fríggjadagur 19. juni 2015síða 16

Fríggjadagur 19. juni 2015 sosialurin 69 16 Føroysk telduspøl tema Telduspælídnaður Norður- lond eru væl við Telduspælídnaðurin hevur gjørt risalop seinastu árini og í norðurlondum er túsunda­ tals nýggj arbeiðspláss skapt í hesi vinnuni Danjal av Rana S agt verður, at tilsamans verða 369 milliardir krónur brúktar upp á telduspøl kring heimin, og at samlaði teldu­spæl­ídnaðurin er verdur 600 milliardir um árið, tvær ferðir so stórur sum altjóða filmsídnaðurin. Miðal­aldurin á teimum, ið spæla teldu­spøl er alsamt vaksandi, og nú verður mett, at miðal telduspælarin í USA er ein 33 ára gamal maður. 33 ára gamlir menn verða mettir at vera keyps­sterkir, og tí er hetta ein lokk­ andi marknaður at gerast partur av. – Vit liva ikki av makreli eina, segði Petur Zachariassen á tiltakinum Teldu­spøl í Føroyum í 20012, sum setti ferð á arbeiðið við at menna eina teldu­spælvinnu í Føroyum. Telduspøl er ein stór vinna í støð­ ug­um vøkstri, og seinni árini eru fólk farin at spæla alsamt meiri, á teld­uni, á tele­fonini, á teldlum og á spæl­ støð­um, og alsamt meiri pengingur verður nýttur til telduspøl. Í grannalondum okkara hevur tað eydnast at framleiða telduspøl, sum gera seg galdandi á altjóða marknaðinum. Finska Angry Birds er kanska kendasta spælið. Síðani Angry Birds hjá spælfyritøkuni Rovio kom á marknaðin í 2009, er finski telduspælídnaðurin voksin úr 649 milliónum krónum í umsetningi í 2009 til 13,4 milliardir krónur í 2014, meðan talið á arbeiðsplássum í vinn­ uni er voksið úr 1120 størvum til 2500 størv í sama tíðarskeiði. Umframt Angry Birds, sum longu í januar 2014 var tikið niður av net­inum yvir tvær milliardir ferðir, hava finnar eisini, gjøgnum spæl­fyritøkuna Remedy, ment Max Payne-spøl­ini. Íslenska spælfyritøkan CCP hev­ ur ment EVE online, sum er eitt av heims­ins størstu fleir­spælara­ spølum. Noreg hevur vælsignað heimin við fartelefonspælinum Wordfeud, um­framt at spælfyritøkan Funcom hevur gjørt spøl sum Age of Conan og The Secret World. Danska spæl­ fyritøkan IO Interactive hevur ment spælið Hitman, meðan sviar hava givið okkum spøl sum Battlefield og ikki minst Minecraft og Candy Crush. Svenski spælídnaðurin hevði ein umsetning á 5,6 milliardir krónur í 2013, starvsfólkatalið vaks við 29 pro­sentum, meðan talið á kvinnum í vinn­uni vaks við 38 prosentum. Í Danmark starvaðust í 2012 728 fólk í teldu­spælídnaðinum, umsetningurin var 598 milliónir krónur, meðan út­ flutnings­virði av donskum teldu­ spølum var 415 milliónir krónur, nær­um tvífalt so nógv sum árið fyri. Við øðrum orðum hevur teldu­ ídnaðurin í norðurlondum við jøvn­ Á FT GameJam í ár komu fimm spøl burtur úr. Vinnarin gjørdist Green Team, ið mennir spælið Wormsteak Wormsteak Søgan í Wormsteak er, at nakrir ormar liva í einum búffi, sum onkur etur. Tú stýrir ormunum, sum nú skulu yvirliva og koma ígjøgn­um eitt fíggindaligt um­hvørvi í maganum á tí, sum hevur etið ormin. Stríð tín veg gjøgn­um manna­kroppin og alla hans óndu órinsverju, so sum bakteriur, ið drepa sníkar, sýru, og aðrar forð­ingar, ið royna at steðga framgongdini hjá slíkum sník­um sum ormum. Tú, tað vil siga, ormarnir, hava tó bara eitt enda­mál – at sleppa út úr kroppinum skjótast gjør­ligt. What Now, Teddy Lítli Timmy vaknar og uppdagar skjótt, at hann ikki longur er heima. Ella tað vil siga, hann er heima, men er vorðin umbýttur av huldu­fólki, ið hava tikið hann við sær inn í eina aðra verð, mein­lík hansara egnu. Gjøgnum spegl sær hann inn í sína egnu verð, síni foreldur, sítt heim, men eisini um­ býtis­barnið, sum hermir eftir honum, men hevur tikið hansara pláss. Timmy má nú royna at finna leið sína heim aftur, alt meðan hann krógvar seg fyri huldu­ fólkunum, ið hava tikið hann. Fimm føroysk telduspøl Vit liva ikki av makreli eina« Petur Zachariassen