hósdagur 4. juni 2015síða 22

FRÍGGJADAGUR 5. JUNI 2015 SOSIALURIN 63 22 KJAK KLUMMAN Reytt og blátt er líka flott H óast eg var fluttur til Danmarkar áðrenn seinasta fólkatingsval, so legði eg ikki so nógv í, hvør fór at ráða í Danmark. Tey reyðu søgdu eitt og tey bláu tað sama. Onkur heilt lítil munur var tó kanska. Eg helt tað kanska vera fínasta slag, at ein kvinna slapp at ráða í Danmark, men hatta við, at mann skal rinda fyri at koma inn til Keypmannahavnar gjøgnum sokallaða betalingsringin var altso ikki nakað serliga kul hjá fyri ein bygdamann. Tað endaði tó við, at mín atkvøða ikki bleiv brúkt, tí eg var til arbeiðis í Kringvarpinum í samband við Fólkatingsvalið. Hinvegin. Ongin betalingsringur kom kortini, hóast danskararnir valdu hann. Mín atkvøða hevði ikki gjørt mun handan dagin og um mín atkvøða hevði gjørt, at tey bláu vunnu, so hevði tað eisini verið líkamikið, tí í tí løtu Helle fekk lykilin frá Løkke byrjaði hon eisini at gera tað, sum Løkke hevði lovað. Hesaferð hugsaði eg, at innan komandi valskeið er av, so eri eg vónandi fluttur til Føroya, og eg leggi í øllum førum nógv meira í, hvørjir føroysku fólkatingslimirnir verða. Tað frægasta hevði verið ein grundlógarbroyting, so mann slapp av við sessirnar, men til tað er gjørt, kunnu føroysku fólkatinglimirnir gera ein ávísan mun. Tí spurdi eg ríkisumboðið, um eg ikki kundi velja í Føroyum, men tað kundi eg ikki. Eg eri jú »bara« ein danskari, sum hevur búð í Føroyum til fyri nøkrum árum síðan og nú býr í Keypmannahavn. Hetta tykist mær bakvent sum føroyingur – ikki minst tí eg kann velja til løgtingsvalið í Føroyum. Yvirvøldin fortaldi tó, at búði eg ikki í ríkinum, so slapp eg at velja ein føroying, um eg uppfylti ávísar treytir. Men so krevur tað bara líka, at eg eri skrásettur á vallista 18 dagar fyri valið. Tað er sjálvandi góð tíð at skráseta seg, tá valstríðið er beint yvir 20 dagar – ella ikki. Men tað stuttligasta av øllum er, at persónur í ríkisfelagsskapinum kann stilla upp í tí valdømi, hann vil stilla upp. Eg kundi sostatt prinsipielt búð á Bornholm og stilla upp í Grønlandi, men so kundi eg ikki valt meg sjálvan. Eitt sindur undarligt, haldi eg í hvussu so er. Hví kunnu føroyingar ikki sleppa at velja føroyingar á Fólkating, tá vit kunnu stilla upp í Føroyum, um vit vilja? Eg veit, tað er nakað seint at koma við tí nú, og tað verður aktuelt aftur um 4 ár, tá mann aftur hevur gloymt alt um tað. Ja, hetta er nokk líka líkamikið sum, at føroyingar hava fólkatingssessir. Men tað er kanska ikki nógv meira líkamikið enn um danir velja reytt ella blátt. Tey fáa umleið tað sama, og í báðum førum ljóðar tað líka flott. Annfinn Brekkstein Valevni Sambandsfloksins til Løgtingsvalið Tað vísir seg at vera sterk­ar kreftir í polit­ isku skip­anini, sum framvegis royna at leggja forðingar í vegin fyri at menna høvuðsstaðin, her út­byggingina av Tórshavnar havn. Tað seinasta er, at verk­ ætl­anin nú skal undir luppin hjá lands­stýrismanninum í Mentamálum, Bjørn Kalsø, og at hann vil hava ein dialog við Tórshavnar kommunu. Landsstýrismaðurin í Mentamálum, Bjørn Kalsø, heldur fram at sáa mistreysti og leggur upp til at draga byggiverkætlanina út, soleiðis at hon skal fara fyri bakka. Hetta ger hann tí hann veit, at hann hevur uppbakning í samgonguni til at leggja forðingar í vegin. Hví tekur landsstýris­ mað­urin sær ikki av tí hann er settur í verðina til, sum landsstýrismaður í Menta- og Skúlamálum, nevnliga at styrka mentanarlívið og útbúgving í Føroyum. Knapp­ liga so blandar hann seg í mál, sum hann onki hevur við at gera, t.e. fiskivinnumál og heilsumál. Í hesum føri er tað vinnuliga verkætlanin hjá Tórshavnar havn, sum hann roynir at steðga. Komi ongantíð at góð­ taka, at kommunali sjálvs­ avgerðarrætturin soleiðis verður tikin frá høvuðs­staðar­ kommununi, serliga tá talan er um ein útjaðarapolitikara, sum stendur aftanfyri, umframt onnur, sum ikki vilja Havnini nakað gott.  Meiningar og kjak Landspolitiski ágangurin á Havnina stendur við KJAK Eirikur í Jákupsstovu Heri Mohr Oman Stóragarð 9 Í gjár, 1. juni 2015, var eg á skriv­ stovuni hjá bý­ ráðnum í gamla posthúsinum í Havn og gav mína brævatkvøðu til kom­ andi fólkatingsval. Av tí at eingin stongdur ella plomberaður kassi var at koyra konvoluttin við mínari atkvøðu í, og eg fekk at vita, at ein slíkur kassi ikki var, loyvi eg mær ar spyrja, um hetta ikki er álvarsligt brot upp á gald­andi reglur um avgreiðu av atkvøðum til alment val ella fólkaatkvøðu. Um so er, tekur spurningurin seg upp, um eg og onnur ikki eiga at atkvøða av nýggjum samstundis sum atkvøðuseðlarnir, sum vit hava givið, verða makuleraðir. Øll, við valrættaraldri, hava krav upp á loyniliga at­ kvøðu. Hvussu fram verður farið á øðrum valstøðum í Før­oyum, veit eg ikki. Kanska átti landsstýrismaðurin við kommunumálum at tikið sær av hesum álvarsliga máli: Handfaring av almennum atkvøðuseðlum frá fyrst til síðst. Vónandi fái eg alment svar. Opið bræv til formannin fyri Tórshavnar valstýri Ver við í kjakinum! Send teldupost til post@sosialurin.fo