mánadagur 15. juni 2015síða 29

29 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 15. juni 2015 · Nr. 67 ítróttur fótbóltur landsliðið inum. Tá var hann á veg inn til Runavíkar at fylgja venj­ ingini hjá U21 lands­lið­num, sum fyri­reikar seg at spæla ímóti Aserbadjan á Svanga­ skarði mikudagin. Alt hetta kann ikki ann­að enn vekja virðing fyri lands­ liðsvenjaranum! Pressararnir Leygarkvøldið vóru tað teir á vøllinum, sum vóru í and­ glett­inum. Teir stóðu roynd­ ina, og teir hoyknaðu ikki undir trýstinum, sum full­ setta stadion legði á teir. Frá fyrsta bríksli kendu grikkar sviðan av, at heima­ liðið hevði viljan, orkuna, evn­ini, skilið og hugburðin, sum skuldi til. Teir vóru av­gjørdir og tættir í eftir­ ansing­unum. Ofta vóru tríggir og fýra føroyingar í mót­støðu­brotsteiginum, og tað var ikki óvæntað, tá ið Hallur Hansson – saman­ spælið millum hann og Fróða Benjaminsen og Brand H. Olsen á miðvøllinum riggaði aftur hesaferð framúr væl – við fínum skoti plaffaði bóltin inn við nærra stólpan, eftir at sera væl upplagdi Sølvi Vatnhamar, sum spælir við stórum sjálvsáliti, hevði sneitt seg leysan í høgru. Tá var stórur hálvur tími farin, og málið bar nýggja orku við sær, og tað helt inntil hvíldina. Eftir steðgin vóru skelkaðu grikkarnir eina góða løtu ágangandi, og tað var fleiri ferðir tætt við og næstan. Atli Gregersen og Sonni Ragnar Nattestad vóru brandar í miðverjuni, og Bárður J. Hansen og Jóhan Troest Davidsen, sum longu í 13. minutti avloysti skadda Gilla Sørensen, vóru skila­góðir í ansingunum og av­gjørdir í nærdystunum. Gunnar Nielsen var onkra ferðina um at koma sær sjálvum í keðiligar støður, men tá ið tað mest ráddi um, megnaði hann tað, sum tað verður roknað við og eitt sindur aftrat. Tá ið tað kundi roknast við, at mótbrekkan fór at kenn­ast eyka tung, varð nýggj orka veitt. 19 ára gamli Brandur H. Olsen, sum longu nú er snaringspunktið á mið­ vøll­inum, stakk bóltin fram í høgru til Sølva Vatnhamar, og enn einaferð sneiddi leir­víkingurin seg leysan. Hann bíðaði eitt vet, og tá ið hann legði í brotsteigin, var Brandur H. Olsen har, og so vísti talvan 2-0!! Takið var um at fara av áskoð­araskýlinum. Allir áskoð­ararnir stóðu, og før­oysku spælararnir fingu nýggja orku, meðan grikk­arnir, sum lítla løtu framman­undan høvdu havt bóltin bæði á tvørtrænum og stólp­anum, fóru niður við nakkanum. Avbjóðingin var at verja, men ikki at pakka seg so langt niður, at møguleikin fyri at hótta við mótálopum hvarv. Jóan Símun Edmunds­ son og Christian Lamhauge Holst, sum lítla løtu eftir 2-0 málið varð útskiftur við Odmar Færø, hóttu, og onkra ferðina vóru føroyingarnir yvirmannaðir frammarlaga á vøllinum. Eftir horna høvdu grikkar bóltin í føroyska málinum, men dómarin kolldømdi. Seks minuttir undan leikloki eydn­aðist tað teimum at minka um munin við stútara eftir horna úr høgru. Harvið spøkti møguleikin fyri, at tað skuldi enda sum ímóti Skotlandi á seinni, tá ið 2-0 varð til 2-2 og stórt vónbrot, men føroyska liðið helt tørn. Heilivágurin var stríðs­ viljin og eldhugurin frá Lands­krona tíðini saman­ tengt við størri orku, betri skili og fínum bóltførleika. Fagn­að­urin var øgiligur, tá ið síðsta bríkslið ljóðaði. Grikski venjarin stóð sum negldur, meðan hansara lotu spæl­arar smoygdu sær undir tak. Føroyingarnir á og kring vøllin stórfegnaðust, meðan tíðindini um enn eina sen­ satión fóru kring allan knøttin. 25 ár við aldukambum og aldudalum saman við lands­ liðnum. Nú silvur­brúdleypið verður hátíðarhildið, er lands­liðið á aldukambinum, og suðuri í Hellas gremja tey seg, samstundis sum tey ásanna, at nú er vónin fyri at røkka EM endaspælinum burtur. Føroyska vónin fyri hes­ um er ikki heilt horvin, men henni tora vit ikki at rokna við. Ikki enn, men tað verður neyvan so leingi, inntil tað verður veruleiki, um menn­ ingin hjá Lars Olsen og hans­ara monnum framvegis verður tann, sum hon hevur verið seinastu árini! joannes@sosialurin.fo Føroyar - Grikkaland 2-1 (1-0) 1-0: Hallur Hansson 32 2-0: Brandur H. Olsen 70. 2-1: Sokratis Papastathopoulos 84. 4.800 áskoðarar (útselt) Dómarabólkur úr Noregi: Tom Harald Hagen, Dag-Roger Nebben, Jan Erik Engan, Magnus Lundberg (4. dómari), Dag Vidar Hafsås og Anders Johansen (máldómarar) Føroyar: Gunnar Nielsen, 27/0, Stjarnan Ísland – Bárður J. Hansen ■, 1/0, Víkingur, Atli Gregersen ■, 28/0, Víkingur, Sonni Ragnar Nattestad, 7/0, Vejle BK Danmark, Gilli Sørensen, 5/0, AaB Danmark (Jóhan Troest Daviden, 31/0, HB, 13.) – Fróði Benjaminsen ■, 84 (met)/6, HB, Hallur Hansson, 17/3, Vendsyssel Danmark – Sølvi Vatnhamar, 5/0, Víkingur, Brandur H. Olsen ■, 5/1, FCK Danmark, Christian Lamhauge Holst, 47/4, Fremad Amager (Odmar Færø, 10/0, B36, 74.) – Jóan Símun Edmundsson, 32/2, Vejle BK Danmark (René S. Joensen, 4/0, HB, 92.) Á beinkinum uttan at verða skiftir inn: Tórður Thomsen, 0/0, B36, Teitur Gestsson, 0/0, HB, Einar Tróndargjógv, 12/0, NSÍ, Pól Jóhannus Justinussen, 20/0, NSÍ, Høgni Eysturoy, 0/0, B36, Andreas Lava Olsen, 8/1, Víkingur, Kaj Leo í Bartalsstovu, 3/0, Levanger FK Noreg, Róaldur Jakobsen, 2/0, B36, Klæmint A. Olsen, 4/0, NSÍ Venjari: Lars Olsen Hjáparvenjari: Jóannes Jakobsen Grikkaland: Orestis Karnezis, Udinese Italia – Vasilis Torosidis ■, Roma Italia, Sokratis Papastathopoulos, Borussia Dortmund, Kostas Manolas, Roma Italia, Kostas Stafylidis, Bayer Leverkusen Týskland – Panagiotis Kone, Udinese Italia (Taxiarchis Fountas, Asteras Tripoli, 81.), Andreas Samaris, Benfica Portugal, Lazaros Christodoulopoulos, Hellas Verona Italia (Sotiris Ninis, Panathinaikos, 46.) – Nikos Karelis, Panathinaikos, Kostas Mitroglou, Fulham England, Giannis Fetfatzidis, Genoa Italia (Dimitris Kolovos, Olympiacos, 71.) Á beinkinum uttan at verða skiftir inn: Markos Vellidis, PAS Giannina, Stefano Kapino, FSV Mainz 05 Týskland, Stathis Tavlaridis, Panathinaikos, Vangelis Moras, Hellas Verona Italia, Loukas Vyntra, Atletico Madrid Spania, Christos Tasoulis, Panionios Athen, Alexandros Tziolis, PAOK FC, Kostas Katsouranis, Atromitos FC, Panagiotis Tachtsidis, Genoa Italia Venjari: Sergio Markarián Leygardagin 13. juni, kl. 19.45 Undankappingardystur - Tórsvøllur, Tórshavn føroyar vs Grikkaland Myndir: Álvur Haraldsen