hósdagur 11. juni 2015síða 21

FRÍGGJADAGUR 12. JUNI 2015 SOSIALURIN 66 21 Komandi partur Í skomandi part verður greitt frá 50 ára starvsdegi í eini fyritøku í Havn. Hann varð bjargaður og innlagdur á sjúkrahús, men hann fekk lungnabruna og doyði skjótt eftir hetta. Hinir brøðurnir Tað er ikki nógv sum er vitað um hinar brøðurnar. Poul Johannes førdi skip einans 21 ára gamal. Sonur hansara Albert var eisini skipari. Palli í Tøðuni, m.a. kendur sum løgtings­ mað­ur, greiðir frá, at tá ið hann var 2 ára gamal fór pápi hansara til Grimsby at fylgja mammu­ beiggjanum Jóan Paula til gravar. Í minningarriti um Palla í Tøðuni er endur­ givin ein minnispláta við hesum teksti: In loving memory of John Paul The beloved husband of SARAH LEO Died December 10, 1910. Aged 60 years .................. A light is from our household gone, A voice we loved is stilled; A place is vacant at our hearth Which never can be filled. Weep not for me, I’m free from pain, My earthly suffering o’er, I hope to meet you all again On a peaceful happy shore. Leyslig týðing Eitt kærleiksfult minni um Jóan Paula, tann elskaði maðurin hjá Sáru Leo. Deyður 10.12 1910, 60 ára gamal. ......... Eitt ljós er sløknað í okkara húsi, ein rødd vit elskaðu er tagnað, eitt pláss er tómt í okkara hjarta, sum ikki kann fyllast aftur. Grátið ikki um meg, eg eri fríur frá pínu. Mínar jørðisku kvølir eru farnar. Eg vóni at hitta tykkum øll aftur á friðarligu eydnusomu strondini. Óli ein tann fyrsti á Rockall Óli var í 1888 skipari á sluppini Great Surprise við Rockall, har fiskað var viðhvørt. Tá var hann uppi á Rockall, har hann tók 12 egg. Hann fór eisini upp við einum snøri, og hann máldi hæddina til 78 føtur. Seinni mátingar vísa tó, at hann er nakað lægri. Óli er tískil millum teir fyrstu, sum hava verið á Rokkinum. Pauline: Niclas var ein rættur víkingur Her kemur so tað, sum Pauline hevur at leggja afturat. Okkurt av tí tykist at vera grundað á misskiljingar. Tað er so rættað. Hennara frásøgn er soljóðandi: Hetta er tað, sum eg havi fingið at vita frá mammu míni, Veronica, fødd í 1906. Hon doyði í 2002. Niclas var abbi hennara. Hann var ein rættur víkingur, sum mamma mín plagdi at siga. Hon mintist hann sum høgan og ljóshærdan mann. Tá ið hann kom til hús opnaði hann ikki portrið í garðinum um húsið, hann gleivaði um garðin! Hann var ein ógvuliga vinarligur maður. Hann var eisini dugnaligur á mongum økjum. Langabbi fór ógvuliga ungur úr Føroyum saman við trimum beiggjum. Teir blivu fiski­ menn og gjørdust førir fyri at senda pening heim til mammuna, Elisabeth, sum Niclas føldi seg sera knýttan at. Hesir brøður arbeiddu hart. Teir fingu nógv burtur úr og keyptu ein trolara. Eina ferð Niclas og Alice høvdu brúdleyps­ dag gav hann henni eitt »surprice«, sum tað verður kallað í dag. Hann legði gullmyntir í fang­ið á henni. Hetta var roknað fyri at vera ikki hissini gáva. Hesir beiggjarnir vóru roknaður fyri at vera illgrunasamir undir 1. heimsbardaga, tí teir vóru mettir at vera danir og Danmark var uttanveltað í hesum kríggið, sum Bretland var partur av. Sum vit hava skilt varð hald lagt á trolaran. Sami trupulleiki var, tá ið Niclas ætlaði at melda seg til bretska herin. Tá varð hann eisini avvístur av somu orsøk. Hetta tók honum dygt. Men tað var kanska líka frægt, tí vanliga metingin er, at 1. heimsbardagi og serliga bretska luttøkan í honum var fullkomiligur ørskapur. Keldur siga, at undir 1. heimsbardaga kom armeraður enskur trolari inn á Tvøroyri við særdum monnum. Ein teirra var skiparin, sum var so illa farin, at eingin væntaði, at hann kom at liva. Beinið varð tikið, men hann kom seg kortini. Skiparin hevði Newton til eftirnavn og konan skuldi hava itið Leo og var dóttir Niclas. Hetta passar neyvan út frá tí Pauline greiðir frá. Men fyri tað kann hon hava verið dóttir onkran annan av beiggjunum. Dóttir Niclas giftist katolikki Niclas og Alice fingu fýra børn. Tey vóru Elizabeth, Elsie, Alice og Harold. Alice, konan, gjørdist ikki gomul, hon doyði undan Niclasi, sum ikki bleiv 70 ár. Øll børnini uttan Elsie búsettust Grimsby økinum. Elisabeth var ein ógvuliga dugnalig genta. Hon fekk frípláss á einum gentuskúla har á leiðini. 11 ára gomul fór hon í læru sum skradd­ ari. Hon giftist við Martin Finneran, sum kom úr Írlandi og var katolikkur. Hetta skapti tvídrátt í familjuni. Niclas var lutheranari og honum dámdi als ikki, at dóttirin giftist við einum katolikki, og enn verri, at hon sjálv gjørd­ist katolikkur. Niclasi dámdi tað so illa, at hann als ikki møtti upp til vígsluna. Men viðurskiftini teirra millum munnu vera batnað, sum frá er liðið. Elisabeth fekk 10 børn, 9 av teimum komu til. Tey vuksu øll upp sum strangir katolikkar. Tveir synir, Martin og Joseph gjørdust prestar. Abbi mín og tríggir av synum hansara vóru politistar. Mamma mín, Veronica, var elst av hesum systkjunum. Hon minnist, at hon frá sjey ára aldri plagdi at vitja ommuna og abban sunnu­ dag seinnapart. So hvørt systkini blivu eldri komu tey eisini við. Men tey sóu ikki abban nógv, tí hann var ofta til sjós. Men tey vóru sera góð við abban. Omman Alice var sera strong. Børnini føldu seg ikki væl saman við henni, tí hon kundi vera so avgjørd. Men tey vóru ógvuliga góð við abban. Pápi mín kallaðist Stanley Dickens. Hann flutti frá Suðuronglandi fyri at gerast politistur í Grimsby. Tað er møguligt, at hann er ættaður frá kenda rithøvundan Charles Dickens. Tey fingu trý børn. Umframt meg eru tað Monika og Peter, fødd í 1942, 1944 og 1949. Vit eru øll fødd og vaksin upp í Grimsby men búgva ikki har nú. Elsie tók frástøðu frá familjuni við at rýma við einum ríkmanni, sum hon fekk eitt barn uttan at vera gift. Men hon doyði kortini fátøk. Mamma og omma vóru kortini við til hennara jarðarferð. Alice giftist við einum Rowland, sum doyði áðrenn hon. Tey fingu ein son, sum eisini æt Rowland. Hann flutti av landinum. Tað var ikki nakað serligt samband millum Alice og Elisabeth, men eg hómi, at mamma plagdi at vitja hana á hennara gomlu døgum. Mamma helt, at Harold var tann sum líktist pápanum, Niclasi, mest. Hann var ógvuliga dámligur og hevði eitt hjarta av gulli. Hann fór til sjós, men hann doyði fátækur. Hann giftist við eini Elizabeth, kallað Lizzie. Leo navnið er framvegis til í Cleethorpe beint uttanfyri Grimsby. Pauline er nú pensjónistur saman við manninum, men hon hevur verið lærari. Kanska koma Pauline og Peter onkran dagin til Føroya at vitja teirra stóru ætt. Tað er neyvan ivi um, at tey verða væl móttikin. Pauline og Peter. Hon er langabbadóttir Niclas Fýra brøður úr Sjúrðhúsi fluttu til Grimsby, har nógv var at forvinna við trolarum Gravsteinurin hjá Jóan Paula