mánadagur 8. juni 2015síða 8

Mánadagur 8. juni 2015 · Nr. 64 8 Sosialurin Hugskot og viðmerkingar – send sms til 225000 ORKA Hilmar Jan Hansen Eftir at hava havt ein steðg í arbeiðinum í vetur, hevur Nólsoyar Orkufelag nú aftur lagt til brots við vindmylluni, ið stendur norðan fyri Nóls­ oyar bygd. Endamálið við hesi myllu er, at hon skal hjálpa til við upphiting av nøkrum sethúsum, heldur enn at tey brúka olju og olju­ fýr. – Nú veðrið vænt­andi verður betri í summar­hálv­ uni, fóru vit í gongd aftur í síðsta mánaði, og nú er so ætlanin, at myllan skal koyra meira og meira, sigur Bjarti Thomsen, formaður í Nólsoyar Orkufelag, ið sigur, at tað hevur ikki ligið so væl fyri arbeitt við mylluni í vetur, tí millum annað veðrið ikki hevur verið til vildar. – Tað liggur betri fyri um summarið, tí veðrið hev­ ur sjálvandi sítt at siga. Vit høvdu eitt sindur av roynd­ ar­koyring, tá myllan kom upp síðst í 2012, og eis­ini koyrdu vit eitt sindur inn í 2013. Men vit hava havt yms­ ar tekniskar trupul­leik­ar, ið hava darvað arbeiðinum, men nú eru vit við at vera har, so vit kunnu koma ordi­ liga í gongd. Trupulleikar hava verið við stýringum, sum hava gjørt, at tað ikki ordiliga er eydnast at fáa brúkt vind­ myll­una sum ætlað. Millum annað er okkurt relé gingið fyri, so teir noyddust at finna okkurt annað, ið riggaði bet­ ur, og soleiðis hava teir leitað og roynt seg fram. – Tað hevur verið eitt sindur svikaligt við eyka­ lut­um, men nú eru vit kom­ in so mikið langt, at vit koyrdu mestsum allan dagin næstsíðsta vikuskitið. Og hesa næstu vikuna vænta vit, at vit veruliga fáa gongd á royndarkoyringina, sigur Bjarti Thomsen. Spara av oljuni Hugskotið við vindmylluni í Nólsoy er, at hon skal geva sethúsum hita, so tey sleppa undan at brúka olju og oljufýr, og skipanin við heitum vatni, sum kemur frá orkuni frá mylluni, verð­ur bundin saman við tí skipan, sethúsini hava framm­an­ undan. – Í løtuni eru átta hús bundin í við hitarørum, so tá myllan er í gongd, kunnu fólk spara tað, tey annars vildu brúkt í olju. Vit høvdu avtalu við tilsamans 23 hús, men nøkur teirra liggja so mikið burtur frá mylluni, at í teirra føri skal leggjast ein elkaðal, so tey koma at hava hitatanga sjálvi, sigur Bjarti Thomsen. Hann sigur, at tað hevur riggað fínt við hitanum, tá myllan hevur verið í gongd, og tí hava tey góðar vónir um, at tað skal koma nakað burtur úr verkætlanini, ið eisini hevur verið darvað av, at aðrir partar hava verið uppií, men tikið seg burturúr aftur. – Vit hava gjørt nakrar royndir saman við VitOrku, men tað samstarvið steðgaði líkasum upp, tá tað kom til, at teir skuldu rinda fyri tað, og teir eru so farnir avstað við sínari útgerð. So skuldu vit aftur hava okkara egnu útgerð, og hon kom ikki upp á pláss fyrr enn síðst í november mánaði, sigur hann. – Okkurt av tí, sum vit fingu, riggaði ikki, sum tað skuldi, og onkur pakki bleiv eisini vekk, so tað var við til at gera, at vit ikki fingu alt koyriklárt í vetur. Nú eru vit so komnir eitt sindur longri, og hesa næstu vikuna koma vit at hava enn meira innkoyring, so myllan meira javnan fer at mala. hilmarjan@sosialurin.fo – Hesa næstu vikuna vænta vit, at vit veruliga fáa gongd á royndar­ koyringina, sigur Bjarti Thomsen, formaður í Nólsoyar Orkufelag, sum eigur og rekur vindmylluna norðan fyri Nólsoyar bygd NÚ FER AT MALA Í NÓLSOY »Grøna oyggin« Orkuverkætlanin, sum hevði til endamáls, at Nólsoy skuldi gerast ein »grøn oyggj«, byrjaði heilt afturi í 2003 sum ein verkætlan hjá Norðurlendska Ráðharraráðnum. Henda ætlan hevði til endamáls at menna skipanir, so upphiting av húsum og bygningum kann gerast við vindorku, heldur enn at brúka olju og oljufýr. Verkætlanin var fíggjað av pengum, sum vóru játtaðir til eina kanning av teimum møguleikum, ið vóru fyri at brúka varandi orkukeldur í útnorði. Hetta arbeiði endaði í 2007, men kanningarúrslitini í Nólsoy vóru so mikið áhugaverd, at hildið var fram. Nólsoyar Orkufelag, sum var sett á stovn í august 2006, loftaði einum parti av verkætlanini og við 1,8 millión krónum í stuðli frá Innlendismálaárðanum, keypti felagið í 2011 tvær vindmyllur at brúka til upphiting av sethúsum. Onnur myllan varð sett upp norðan fyri bygdina og hin verður brúkt til eykalutir. Vindmyllan í Nólsoy kann í løtuni hita átta hús upp, men avtala er gjørd við tilsamans 23 hús, sum kunnu fáa heitt vatn burtur úr tí orku, sum kemur frá mylluni Mynd: Álvur Haraldsen