mánadagur 15. juni 2015síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 15. juni 2015 · Nr. 67 Jean Dela Cruz er 51 ár og upprunaliga úr Filipsoyggjunum. Jean hevur búð í Føroyum í 30 ár. Hevur tú føroyskan borgaraskap? Ja, eg havi havt føroyskan borgaraskap síðani 2001. Eg søkti ikki beinan­ vegin um at fáa borgaraskap, hóast eg hevði rætt til tað. Fert tú á val í ár? Ja, sjálvandi! Eg haldi at tað er týdningarmikið, at vit gera okkara skyldu og fara á val. Veitst tú hvønn tú fert at velja? Ja, tað geri eg. Hvørji mál eru av týdningi hjá tær sum tilflytari? At tilflytarir fáa nøktandi kunning um øll samfelagsviðurskifti, eins væl og skyldur og rættindi. Eisini er tað týdningarmikið, at útbúgvingar, sum tilflytarar hava, tá teir flyta til Føroya, verða vurderaðar, soleiðis at fólk fáa brúkt útbúgvingina, sum tey hava, og soleiðis verða partur av føroyska samfelagnum Følir tú at politikarar á tingi umboða tilflytarar í Føroyum? Eg haldi, at prátið um tørvirnar, sum útlendingar hava fyri kortum er sett í miðdepilin - eg vóni at tað heldur á! Kinga Eysturland er 30 ár og upprunaliga úr Póllandi. Hon hevur búð í Føroyum í trý ár. Hevur tú føroyskan borgaraskap? Nei Fert tú á val í ár? Eg havi ikki valrætt, men um eg hevði, so hevði eg heilt víst farið á val. Veitst tú, hvønn tú fert at velja? Eg hevði óivað valt Framsókn, um eg kundi. Hvørji mál eru av týdningi hjá tær, sum tilflytari? Integratiónspolitikkur og lóg. Vit skulu taka hesar avgerðirnar í Føroyum. Eisini er týdningarmikið, at lógirnar eru nemmar at skilja, upplýsingar eru á fleiri málum á ymisku heimasíðunum. Eisini eri eg áhugað í skattalógini. Følir tú at politikarar á tingi umboða tilflytarar í Føroyum? Nei, men vit eru á rættari kós! ÚTLENDINGAR OG VAL