mánadagur 15. juni 2015síða 30

Mánadagur 15. juni 2015 · Nr. 67 30 Sosialurin Hugskot og viðmerkingar – send sms til 225000 ítróttur landsliðið fótbóltur Mynd: Álvur Haraldsen Føroyar eru í løtuni styrkismettar saman við stórum fótbóltstjóðum sum Turkaland, Noreg og Írland. Vit eru fyri fyrstu ferð í søguni styrkismett í fjórð sterkasta styrkisbólkum til komandi HM undankapping Føroyar millum stórar fótbóltstjóðir Tróndur Arge Alt bendir á, at Føroyar verða styrkismettar í styrkis­ bólki 4, tá lutakast verður til komandi HM undan­kapp­ ingina í juli. Útrokningar vísa, at Føroyar við sigrinum hava vunnið seg úr sætta og lægsta styrkisbólkinum, og heilt upp í fjórða styrkis­ bólkin. Tað merkir, at vit helst koma í ein bólk, har tað eru tvey lond, sum eru lægri styrkismet enn Føroyar. Úr lægsta styrkisbólki kunnu nevn­ast lond sum Andorra, Luksem­burg, Liktenstein, Malta og San Marino, um­ framt sterkari lond sum Georgia og Kasakstan. Úr næst lægsta styrkis­ bólki eru londini Kýpros, Lettland, Armenia, Finland, Hvíta­russland, Makedonia, Aserbadjan, Litava og Moldova. Vandi er, at tað eru tveir bólkar, sum bara hava fimm lond. Av tí at vit ikki longur eru í lægsta styrkisbólkinum, so er tað ikki vist, at vit eru í einum bólki við seks londum. Tað hevði merkt, at vit høvdu spælt tveir dystir færri í undan­kappingin. Londini verða styrkismett eftir hvussu nógv stig tey hava á FIFA styrkilistanum, tá lutakastið verður. Í løtuni eru vit styrkismett saman við Turka­land, Noreg, Írland og Bulgaria, sum øll eru í styrkis­bólki fýra. Millum 80-70 tey bestu í heiminum Árinini av sigrunum á Grikka­landi og góðu gongd­ ini seinnu árini ger, at Før­ oyar helst verða styrkis­mett­ ar millum nøkur og 70 tey bestu fótbóltslondini í heim­ inum. Tað er fyrstu ferð, at Føroyar verða styrkismettar millum hundrað tey bestu. – Eg veit ikki heilt neyvt hvat nummar vít bílva, men onkustaðni í 70 unum er eitt gott boð, sigur Jákup Emil Hansen, sum fylgir væl við gongdin á FIFA styrki­list­ anum. Føroyar eru í løtuni nummar 102 og tað er tað besta nakrantíð. Tað lægsta Føroyar hava verið á FIFA styrkilis­tanum er nummar 194. Tað var í 2007. Tað eru 209 lond á FIFA styrkilistanum. Hevur bragdað fyrr Føroyar hava eina ferð fyrr vunnið seg úr lægsta styrkis­bólkinum. Tað var í EM undan­kappingina í 2012, at vit júst vunnu okkum uppum Wales, sum endaði í lægsta styrkis­bólkinum. So til HM 2014 undan­kapp­ ing­ina fingu vit eitt land úr lægsta styrkis­bólkinum. Tá bleiv tað Kasakstan, Síðani tá hevur Wales veru­liga gjørt um seg. Teir verða mettir at enda í hægsta styrkis­bólkinum. Her er tó ein møgu­leiki fyri, at teir verða yvir­hálaðir í evstu løtu av Italia. Álítandi Hóast FIFA styrkilistin ikki verður endaliga kunngjørdur fyrr enn 9. juli, so eru fram­ rokn­ingarnar álítandi. Hetta tí tað eru so fáir dystir fram til 25. juli, tá lutakastið til HM undankappinga verður. Tó tykist púra greitt, at Føroy­ar vera í styrkisbólki 4. Føroyar verða mettar at fáa 456 stig, meðan Kýpros, sum er landið við hægstu styrkis­meting í styrkisbólki 5, verð­ur mett at hava 391 stig. So­statt bendir alt á, at Før­oy­ar hava yvirhálað 18 lond á styrkilistanum í Evropa. trondur@sosialurin.fo