týsdagur 2. juni 2015síða 51

11 Vinnublaðið hjá Miðlahúsinum nr. 5 I 1. juni 2015 Ingolf S. Olsen - PRESS Áðrenn Suni Simonsen, formaður í Føroya Hand­verksmeistarafelag, fór til samráð­ingar­ borðið í fjør heyst at samráðast um nýggjan sátt­mála, hevði hann alment boðað frá, at hann ikki fór at góð­taka bara at skula trýstast inn í ein karm, sum onnur feløg – og tað er í hesum høpi arbeiðara­feløgini – høvdu sam­ rátt seg til. – Higartil hevur hesin vælsignaði karmur verið ein reguler spennitroyggja, sum er smoygd niður yvir okkum, tí hand­verkara­ feløg­ini hava ikki havt nakra sum helst ávirkan á hann. Tí hava lønarsamráð­ingarnar fyri okkara viðkomandi heldur ikki verið veru­ligar – alt var jú avgjørt framman­undan, sigur Suni Simonsen. Læstur karmur Men at karmurin hjá arbeiðarafeløgunum skuldi galda, var júst kravið, ið Føroya Hand­ verkara­felag og Landsfelag Handverkaranna, sum samráddust saman, vóru møtt við frá arbeiðs­gevarunum. Upprunaliga kravið hjá handverkara­feløg­ unum var at fáa sveinalønina upp á 150 krónur um tíman, men Føroya Arbeiðsgevarafelag vildi ikki hoyra taling um at víkja frá karm­ inum, sum var ásettur í sáttmálunum við ar­beiðara­feløgini. Tað nyttaði heldur onki, at handverkara­ feløgini slakaðu kravið niður á 138,93 krónur um tíman, og eftir at Semingsstovnurin var komin uppí, kendu tey seg noydd at góðtaka eitt semingsuppskot við einari væl lakari lønarhækking: Tímalønin fyri tær longru handverkara­ útbúgvingarnar hækkaði 1. oktober í fjør við 1,98 prosentum úr 128,93 krónum í 131,48 krónur, og 1. mai í ár hækkaði hon aftur við 2,25 prosentum, so hon nú er 134,44 krónur. Fyri tær styttru handverkaraútbúgvingarnar hækkaði tímalønin til 126,18 krónur 1. oktober í fjør og 129,02 krónur 1. mai í ár. Óbehagiligt Suni Simonsen minnist ilt aftur á samráð­ ingar­nar í fjør heyst, tó at úrslitið flutti nøkur mørk, sum áður ikki vóru til at vika. – Talan var um sera óbehagiligar sam­ráð­ ingar. Vit hildu okkum í fyrstu syftu skula sam­ráðast við Handverksmeistarafelagið, men fingu beinanvegin at vita, at tað hevði latið Føroya Arbeiðsgevarafelag sam­ráðingar­ rættin. Og haðani vóru boðini stutt og greitt, at karmurin var lagdur, og tey ætlaðu ikki at víkja ein tumma frá honum. Umboðini fyri Føroya Arbeiðsgevarafelag søgdu enntá, meðan umboðini hjá Handverks­meistara­ felagnum eisini vóru til staðar, at um meistararnir kortini skuldu funnið upp á at givið okkum til dømis 5 ella 10 krónur meira um tíman, so fór Føroya Arbeiðsgevarafelag ikki at góðtaka tað, greiðir Suni Simonsen frá. Mørk vórðu flutt At feløgini kortini góðtóku semjuuppskotið hjá semingsmonnunum var tí, at uppskotið hóast alt fór eitt sindur út um karmin. Hetta tí lønarhækkingin, sum eftir vanliga sátt­mála­ leistinum hevði fari í gildi 1. oktober í ár, er flutt fram til 1. mai í ár. Samstundis endar sáttmálaskeiðið 1. mai næsta ár, samstundis sum tað hjá arbeiðara­ feløgunum, og ikki 1. oktober næsta ár, sum tað hevði gjørt, um vanligi sáttmálaleisturin varð fylgdur. Men hetta er treytað av, at handverkara­ feløgini og arbeiðarafeløgini hava skipað seg í eina felags samráðingareind at samráðast um nýggjar sáttmálar at fara í gildi 1. mai 2016. Megna tey ikki tað, skal handverkarasáttmálin galda til 1. oktober 2016. Øll fáa ávirkan Suni Simonsen hevur sjálvur fingið litið í hendi at standa fyri samráðingunum millum handverkarafeløgini og arbeiðarafeløgini um at skipa seg í eina samráðingareind. – Enn hava vit ikki havt so nógvar fundir, og uppgávan er ikki løtt, tí áhugamálini hjá feløgunum eru ikki tey somu í øllum lutum. Men eg vóni og vænti, at tað fer at eydnast, tí tá verða vit felags um at samráðast um lønar­karmin, sum vit øll tískil fáa eins stóra ávirkan á. Og tað var jú júst tað, sum eg vildi, tá vit fóru undir samráðingarnar í fjør, sigur Suni Simonsen. Karmurin er ein spenni­troyggja Um tað eydnast handverkarafeløgunum og arbeiðara- feløgunum at skipa seg í eina samráðingareind, so fara tey í felag at samráðast um nýggjar sátt­málar at fara í gildi 1. mai næsta ár. Við tí fáa øll feløgini ávirkan á lønarkarmin – Higartil hevur hesin vælsignaði karmur verið ein reguler spennitroyggja, sum er smoygd niður yvir okkum, tí handverkarafeløgini hava ikki havt nakra sum helst ávirkan á hann, sigur Suni Simonsen