hósdagur 4. juni 2015síða 10

FRÍGGJADAGUR 5. JUNI 2015 SOSIALURIN 63 10 TÍÐINDI 28 ting­fólk og 7 lands­ stýris­fólk stilla upp Bara fimm av okk­ ara fólkavaldu politikarum á tingi og í landsstýri eru ikki á valevnis­ listunum til fólka­ tingsvalið EIRIKUR LINDENSKOV Tað er stórur áhugi hjá fólkavaldum føroyskum politikarum at sleppa á fólkating. Í øllum førum eru tað 28 av 33 tingfólkum og 7 út av 7 landsstýrisfólkum, sum bjóða seg fram, nú vit skulu velja tey fólk á fólkating. Í Grønlandi, sum eisini vel­ ur tvey umboð á fólkating, er áhugin langt frá líka stórur. Har eru higartil bara komin 14 fólk á teir fýra listarnir, sum eru almannakunngjørdir. Har ímillum eru stóru flokkarnir Iinuit Ataqatigiit og Siumut, sum eiga umboðin í dag og sum av øllum verða mett at endurvinna umboðini. Tað eru bara tingfólkini Bjarni Djurholm, Bjørt Samuelsen, Kristin Michelsen, Jóna Morten­ sen og Kári P. Højgaard, sum ikki bjóða seg fram hesaferð. Heiðra Arnold Vegghamar fyri listarlig avrik H etta vikuskiftið er ársins fyrsta summarstevna á skránni, nú Norðoya­ stevna verður hildin í Klaksvík. Flestu tiltøkini eru sjálvandi í Klaksvík, men í ár verður kortini gjørt eitt undantak – á Viðareiði. Hetta verður sunnudagin klokkan 15, tá viðingar bjóða til samkomu í bygdarskúlanum, har ætlanin er at heiðra kenda listarmálaran av Viðareiði, Arnold Vegghamar. Skipað verður soleiðis fyri, at ein framsýning av verkum hansara – eisini fleiri nýggj – verður hongd upp. Her verða somuleiðis møguleiki at síggja málningar hjá teimum, sum hava gingið til málningalist í Viðareiðis kvøldskúla í vetur. Alt tiltakið er sett á skrá, nú Arnold verður heiðursborgari á Viðareiði fyri síni listarligu avrik. Tiltakið byrjar klokkan 15 og er framsýningin opin til klokkan 19. Á hugnaløtuni seinnapartin verður sangur, røður, tónleikur og ein drekka­munnur at fáa. Pedagogfelagið krevur lønarhækking Føroya Pedagogfelag skal brúka summarið at fyrireika seg til sáttmálasamráðingar, tí felagið hevur nú sagt galdandi sáttmálar upp og fara teir úr gildi 1. oktober – Vit eru ein hin størsti starvs­ fólka­bólkurin í landinum, hava eina sera stóra ábyrgd, og vit kenna og hava leingi kent, at vit møta stórum krøvum í gerandisdegnum. Men, lønin samsvarar verri enn so ábyrgdini og krøvunum. Tí eru batar alneyðugir, sigur Jógvan Philbrow, formaður í Pedagogfelagnum við heimasíðu felagsins. Hann sigur, at meira í lønarposan, er yvirskriftin á kravlistanum hjá felagnum, tá felagið tíðliga í heyst skal til samráðingarborðið at tingast um nýggjar sáttmálar. – Nevndin í felagnum hevur seinastu vikurnar arbeitt við at gera eitt samráðingarupplegg, sum í fyrsta lagi byggir á ynskini, ið limir felagsins eru komnir við. Samanumtikið kann sigast, at flestu krøvini fara at snúgva seg um hægri lønir, sigur Jógvan Phil­ brow. Við virðing fyri sáttmálamót­ pørt­unum – Fíggjarmálaráðnum og Kommunala Arbeiðsgevarafelagnum – vil hann ikki fara í smálutir við krøvunum nú. Men, hann heldur als ikki, at nakað er yvir at dylja, at lønarkrøvini hava hægstu raðfesting. Hansara ynski er, at ein veruligur lønar­reformur verður framdur fyri øll starvsøkini hjá limunum í Peda­gogfelagnum, hjálparfólk, námsfrøðingar á dagstovnaøkinum, námsfrøðingar á serstovnaøkinum, leiðarar og aðrir bólkar í starvi hjá annaðhvørt landi ella kommunum. Hann vísir millum annað á, at tímalønin hjá einum námsfrøðiligum hjálparfólki er lægri enn tímalønin hjá einum ófaklærdum arbeiðsfólki. – Tað er neyðugt, at vit byrja at hugsað lønir øðrvísi, tí í mínum huga­heimi er tað púra órímiligt, at lønirnar hjá okkara limum skulu vera so lágar, bara tí, at tær altíð hava verið tað. Vit mugu rudda upp í hesum ósiði og byrja at løna øllum fólki á almenna arbeiðsmarknaðinum eftir útbúgvingarstøði og ábyrgd, slær for­ maðurin í Føroya Pedagogfelag fast. Av øðrum málum, sum sáttmála­ samráðingarnar fara at snúgva seg um, nevnir hann millum ann­að sálar­ ligt arbeiðsumhvørvi, eldra­politikk og eitt ynski frá limum um at fáa meira skipað viðurskifti, tá tað snýr seg um at betra samstarvið á stovnunum. Jógvan Philbrow væntar, at sam­ ráðingarnar fara í gongd stutt eftir summarfrítíðina. Jógvan Philbrow, formaður í Føroya Pedagogfelag