hósdagur 11. juni 2015síða 25

FRÍGGJADAGUR 12. JUNI 2015 SOSIALURIN 66 25 ERD Bóðu Spiel­ berg vraka Føroyar Fleiri enn 56.000 fólk hava undirskrivað áheitan á Steven Spielberg um at droppa Føroyar sum upptøkuland Mikudagin boðaði Ferðaráðið frá, at ætlaðu upptøkurnar til stórfilmin The Big Friendly Giant, sum skuldu gerast í Føroyum í summar, vóru avlýstar. Ferðaráðið segði, at sparingar vórðu gjørdar í framleiðsluni, og tí vórðu upptøkur í fleiri londum avlýstur. Ein av heimsins kendastu leikstjórum, Steven Spielberg, skal leikstjórna filmin, og tí var tað mett sum eitt óvanligt framtak fyri føroyska ferðavinnu, at hann skuldi koma til Føroya at gera upptøkur. Fólk, sum eru ímóti grindadrápi, hava annars heitt á Steven Spielberg um at vraka Føroyar sum upptøkuland orsaka av grindadrápinum. Á heimasíðuni Care2, sum er ein sera væl umtókt umhvørvissíða, hava fleiri enn 55.000 fólk skrivað undir eina áheitan á Steven Spielberg um at droppa Føroyar í sambandi við upptøkur til The Big Friendly Giant. Sambært Ferðaráðnum hevur avlýsingin av upptøkunum í Føroyum tó einki at gera við grindastríðið, men kemst av sparingum í framleiðsluni. Ólógligt at boykotta Sea Shepherd Føroyskar kommunur kunnu ikki boykotta Sea Shepherd, bara tí at kommunustýrislimirnir eru ósamdir við endamálið hjá felagsskapinum Kommunala Eftirlitið hjá landsstýrinum hevur í skrivi gjørt kommununum greitt, at tær hava ikki loyvi at boykotta felagsskapin Sea Shepherd. Tvøroyrar Býráð hevur samtykt at nokta Sea Shepherd at brúka nakrar av hentleikunum hjá kommununi, hvørki parkeringspláss, svimjihøll, fótbóltsvøll, havnir og bryggjur. Sostatt sleppa skip frá Sea Shepherd hvørki at bunkra olju, ella at taka vatn á Tvøroyri. Eisini borgarstjórin í Tórshavnar kommunu hevur róð fram undir, at felagsskapurin er ikki vælkomin allastaðni í kommununi. Tað hevur ljóðað, at aðrar kommunur hava havt sama slag ætlanir, og tí avgjørdi Kommunala Eftirlitið at taka málið upp. Og niðurstøðan hjá Eftirlitinum, er greið. - Persónar, sum lógliga koma til Føroyar, skulu grundleggjandi ikki viðgerast øðrvísi enn landsins egnu borgarar, staðfestir Hilmar Høgenni, deildarstjóri í Kommunala Eftirlitinum. Hann sigur, at tá ið avgerð verður tikin um at nokta limum í einum ávísum felagsskapi atgongd til kommunalar hentleikar, er talan um at gera mismun á fólki, tí at tey hava tilknýti til ein ávísan felagsskap. Tað er eitt grundleggjandi krav, at kommunustýri viðgera øll mál sakligt. - Tað er tí ikki ein saklig grundgeving at nokta limum í einum lógligum felagsskapi atgongd til kommunalar hentleikar, tí at meirilutin í kommunustýrinum er ósamdur við endamálinum hjá felagsskapinum, sigur Hilmar Høgenni. Sostatt ber ikki til at nokta limum í Sea Shepherd at brúka almenn wc, parkeringspláss, ella aðrar almennar hentleikar hjá kommununi. Eftir grindadrápið í Vágum í farnu viku, trífaldaðist talið á umsóknum frá sjálvbodnum, sum vilja koma við Sea Shepherd til Føroya MYND: SIMON AGER/SEA SHEPHERD ■ Herferðin »Sleppið grindini« byrjar 14. juni og heldur fram til oktober mánað. ■ Sea Shepherd fer at hava fólk á landi í Føroyum, sum skulu verða á varðhaldi. ■ Trý skip koma til Føroya at verða við í herferðini – tey eru Bob Barker, Sam Simon og Brigitte Bardot. ■ Leiðari fyri »Sleppið grindini« verður hollendingurin Alex Cornelissen. FAKTA