mánadagur 8. juni 2015síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. juni 2015 · Nr. 64 VIÐAREIÐISTUNNILIN Hilmar Jan Hansen Samlaði fíggjarkarmurin hjá Løgtinginum fyri nýggju farleiðina til Viðareiðis er 162 milliónir krónur, sum er tað mesta, tunnilin kann kosta. Sambært fíggjarlógina fyri 2015 síggja tølini soleiðis út, at brúktar eru 37,5 milliónir krónur í 2014, í ár standa 35,5 milliónir krónur á fíggj­ ar­lógini, og ætlandi skulu brúkast 47,5 milliónir í 2016 og 32 milliónir í 2017. – Men nú sær út til, at játtanin fylgir ikki við ar­ beið­inum, tí sum skilst, røkk­ur játtanin ikki longur enn til, at tað verður skotið ígjøgnum og vegurin gjørdur liðugur. Eru pengarnir ikki har, verður ein steðgur í ar­ beið­inum til einaferð næsta ár, áðrenn el og alt tað kann verða lagt í tunnilin, sigur borg­arstjórin á Viðareiði, Hans Jákup Kallsberg, ið altso stúrir fyri, at arbeiðið við tunlinum ikki verður sam­an­hangandi, tí játtanin ikki megnar at fylgja við. Landsstýrismaðurin í fíggj­armálum, sum eisini um­situr landsvegir, ásannar eisini, at Articon hevur ar­ beitt skjótari, enn játtanin er sett av. – Vit eru meira von við, at tað er øvugt, at arbeiði plaga at vera seinkað, men í hesum føri hevur gingið so mikið væl, at tað sær út til, at tá næsta ár er liðugt, so er eisini alt arbeiðið liðugt. Við øðrum orðum bendir tað á, at teir arbeiða skjótari, enn játtanin er, sigur Jørgen Niclasen, landsstýrismaður. – Hetta er so einasta verk­ ætlan í mong ár, ið fær tann positiva trupulleikan, at tað gongur »ov skjótt« við at fremja hana, um vit kunnu siga tað so. Arbeiðið skal vera liðugt í 2017, og játtanin koyrir fram til og við 1. jan­ uar 2017. Játtan skal halda Samstundis sum alt bendir á, at Viðareiðistunnilin altso er komin væl longur áleiðis, enn tað lá í kortunum, tá verk­ætlanin varð skrúvað sam­an, kann tað gerast ein trupulleiki, um pengar ikki eru til taks, so arbeiðið tvørtur­ímóti má steðgast ella setast niður í ferð. – Eg havi bara tað at halda meg til, sum er játtað av løg­ tinginum, so skal játtanin til tunnilin broytast, so skal eg steðga onkrum øðrum, tí hetta arbeiðið gongur so væl. Tað er sjálvandi gleði­ ligt, at nógv ferð er á ar­ beið­inum, men um eg sum politik­ari skal fara inn at broyta tað, so játtan og ar­ beiðið passa betur saman, skal eg annaðhvørt vaksa um undirskotið á eini fíggjarlóg ella steðgað onkrum øðrum. Og tað kemur ikki upp á tal, at undirskotið á fíggjarlógini skal hækka, sigur Jørgen Nicla­sen. – Eg veit ikki ordiliga, hvussu teir í Articon gera við hetta, men eg dugi væl at síggja, at tað er bíligari fyri eina fyritøku at arbeiða skjótt, tá arbeiðið er í gongd. Men teir kanska teir steðga í eina tíð og koyra so fulla ferð á, tá játtanin aftur er har. Landsstýrismaðurin vísir á, at tað hava verið fleiri av­ bjóðingar í sambandi við arbeiðið at gera tunnilin, tí fyrst vóru tilboðini hægri enn metingarnar, síðani komu trupulleikar við inn­ tak­in­um, tá farast skuldi í gongd við at bora, so nú sær hann tað sum ein »positivan trupul­leika«, at arbeiðið hev­ ur yvirhálað játtanina. – Fyri viðingar ivist eg ikki í, at tað hevur minni at siga, um arbeiðið verður liðugt nakrar mánaðir fyrr ella seinni. Umráðandi fyri okkum er, at prísurin heldur, tí tað skal hann, sigur Jørgen Niclasen. hilmarjan@sosialurin.fo – Fyri viðingar ivist eg ikki í, at tað hevur minni at siga, um arbeiðið verður liðugt nakrar mánaðir fyrr ella seinni. Umráðandi fyri okkum er, at prísurin heldur, tí tað skal hann, sigur Jørgen Niclasen, landsstýrismaður PRÍSURIN SKAL HALDA Arbeiðið at gera Viðareiðistunnilin hevur gingið so mikið væl, at tað er í ferð við at yvirhála játtanina, sum í ár er upp á 35,5 milliónir krónur Mynd: Landsverk Hilmar Jan Hansen – Tað hevur gingið rættiliga væl við arbeiðinum, og tað eru vit eisini øgiliga feg­nir um, sigur stjórin í Arti­con, Jón Sigurdsson, nú byggi­ felagið arbeiðir við full­ari ferð fyri at gera Viðar­eiðis­ tunnilin. Ferðin er enntá so nógv, at arbeiðið sær út til at fara at yvirhála játtanina hjá løg­ tinginum, og tí kann koma upp á tal, at arbeiðið steðgar á, meðan bíðað verður eftir, at játtan aftur er tøk, tí so og so nógv er sett av hvørt ár til arbeiðið. – Eg dugi ikki at síggja fyri mær, at vit skulu steðga við arbeiðinum, bara tí tað hevur gingið so væl. Og vit stegða so ikki, uttan at vit verða steðgaðir, tí tað ber ikki til bara at steðga einum so­vorðnum arbeiði uttan víðari, sigur hann. – Tað síggi eg altso ikki fyri mær sum ein real­ist­isk­ an møguleika, og eg fái meg ikki ordiliga til at trúgva, at tað kemur upp á tal at steðga einum arbeiði, sum gongur øgiliga væl, heldur enn at flyta játtan frá onkrum, sum ikki gongur so væl. Stjórin í Articon end­ur­ tek­ur, at tað er rætti­liga dýrt at steðga einum sovorðnum arbeiði, sam­stundis sum hann minnir á, at tað bílig­ asta fyri allar partar er at fáa tað at ganga skjótt og fáa tað skjótt liðugt. – Hetta hevur gingið fyri­ myndarliga væl higartil, so eg vil ikki hopa, at tað skal steðgast, tí játtanin brádliga ikki er har. Tað fái eg meg heldur ikki til at trúgva, men vit kunnu hinvegin heldur ikki arbeiða fyri einki. Nei, eg vænti, at onkur loysn man finnast, so arbeiðið heldur fram og verður gjørt liðugt, sigur Jón Sigurdsson. Stjórin í Articon fær seg ikki til at trúgva, at tað kann koma upp á tal at stegða arbeiðinum við at gera Viðareiðistunnilin, tí tað gongu so væl, at tað yvirhálar játtanina Arbeiðið kann ikki steðgast