týsdagur 2. juni 2015síða 22

Mikudagur 3. juni 2015 · Nr. 62 22 Sosialurin XVI AGG WORLD CHAMPIONSHIP AGG JUNIOR WORLD CHAMPIONSHIP FAROE ISLANDS 2015 Pætur Albinus Í HM-kappingini í estetiskum fimleiki komandi vikuskifti verður ein stórur hópur av al­tjóða dómarum savnaður í Føroyum, og ímillum allar dóm­ararnar eru eisini tveir før­oyskir. Talan er um tær báðar Beintu Danielsen og Elnu Johannesen, sum báðar hava verið altjóða dóm­arar síðani 2005 og hesa­ferð eis­ ini fáa abyrgdina av øllum viður­skift­unum við dómar­ unum. Verður spennandi Tilsamans 30 dómarar eru settir at døma kappingina – 12 hjá kvinnunum, 12 hjá unglingunum og seks høvuðs­dómarar. Beinta Danielsen, sum er ein av før­ oysku dómarunum í kapp­ ingini, gleðir seg. – Tað verður spennandi at døma eitt HM á heimavølli. Eg veit ikki, um vit nakrantíð fáa tann møguleikan aftur, sigur Beinta Danielsen, sum er altjóða dómari á 10. ári. Hennara áhugi fyri fim­ leiki stavar frá barnsbeini av, tá ið hon longu sum seks ára gomul fór at venja við Havnar Fimleikafelag. Seinni fór hon á ítróttarháskúla í Dan­mark, har hon gjørdi fimleik við einum elituliði í Århus. Heimafturkomin til Føroya í 1985 var hon við í Grand Prix-fimleiki, har hon gjørdist dómari í 1994. Í 2005 varð skift til estetiskan fim­ leik og Føroyar fingu lima­ skap í altjóða sam­gong­uni IFAGG, har øll limalondini skulu hava dómarar. Føroysku umboðini blivu Beinta Danielsen og Elna Johannesen, og báðar eru tær við enn. Dáma væl At tær báðar hava verið við so leingi, man vera tí at tær trívast í starvinum. – Vit hava dámt tað væl. Tey fyrstu árini skuldi tú líka finna teg til rættis og finna teirra máta at arbeiða upp á í mun til okkara. Men tá ið vit so komu í altjóða dómara­ hópin, funnu vit útav, at vit eru rættiliga væl fyri og á høgum støði. Vit hava verið við til at broytt okkurt í reglu­gerðini, sum ikki var sum tað skal, og so hava vit eisini dømt fyri Dan­mark, tí at tey fram til í ár ongan al­tjóða dómara hava havt, sigur Beinta, sum saman við Elnu tískil hevur verið mang­ an ferðina í Dan­mark og dømt danska meistara­heitið. Tað er einki at taka seg aftur í, at dømingin tekur tær víða um í heiminum. – Í ár hava vit verið tvær ferðir uttanlands og dømt, har føroy­ingar eisini hava lut­tikið. Vit vóru í Bulgaria í mars og Finnlandi síðst í apríl, og harímillum dømdu vit so DM eisini, greiðir Beinta frá. Hon leggur afturat, at um dómararnir skulu varðveita prógvið, er krav, at tær døma í minsta lagi tvær altjóða kapp­ingar um árið. Gera tær ikki tað, so skulu tær upp til nýggja roynd. Krevur nógv Tað krevur nógv at vera dóm­ari í estetiskum fimleiki. – Tað krevst at tú ert ógvu­liga væl inni í reglu­ gerð­ini og fyrireikar teg væl áðrenn kapping. Venjarar og fim­leikarar brúka nógva tíð og orku, so kappingin skal enda við rætta vinnaranum. Tí mugu vit vera ógvuliga væl fyri­reikaðar, sigur Beinta og leggur afturat, at tað javn­an koma broytingar fyri og at teirra uppgáva tá eis­ini er at undirvísa tað víð­ ari til venjararnar. – Venjarar her heima hava ikki so stóra hjálp utt­ an okkum dómarar, sigur Beinta, sum saman við Elnu harvið kastar lær­dóm av sær við­víkjandi krøv­um til seriur­nar hjá fim­leik­ar­ unum. Tá ið dómarin hevur sett seg í stólin og serian er um at byrja, krevst hugsavnan. – Tað gongur skjótt fyri seg, so tað ræður um at ikki lata seg ávirka av nøkrum, sum annars gongur fyri seg í høllini, so sum lív og tón­leik­ ur, sigur hon. Nógv eygu Sum nevnt, so vera heili 30 dóm­arar við til kappingina – 12 hjá kvinnunum, 12 hjá ung­ lingunum og seks høvuðs­ dómarar. Tað er eisini nógv at halda eyga við. Dómaraborðið telur 12 dóm­arar til hvørja seriu, og eru tær býttar upp í trý at halda eyga við ymiskum á gólv­inum. Fyrsti parturin er krøv, sum seriurnar skulu inni­ halda, og halda fýra dómarar eyga við um liðini hava alt við í seriuni. Næsti partur er tað listar­ liga. Tað kann snúgva seg um eina søgu ella ein spenning í tón­leik­inum. Triði parturin er sjálva fram­førslan, sum verður dømd, og snýr tað seg tá um m.a. javnvág, um fim­leik­ar­ ar­nir skinkla, hava armar í somu hædd, um tær fylgjast at o.s.fr. Skipa fyri Umframt at vera við sum dóm­arar, so hava Beinta Danielsen og Elna Johannesen eisini fingið upp­gáv­una at taka sær av øllum dóm­ar­unum, sum koma higar. Tað snýr seg m.a. um at taka sær av pappír­ar­beiði, vísa teimum runt, syrgja fyri mati og øðr­um fyrifallandi, sum er út­lendsku dóm­ar­unum til hjálp­ar. Fyrstu dómararnir koma longu til Føroya í kvøld, týskvøldið. Dómarar koma eitt nú úr Kanada og Japan, og er tað fyri at venja seg við stóra tíðarmunin, at tær koma higar so tíðliga. Venjing verður í høllini fríggjadagin kl.17, og tá er krav, at dómararnir møta fyri at síggja øll liðini. albinus@sosialurin.fo Spennandi at døma HM á heimavølli beinta danielsen – Tað verður spennandi at døma eitt HM á heimavølli. Eg veit ikki, um vit nakrantíð fáa tann møguleikan aftur, sigur Beinta Danielsen, sum er altjóða dómari á 10. ári. Saman við Elnu Johannesen og einum hópi av útlendskum dómarum skal hon syrgja fyri, at rætti HM-vinnarin verður funnin