðurin kom á tal við nývalda fólka­ tingsmannin Sjúrð Skaale, sum var fullkomiliga tikin á bóli. Í beinleiðis viðtalu kom ovfarni havnarmaðurin við bragdligari niðurstøðu. Hetta var mest óvæntaða valúr­ slit­ið í føroyskum politikki nakran­tíð. – Eg eri púra tikin av fót­ um, staðfesti hann. Dagarnar fyri valið bendu einstøk tekin á, at Sjúrð­ur Skaale fór at hevja seg upp um Høgna Hoy­dal og somuleiðis vinna fólka­ tingssessin frá sínum gomlu floksfeløgum í Tjóðveldi. Vikurnar fyri fólka­ tings­valið vóru buldrutar hjá Sjúrði Skaale. Ósemj­an millum Høgna Hoy­dal og hann um stjórnar­skip­anar­ uppskotið elvdi til, at hann salaði um og tók seg úr flokkinum, hann hevði virk­ að fyri síðan 1998. Skaale var í opnum og almennum stríði við leiðsluna. Samstarvið var ikki virðiligt, og hann valdi flokkin frá. Tann 22. august, gott og væl tríggjar vikur fyri fólka­ tingsvalið, fór hann upp í Javnaðarflokkin. Við einum skinklandi trúvirði brynjaði hann seg til at vinna sess­in á Christiansborg frá mann­ inum, hann hevði arbeitt fyri í 13 ár, Høgna Hoydal. Dugdi retorikkin til lítar Sjúrður Skaale, sum varð vald­ur tingmaður á fyrsta sinni í 2008, hevði drúgva greina­røð í Dimmalætting og Sosial­inum í 2010 um polit­ isku skipanina í Føroyum. Stevið var ørkymlandi eftir hansara tykki, og hann tekn­ aði í bløðunum eina greiða mynd av, at veljarin hevði onga ávirkan á politisku kós­ina. – Eftir tvey ár í politikki má eg staðfesta, at í Føroyum er einki vallyfti bindandi. Tá atkvøðurnar eru taldar, veit eingin, hvør hevur vunnið. Veljarin avger ikki, hvør flokk­ur skal í stjórn. Hvør skal vera løgmaður. Ella hvør poli­tikkur skal rekast. Og so rópa vit tað fólkaræði…, skriv­aði hann. Sjúrður Skaale var vald­ ur í løgtingið fyri Tjóð­ veldi, men var nú, stutt fyri fólka­tingsvalið, partur av ting­bólkinum hjá Javn­aðar­ flokkinum. Velj­arar ivaðust stórliga. Við floksskiftinum umboðaði hann sannliga eis­ini manglandi trúvirðið mill­um politisku skipanina og veljaran. Er Sjúrður Skaale full­ veldis­maður? Ella tekur Sjúrð­ur Skaale undir við hóv­ligu tilgongdini hjá Javn­ aðar­flokkinum, sum er sam­ ríkisflokkur? Tað vóru iva­ málini, hann skuldi royna at kveistra burtur í val­stríð­ num. Hann legði fyri í sjón­ varps­sendingini “Í andglett­ in­um”, har journalistar settu valevnunum stevnu at kjakast um, hvør føroyski leikluturin skuldi vera á Christiansborg. Har treiv hann orðini, sum í ávísan mun komu at mynda hans­ ara valstríð, at hann “var ikki ein steinur”, men ein per­sónur, sum gjørdi sær meiningar við støði í egn­ um royndum. Við sínum retorisku gávum setti hann polarisering upp ímóti poli­ tikki, Edmund Joensen upp ímóti Høgna Hoydal – at tá eitt rópar loysing, ann­að rópar samband, verða Før­ oyar ikki fluttar ein milli­ metur. Føroyskur innan­ríkis­ politikkur skuldi ikki dragast við niður í fólkatingið. Nei til polarsering og partapolitikk, ja til politikk og úrslit, segði hann. Sjúrður Skaale hevði í nógv ár verið fólksins ogn og talaði til bæði ung og gom­ul. Hann var kendur frá skemti­røðunum Pipar og Salt, E elski Føroyar og satir­iskum skemtisangum. Hann hevði átt virknan lut í almenna kjakinum í nógv ár – ein bastardur við nógvum meiningum, rópar hann seg sjálvan í greinasavni, hann gav út í 2010. Innihaldsleyst Lítið innihald var eisini í tama valstríðnum í 2011. POLITIKKUR TÁ SJÚRÐUR SKAL Fyri fólkatingsvalið hevði Annika Olsen boðað frá, at hon ætlaði sær formanssessin í Fólkaflokkinum frá Jørgeni Niclasen, tá landsfundur varð í november. Hetta valið var av somu orsøk ein styrkiroynd hjá henni og sitandi formanni. Og Jørgen Niclasen tapti so dyggiliga. Annika Olsen fekk gott og væl 800 atkvøður fleiri enn hann. – Á einum liði er tað ikki altíð liðfor­mað­ ur­in, sum skorar málini, segði Jørgen Nicla­ sen eftir valið. Tað eydnaðist ikki Anniku Olsen at koppa formanninum á lands­fund­ inum tveir mánaðar seinni. Annika bukaði Jørgen