fríggjadagur 19. juni 2015síða 14

FRÍGGJADAGUR 19. JUNI 2015 SOSIALURIN 69 14 JÁKUP MØRK “Bláa húsið – Bláa húsið!” Tað var einki at fara skeivur av, at tað vóru løgini hjá teimum báðum, Debess & Petersen, sum fólk vildu hoyra hetta kvøldið. Konsertin tveimum Debess og trimum øðrum tónlistarligum flogvitum var av, men enn var tíð til eitt eykalag, og her fingu teir á pallinum greitt at vita, hvat lag talan skuldi verða um. Jú, lagið var av tí besta á Reinsarínum seinasta leygarkvøld. Gaman í framdi fótbóltslandslið okkara eitt bragd á Tórsvølli um sama mundið, men tað fekk nú ongan at setast aftur til konsertina, ið var skipað sum eitt minni yvir teimum báðum útgávunum, sum Debess & Petersen góvu út tíðliga í 70’unum. Hetta við árstalinum endur- speglaðist eisini á meðalaldrinum hjá teimum, sum sótu á áhoyrara- plássunum. Størsti parturin hoyrdi til ættarliðið, sum hevði sín ungdóm tíðliga í 70’unum, tó at nøkur yngri – helst umhvørvisdálkað av tónleikinum frá eldru systkjunum – eisini vóru at síggja. Nostalgi-trip Skal tað sigast heilt stutt, so fekk áhoyrarin júst tað, sum roknast kundi við. Eitt satt nostalgi-trip, har teir seks sangirnir, sum vóru á útgávunum vórðu framførdir í mest sum perfektari upprunaútseting. Men tú fekst nú eisini so øgiliga nógv meira enn tað. Átta sangir – tíggju um tú vilt - sum enntá í fleiri førum teljast millum teir heilt stuttu, kunnu sjálvandi ikki fylla eina heila konsert út. Fyriskipararnir høvdu tí valt at skipa konsertina soleiðis, at fólk líkasum vórðu hitað upp við nærum hálvaldargomlum samtíðartónum frá the Beatles, Rolling Stones og øðrum við fyrra partin av konsertini. Rúm var tó eisini fyri meira enn bara vanligum álvarsemi, tá Edvard Nyholm Debess hevði eina hjartanemandi framførslu av lagi, sum hann hevði skriva til deyða bróður sín. Eftir steðgin varð lagt fyri við Bláa húsinum, og tó at okkurt fremmant lag afturat sníkti seg uppí, so vóru tað nú løttu, skemtiligu men eisini í álvarsemi speirekandi løgini hjá teimum báðum høvuðspersónunum, sum kvøldið snúi seg um. Eitt er, at talan her er um nakrar av størstu tónlistargripunum, sum føroyska samfelagið eigur. Mest sum uttan undantak eru løgini vorðin fólkaogn, og fjøldin tók sjálvandi bæði hart og væl undir við tí, sum sungið varð um. Úrmælingar Annað er, at pallurin mest sum stóð til at bresta við tónlistarligum úrmælingum. Á ljóðførinum duga teir allir sítt handverk til lítar, og samspælið millum røddirnar var ikki bara gott – men frálíkt. Púra náttúrliga áttu teir báðir, Edvard Nyholm og Uni Debess hvør sítt heiðurspláss á pallinum. Edvard hevði støðugt bassin í tryggum hondum, og røddin var framúr væl pussað til høvið. Sum frontmaður í meira enn einum bólki hevur Uni í fleiri ár prógvað sínar framúr gávur, og sum annar av guitarspælarunum hevði hann heilt sentralan leiklut. Ein leiklut, sum hann eisini kryddaði við framúr rødd síni og smærri millumspælum á øðrum ljóðførum. wImponerandi var eisini at síggja og hoyra Benjamin Petersen, sum eisini hevði kassaguitara við sær á pallinum. Spæl hansara var beint út sagt framúrskarandi. Og hóast hansara Petersen ikki hevur nakað við Debess & Petersen at gera, so var eyðsýnt, at hann treivst í teirra tónauniversi. Tað gjørdu teir báðir, Ólavur Olsen og Finnur Hansen, eisini sum ávíkavist blásari og klaverspælari. Finnur hevði eisini eina lítla eykauppgávu, tá hann í “Heit er náttin” spældi skurrandi brotið av Love me Tender umvegis ein pod, ið varð hildin nær mikrofonini. Júst hetta var eisini við til at undirstrika, hvussu nær framførslan helt seg at orginalu útsetingunum. Her var talan um at endurskapa eina framførslu, sum ongantíð áður hevur verið á palli. Nøkur løg, sum bert eru at finna á tveimum fyri langari tíð síðani útseldum vinyl-útgávum, men sum samstundis hava livað sítt fríska lív manna millum. Tað var hetta, sum fólkið á Reinsarínum vildi hava, og tað var hetta, sum tey fingu. So vertin á, at ein fótbóltslandsdystur varð spældur um sama mundið. Landsdystir kunnu væl saktans altíð upplivast onkra aðraferð. UMMÆLI FRÍGGJADAGUR 19. JUNI 2015 14 UMMÆLI BAKKAÐU 40 ÁR Í TVEIR TÍMAR Nostalgisku kenslurnar fingu frítt spæl, tá minniskort fyri útgávunum hjá Debess & Petersen varð hildin á Reinsarínum. Áhoyrararnir fingu júst tað, sum tey komu eftir, og tað var eisini alla tíðina ætlanin Teir tríggir frontmenninir høvdu eina kanón-framførslu, har tað eisini var eyðsæð, at teir stórtrivust í tónaheiminum hjá Debess & Petersen. Frá vinstru eru tað Benjamin, Uni og Per MYND: ANFINNUR N. DEBESS