mánadagur 8. juni 2015síða 6

Mánadagur 8. juni 2015 · Nr. 64 6 Sosialurin Hugskot og viðmerkingar – send sms til 225000 Hilmar Jan Hansen Arbeiðið at gera Viðar­eiðis­ tunnilin er nú komið so mik­ ið áleiðis, at tað eru minni enn 400 metrar eftir at bora. Tilsamans er tunnilin 1.895 metrar langur, og til í farnu viku vóru boraðir yvir 1.500 metrar. Eftir ætlanini skal tunnilin vera liðugur at taka í brúk í fyrsta ársfjórðingi í 2017, og til ta tíð skal Viðar­ eiðis kommuna eisini hava gjørt onkrar tillagingar av vega­kervinum á staðnum. – Tað, sum er okkara part­ur, er fyrst og fremst at breiðka vegirnar, tí tað er heldur smalt onkrastaðni. Og nú nógv ferðsla hevur verið við stórum bilum í sambandi við tunnilsarbeiðið, eru onk­ rir av hesum vegum longu farnir heilt illa, so ábøt­ ur skulu undir øllum um­ støð­um gerast á teir, sigur borgar­stjórin á Viðareiði, Hans Jákup Kallsberg. Hann vísir á, at Eiðsvíks­ vegurin, sum er tað fyrsta, komið verður til í bygdini við nýggju farleiðini, skal breiðkast upp í sjey metrar, og sum er, liggur í kortunum, at vegurin helst fer í tvey eysturi í Króki, sum tey rópa tað á Viðareiði. – Eggjarvegin verður einki gjørt við, tí har er ein gomul brúgv, sum er fornminni. Har verður ongantíð nakar dupultsporaður vegur, uttan so at okkurt verður gjørt við brúnna. Men ongar ætlanir eru um tað, sigur hann. – Annars hava vit ikki gjørt aðrar fyrireikingar, tí ferðslan sum so broytist einki, annað enn at inn­koyr­ ingin til bygdina verður á einum øðrum staði, enn hon er nú. Tí fyrireika vit okkum heldur ikki til annað enn tað, ið skal gerast við at breiðka vegin, har hann kemur inn í bygdina. Gleða seg Einki er at siga til, at viðingar gleða seg til sína nýggju far­ leið, ið fer at gera tað mun­ andi tryggari at koma til og frá Viðareiði. – At vit fáa tunnilin, verð­ ur vónandi ein veldig broyt­ ing fyri bygdina. Tað, sum hetta vónandi fer at gera, er at tað ættarliðið, sum nú skal seta búgv, verður verandi her í bygdini, tá koyrilíkindini verða tað betri, enn tey eru nú, sigur Hans Jákup Kalls­ berg. Hóast Viðareiðis bygd er tann av teimum bygdunum í Norðoyggjum, sum liggur longst burtur frá í fyrsta lagi Klasvík og í øðrum lagi mið­ staðarøkinum, hevur bygdin tey seinnu mongu árini síð­ ani síðst í 60-unum staðið í vøkstri. Í dag búgva um 350 fólk á Viðareiði. – Í mun til allar hinar bygdirnar, stendur Viðareiði framvegis í vøkstri. Fyrst vóru tað tunlarnir norður um Fjall og síðani byrgingin um Hvannasund, ið gjørdu sítt til, at vit fingu vøkstur, og nú er so avbjóðingin hjá okkum eisini at fáa tað næsta ættarliðið at seta búgv her, heldur borgarstjórin. – Bygdin er vaksin øll árini, men tá vit nú fáa mun­ andi frægari atkomu­møgu­ leikar við hesi nýggju far­ leiðini, vildið eg hildið, at tað skuldi havt so mikið stóran týdning fyri trivnaðin á staðnum, at enn fleiri vildu sett búgv. Og tá vit so vón­ andi eisini fáa nýggjan tunnil Norður um Fjall, skuldi alt økið norðan fyri havt góðar umstøður. hilmarjan@sosialurin.fo VIÐAREIÐISTUNNILIN – At vit fáa tunnilin, verður vónandi ein veldig broyting fyri bygdina. Tað, sum hetta vónandi fer at gera, er at tað ættarliðið, sum nú skal seta búgv, verður verandi her í bygdini, sigur Hans Jákup Kallsberg, borgarstjóri á Viðareiði TUNNILIN NÆRKAST Viðareiðistunnilin Løgtingið samtykti á vári 2013, at gerast skuldi nýggj og hóskandi farleið til Viðareiðis, har trupulleikar í mong ár hava verið av grót- og skriðulopum, umframt at stórur partur av vegnum er einbreytaður, so neyðugt var at dagføra og tryggja farleiðina til Viðareiðis. Hetta verður gjørt við einum 1.895 metra longum og tvíbreytaðum tunli úr Hvannasundi til Middals. Í Hvannasundi verður nýggjur vegur til tunnilsmunnan gjørdur, eins og nýggjur vegur frá Middali til Viðareiðis, og samlaða nýggja vegalongdin verður umleið fýra kilometrar. Spakin var settur í mánadagin 23. juni í fjør, og fyrsta skotið latið av 28. august, og eftir ætlan er Viðareiðistunnilin liðugur og klárur at taka í brúk fyrsta ársfjórðing í 2017. Nýggjastu samferðslutølini vísa, at tað koyra 432 akfør um samdøgrið eftir Viðareiðisvegnum, og í 2024 verður mett, at ferðslan er komin upp í 510 bilar. Viðareiðistunnilin er fyrsta stóra samferðsluíløgan Norðan fyri Fjall í mong ár, og tær báðar síðstu vóru byrgingin um Hvannasund í 1974 og vegurin til Múla miðskeiðis í 80-unum. Hóast farleiðin til Viðareiðis ikki hevur verið tann besta í mong ár, hevur bygdin tey mongu seinnu árini staðið í vøkstri Mynd: Landsverk