týsdagur 2. juni 2015síða 66

Javnaðarflokkurin á fólkatingi 4 Nøkur úrslit Úrslitini eru mong og góð. Her eru nøkur teirra. 10 milliónir til FarGen Í samráð við viðkomandi partar gjørdu vit í 2014 semju við stjórnina um, at FarGen fær 10 milliónir. Endamálið er bæði at basa sjúkum, at menna føroyska gransking, og at skapa arbeiðspláss og inntøkur í Føroyum. Tvær milliónir til fornminni í Porkeri Aldargomlu húsini í Eystrum í Porkeri eru eitt serstakt fornminni. Í mars 2015 gjørdu vit semju um, at tey kunnu verða endurreist í upprunaligum sniði fyri tvær milliónir. Endamálini eru varðveitslan í sjálvum sær, at menna ferðavinnuna – og at fólk skulu kunna læna húsini í styttri tíðarskeið. Stórt endurgjald til føroyingar Inntil 2011 rindaðu nógvir føroyingar av órøttum 8% í donskum arbeiðsmarknaðargjaldi. Hóast málið var fyrnað fingu vit ígjøgnum, at mistakið mátti rættast. Fleiri fingu stórt endurgjald. Veitingar til føroyingar í Danmark Undanfarna danska stjórn broytti lógina, so føroyingar mistu rættin til fleiri veitingar. Vit tóku málið upp, og frá 1. januar 2013 fingu føroyingar hesi rættindi aftur. Í 2014 eydnaðist eisini at tryggja teimum, sum mistu veitingarnar í eitt ár, fult endurgjald. Samstarv um føroyskan film Saman við Klippfisk fingu vit í lag samstarv millum Dansk Filminstitut og føroysk filmfólk. Hetta hevur ment spírandi føroysku filmsmentanina. Vit hava eisini í samráð við føroysk filmfólk latið gera stórt álit um føroyskan filmpolitikk og filmhús. Føroysk bankatrygd Fíggjarmarknaðurin í Danmark skal umleggjast, so teir størstu bankarnir ikki skulu kunna fara á heysin. Í samstarvi við Landsstýrið fingu vit í lag avtalu um, at umleggingin skal kunna fevna um føroysku bankarnar.