mánadagur 8. juni 2015síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. juni 2015 · Nr. 64 Hava ikki samanfallandi áhugamál við Danmark Ein týðandi partur av Føroya framtíð verður evnað til uttan fyri landoddarnar ella í samstarvi og samskifti okkara við umheimin. Framsókn vil á Fólkating at tryggja, at ein føroyingar fáa ávirkan á hesar avgerðir fólkatingsval Danjal av Rana Hóast Framsókn, eins og aðrir før­oyskir flokkar, halda, at før­oysku fólka­ tings­sess­irnir eiga at vera avtiknir, stillar flokkurin upp til fólka­tings­valið 18. juni. – Tað er okkara skylda at luttaka í tí politisku skip­ an­ini, vit eru í, og tí eisini á fólkatingi, greiddi Poul Michelsen, formaður í Fram­ sókn frá, tá flokkurin hevði tíðindafund og framløgu av valskrá síni mánamorgunin. – Vit mugu ásanna, at nógvar avgerðir sum við­ koma okkum her í Føroyum, verða tiknar uttan fyri land­ odd­arnar. Tí er sjálvsagt, at vit eiga at gera okkara ávirkan galdandi, har hesar av­gerð­irnar verða tiknar, segði hann. Eitt av hjartamálunum hjá Framsókn er uttan­ ríkis­politikkurin. Flokk­urin roynir at seta uttanríkis­ politikk á breddan í Før­oy­ um og ætlar sær eisini at leggja dent á tað í einum fólka­tings­sessi. – Í Føroyum verður ógvu­ liga lítið kjakast um uttan­ ríkis­politikk, serliga ikki á politiskum støði. Vit í Fram­ sókn trúgva tó, at seinasta tíðin hevur víst, hvussu stóra ávirkan uttanríkispolitikkur hevur á Føroyar, og tí er stundin nú komin, at vit byrja at blanda okkum upp í restina av verðini. Vit mugu gera umheimin og tað í fyri­ ferst í honum til ein part av okk­ara dagligdegi, tí hetta gevur okkum bæði eitt betri perspektiv og mennir okk­ara búskap, segði Poul Michelsen. Framsókn legði í framløgu síni dent á, at flokkurin ikki fer at reka føroyskan politikk á fólkatingi. – Føroyskur politikkur skal fyriganga í Føroyum. Tó so, nógvar avgerðir tiknar í Danmark hava stóra ávirkan á Føroyar. Vit vilja luttaka á øllum pallum, har avgerðir, sum viðvíkja okkum verða tikn­ar, tí eisini á fólkatingi. Eitt mál, sum Framsókn ser­liga vísti á, er uttan­ríkis­ politiska kósin hjá Danmark. – Danmark er á fleiri økjum á eini kós, sum skilist frá føroysku kósini. Dan­ mark nærkast alsamt ES og flytir meiri og meiri vald til Bruxelles. Okkara fatan er, at megin­parturin av Føroya fólki ikki ætlar sær tann vegin. Hetta er ein skilnaður, sum fer at gerast alsamt klár­ari kom­andi árini, segði Poul Michelsen. – Vit mugu ásanna, at Før­oyar og Danmark, í sera grund­leggjandi, ríkis­rættar­ ligum spurningum, ikki hava samanfallandi áhugamál, og at ein uppgerð okkara mill­ um tí er alneyðug. Ríkis­ felags­skapurin er bert eitt eiti, tí tá um ræður at stríðast fyri sínum áhugamálum, er hug­burðurin hjá dønum, Danmark og tað er Danmark og tað er bara Danmark, segði Poul Michelsen, sum sjálvur hevur ta fatan, at eisini fleiri danskir politikkarar ynskja at endurskoða ríkis­felags­ skapin. – Sannleikin er tann, at veruleikin er um at yvir­hála okkum. Vit hava nú í 70 ár kjakast um heima­stýris­ lóg­ina og okkara samband við Dan­mark, men gongdin á heims­pallinum er nú so skjót, at skjótt verður avgerð­ in tikin fyri okkum, og vit hava einki annað val, enn at gerast partur av ES. Tí mugu vit fáa hesa uppgerð við danir nú, so at føroyingar sjálvir kunnu avgera sítt til­ knýti til ES, tað verið seg gjøgn­um limaskap, EFTA, frí­handils­avtalu ella okkurt heilt annað, segði Poul Michelsen, sum tó legði dent á, at Framsókn ikki er fyri før­oyskum ES-limaskapi. Framsókn er ikki ein greiður partur av reyða ella danska blokkinum undan valinum, og vil ikki geva sín treytaleysa stuðul til hvørga veingin. – Um Framsókn er á vág­ skálini, tá stjórn skal skipast, so fara vit at samráðast við báðar partar. Endamálið verð­ur tá at fáa tær sømdir, sum flokkurin hevur tørv á, og vit stuðla tí stjórn, ið sam­svarar best við virðini hjá Fram­sókn, segði Poul Michelsen. Samstundis legði hann dent á, at tjóð­skapar­ liga frælsi vigar tyngst hjá flokk­inum og at flokkurin fór at stuðla tí stjórn, sum vildi føra Føroyar longst á full­veldisleið. Framsókn fer tó, eins og Miðflokkurin men í andsøgn til stóru flokkarnar, ikki at himprast við at leggja seg út í danskan politikk, hóast ítøkiligu málini ikki hava ávirkan á Føroyar. – Tað mál eru fyri, sum vit hava eina áskoðan um, so fara vit at taka lut í kjak­ inum, hvørt málini viðvíkja Føroyum ella ikki, segði Poul Michelsen. Formaðurin vil tó ikki siga nakað um, hvørt fólka­ tings­essurin verður eitt full­ tíðarstarv hjá einum umboði úr Framsókn. Tað verður upp til tann, ið verður valdur, at gera av. – Nú veit eg ikki, hvør veru­liga arbeiðsbyrðan er. Eg veit, hvat verandi fólka­ tings­umboð siga, men teir gera stutt sagt alt annað, enn tað teir skulu gera, hóast teir hava eitt stórt bak­land og fleiri skrivarar at hjálpa sær. Ongantíð er ónyttan í føroysku fólka­tings­sess­ unum so væl prógv­að, sum hesi fýra árini, segði Poul Michelsen og gav til kenn­ ar, at hann helt sera lítið um fleiri av sonevndu avrik­ unum hjá sitandi føroysku fólka­tings­limum. – Pengar av donsku fíggjar­lógini røkka nú langt inn í føroyska samfelagið. Tað er einki avrik at reypa sær av, tvørtur ímóti, segði Poul Michelsen, formaður í Fram­sókn. Hesi stilla upp fyri Framsókn: Poul Michelsen, Tórshavn Hanna Jensen, Norðagøta Høgni Reistrup, Tórshavn Karlot Hergeirsson, Argir Ruth Vang, Tórshavn Sunneva Háberg Eysturstein, Tórshavn Myndir: Álvur Haraldsen