hósdagur 11. juni 2015síða 15

Fríggjadagur 12. juni 2015 sosialurin 66 15 Jørgen Niclasen Hava tit virknar nýføroyingar kring flokkin? – Ikki sum so, men vit vilja ikki gera mun á fólkið. Fyri okkum eru øll líka, so øll eru vælkomin bæði at arbeiða fyri flokkin og at stilla upp. Hvør er tykkara støða til at fáa nýføroyingar á vallistan? – Tey eru hjartaliga vælkomin at bjóða seg fram. Tað einasta, sum er týdningarmikið fyri okkum, er, at tey sum koma á listan hava sama boðskap, og somu grundsjónarmið sum flokkurin. Verða nýføroyingar á listanum komandi løgtingsval? – Eg dugi ikki at siga enn, hvussu okkara uppstilling kemur at síggja út, tí sum nú er, er Fólkatingsvali okkara fokus. Tað týdningarmesta er, at valevnini hava felags grundhugsjónir. Kyn, aldur og alt annað verða líka miki. Aksel V. Johannesen Hava tit virknar nýføroyingar kring flokkin? – Tað eru onkrir nýføroyingar við donskum uppruna, sum eru aktivir í flokkinum í løtuni, men mær vitandi er tað eingin nýføroyingur við øðrum uppruna enn donskum, ið eru virknir í flokkinum. Hvør er tykkara støða til at fáa nýføroyingar á vallistan? – Til seinasta val høvdu vit ein nýføroying við donskum uppruna sum valevni á listanum hjá Javn­ aðar­flokkinum, ið bæði er giftur og búsitandi í Føroyum, so tað hava vit ongan trupulleika við. Verða nýføroyingar á listanum komandi løgtingsval? – Man skal bæði vera limur í flokk­ inum og verða aktivur, fyri at sleppa at stilla upp. Sum er, eru tað bert føroyingar við føroyskum ella donskum uppruna, ið eru tað. Tá tað er sagt, eru øll, ið hava hug, sera væl­ komin í flokkin. Poul Michelsen Hava tit virknar nýføroyingar kring flokkin? – Ja tað hava vit. Vit hava millum annað samstarv við tvey folk í løtuni, sum hava hug at arbeiða fyri flokkin, og vit hava gjørt avtalur við tey, so tað kann væl verða at vit koma at síggja nakað til tey til komandi løgtingsval. Hvør er tykkara støða til at fáa nýføroyingar á vallistan? – Vit hava uppliva áhuga frá ný­ føroy­ingum, bæði til at verða aktiv í flokkinum og til at stilla upp, og vit hava sum flokkur eisini áhuga í, at ný­føroyingar verða ein partur av flokk­inum. Vit arbeiða í løtuni ímóti at fáa nýføroyingar á vallistan, tí vit halda tað er umráðandi at flokkurin umboðan allar Føroyar og allar føroyingar. Tað er sera umráðandi fyri okkum at útlendingar verða integreraðir upp á rættan máta, og verða ein aktivur partur av okkara samfelag. Vit sum samfelag verða bara ríkari av, at føroyingar við øðrum enn føroyskum uppruna verða inte­ greraðir ordiligt í Føroyum, so at tey fáa verið framleiðandi borgarar, og kunnu luttaka í samfelagnum, tí tey hava nógv at bjóða. Verða nýføroyingar á listanum komandi løgtingsval? – Eg kann siga somiki at vit hava verið í práti við folk, og hava eisini fingið folk ið hava víst áhuga. Sum, er hava vit 14 valevni til Løgtingsvali, og vit skulu hava 20. Um onkur av teimum, ið vit eru í práti við stillar upp, so verða nýføroyingar umboðaðir á listanum. Eydnast tað ikki hesiferð, verður tað heilt avgjørt næstu fer. Høgni Hoydal Hava tit virknar nýføroyingar kring flokkin? – Eg nokti at brúka orðið nýføroy­ ingur. Eg meti ein og hvønn, sum er fluttur til Føroyar fyri at liva og virka her, at verða ein føroying. Eg haldi ikki at vit skulu deila tað upp, tí vit eru øll føroyingar. Tá ið vit tosa um føroyingar, sum eru flutt til Føroyar, við ymiskum bakgrundum, so hava vit fleiri í flokkinum, ið taka virknan lut. Trupulleikin hjá fleiri av teimum er, at tey fáa ikki atkvøtt av tí at tey ikki eru danskir statsborgarir. Tey eru sera virkin í flokkinum og í lokalfeløgnum, hóast tey ikki fáa atkvøtt ella stilla upp til Løgtingsvali. Hvør er tykkara støða til at fáa nýføroyingar á vallistan? – Hon er ógvuliga positiv, men tíverri kunna tey ikki tað, um tey ikki hava danskan statsborgaraskap. Vit hava tó, til undanfarna løgtingsval, haft eitt umboð, við øðrum uppruna enn føroyskan, og vit hava onnur umboð ið eru aktiv í okkara valfeløgnum. Til komandi val, fara tit at biðja nýføroyingar um at koma á listan? – Vit arbeiða ímóti at allir føroyingar fáa somu rættindi til at velja. Tað er eydnast til kommunuvali, men enn er tað ikki eydnast til løgtingsvali. Vit vilja hava at tað verður broytt soleiðis at tí atkvøðurættur ikki er tengdur at um tú ert danskur statsborgari, men heldur skal man hava valrætt og møguleika at stilla upp, um man hevur búð eitt ávíst tíðarskeið Føroyum. Feløgini biða folk um at stilla upp runt umkring í Føroyum, so tað er væl hugsandi at tað verða fólk við ørðum uppruna enn føroyskum, ið koma at stilla upp. Jógvan Skorheim Hava tit virknar nýføroyingar kring flokkin? – Í løtuni er onkur við og hjálpir flokk­inum, ið hevur tilknýti til onnur lond. Eitt nú er onkur við eitt nú teilendskum uppruna, ið partvíst eru aktiv í flokkinum og velja flokkin. Hvør er tykkara støða til at fáa nýføroyingar á vallistan? – Tað hevði verið orduliga deiligt at fingið onkran nýføroying, ið hevur føroyskan ríkisborgaraskap, at um­ boða flokkin. Føroyingar við øðrum upp­runa hava eins stóran rætt til at verða ein aktivur partur av føroyska samfelagnum og politikkinum sum øll onnur, men tíanverri eru tað so nógv, sum enn ikki hava fingið før­ oyskan ríkisborgaraskap. Verða nýføroyingar á listanum komandi løgtingsval? – Tað hevði verið ynskiligt at ný­ føroyingar stillaðu upp fyri flokkin. Vit hava ikki nakrar ætlanir enn viðvíkjandi hvussu listin verður, men vit ynskja ein breiðan lista, bæði tá tað kemur til kyn og uppruna. Jenis av Rana Hava tit virknar nýføroyingar kring flokkin? – Eg haldi ikki. Hvør er tykkara støða til at fáa nýføroyingar á vallistan? – Um tað er nakar við ørðum uppruna enn føroyskum, ið hevur áhuga fyri at stilla upp fyri Miðflokkin, so er tað eingin trupulleiki. Í Miðflokkinum eru øll eru vælkomin. Verða nýføroyingar á listanum komandi løgtingsval? – Vit hava ikki hugsa á handan hátt, tí at vit hyggja als ikki eftir um tey, ið ynskja at bjóða seg fram á listan hjá okkum, hava ein annan uppruna enn føroyskan. So leingi sum at tey ið eru aktiv í flokkinum stendur inn fyri tí, sum flokkurin ger, so eru øll hjartaliga vælkomin. Tað einasta kravi, ið miðflokkurin hevur til tey, sum stilla upp á listanum er, at tey standa inn fyri grundsjónarmiðunum hjá flokkinum. Kaj Leo Holm Johannesen Hava tit virknar nýføroyingar kring flokkin? – Í Sambandsflokkinum skilja vit ikki ímillum hvønn upprunda før­ oy­ingar hava. Eg havi tó ikki sæð nógv av føroyingunum við øðrum upp­runa í politiska landslagnum, og tað er harmiligt. Sambandsflokkurin hevur um 6-7000 veljarir, og eg ivist ikki í at nøkur av teimum hava annan upp­runa enn føroyskan. Hvør er tykkara støða til at fáa nýføroyingar á vallistan? – Vit síggja ikki mun á føroyingum, og vilja tí ikki gera mun á føroyingum og nýføroyingar. Øll ið virka og liva í Føroyum eru føroyingar, og tað kann gera tað saman hvønn uppruna folk hava. Verða nýføroyingar á listanum komandi løgtingsval? – Vónandi verður tað eitt breitt úrval av fólkið á listanum hjá Sam­bands­ flokkinum, bæði tá tað kemur til kyn, hvar í Føroyum valevnini búsitast, og hvønn uppruna tey hava. Vit síggja tó ikki mun á Føroyingum, og øll eru hjartaliga vælkomin í Sam­bands­ flokkin. Útlendingar og løgtingsval