fríggjadagur 19. juni 2015síða 13

FRÍGGJADAGUR 19. JUNI 2015 SOSIALURIN 69 13 Langur vegur til null-hugsjónina Ferðslutrygd saknar eina havarínevnd, sum kundi staðfest orsøkir til ferðsluvanlukkur EYÐUN KLAKSTEIN Tølini fyri ferðsludeyða í Føroyum eru sera óhugaligur lesnaður – bæði hjá vanligum borgarum og hjá felagsskapinum Ferðslutrygd. – Vit mugu staðfesta, at tað er langur vegur til null- hugsjónina, sum vit øll arbeiða fram ímóti, sigur Brynhild Høgnadóttir, sum er leiðari fyri Ferðslutrygd. Nógvir partar eru við í arbeiðnum fyri størri ferðslutrygd, og ein av týðandi spælarunum er Ferðslutrygd, sum serliga arbeiðir við upplýsing, áminningum og átøkum til frama fyri ferðslutrygd. – Samanberingin við okkara grannalond vísir, at tað doyggja nógv fleiri fólk í ferðsluni í Føroyum enn aðrastaðni, og vit mugu áhaldandi arbeiða fyri at fáa talið niður. Málið er, at eingin skal doyggja ella fáa álvarsligan skaða í ferðsluni, sigur Brynhild Høgnadóttir. Havarínevnd Ferðslutrygd hevur áður víst á tað, og tey endurtaka tað gjarna, at tey sakna eina havarínevnd, sum kannar ferðsluvanlukkur í Føroyum. – Løgreglan ger sjálvandi sínar kanningar, og ofta kunnu tey staðfesta orsøkina til eina vanlukku, men tað er ikki tað sama sum ein havarínevnd, sum kann fara í dýbdina við kanningunum, staðfesta orsøkir, gera neyðug hagtøl, og harvið verða við til at skapa grundarlag fyri átøkum, sigur Brynhild Høgnadóttir. – Í løtuni kunnu vit ikki staðfesta, hvørjar orsøkirnar eru til ferðsluvanlukkurnar. Kanningar aðrastaðni vísa, at ov nógv ferð er partur av 40 prosentum av ferðslu–van– lukkunum, og rúsdrekka stendur fyri 20-25 prosentum, men herheima kunnu vit ikki veruliga staðfesta hesi tøl, tí vit hava ikki neyvar kanningar av ferðsluvanlukkunum, sigur leiðarin fyri Ferðslutrygd. Sagt verður, at í 90 pro­sent­ um av førunum eru menn­ iskjalig mistøk orsøkin til vanlukkurnar. Í hinum før­ unum eru tað aðrar umstøður – bilurin ella vegurin til dømis. Samspæl Leiðarin í Ferðslutrygd stað­ festir, at neyðugt er við áhaldandi og nýggjum átøkum til frama fyri ferðslutrygdini í Føroyum. – Tað eru nógvir aktør­ar, sum allir virka fyri ferðslu­ trygd. Vit í Ferðslutrygd eru partur av arbeiðnum við til dømis upplýsing, átøkum og frálærutilfari, men nógv onnur taka eisini lut í hesum arbeiði, og vit skulu framhaldandi arbeiða fram ímóti at náa null-hugsjónini, sigur Brynhild Høgnadóttir.