fríggjadagur 19. juni 2015síða 22

FRÍGGJADAGUR 19. JUNI 2015 SOSIALURIN 69 22 KJAK KLUMMAN Ikki peiki­ fingurin N ú ein dagin hoyrdi eg eina konu gremja seg um sigarettroyk í einum bussskýli. Eitt fólk, sum eisini skuldi við bussinum, var so framligt at festa sær í í keðiliga veðrinum – regni og vindi. Tað ljóðaði næstan sum konan hevði kent seg hótta eftir lívinum av guvanum frá sigarettini. Uha uha. Má siga, at eg var næstan líka skelkað sum konan. Tó av henni heldur enn roykjaranum. Tað er avgjørt gott at roykjararnir fækkast. Royking á arbeiðsplássinum er tíbetur ein farin tíð. At tað heldur ikki er loyvt at roykja á summum matriklum man helst vera tí – umframt at arbeiðsgevararnir hugsa um heilsuna hjá starvsfólkunum – at tað styttir um royki­steðgirnar. Eg haldi, at brúkar tú sunna fornuft, so kunnu vit øll vera her. Sum ikki-roykjari er tað ikki mín uppgáva at happa roykjaran. Má siga, at tað neyvan heldur er neyðugt, so undirbrotligir teir eru blivnir. »Orsaka at eg eri til« stendur at lesa í eygunum á teimum flestu. So átøkini móti royking hava givið úrslit. Men menn­iskju eru ikki robottar, so at fáa øll at ganga í takt, tað er ikki sum at siga tað. Heldur ikki ynskiligt. Men vit kenna helst øll fólk, sum hava lagt av at roykja, og vit gleðast við teimum. Og øll siga tað sama: Bara eg ongan­tíð var byrjað at roykja. Tá tað kemur til heilsuátøk, sakni eg fjølbroytni. Tað er gott við upplýsing um royking og áheitanir um at røra seg. Men hví ikki eisini fokusera upp á øll íblandingarevnini í mati, góðgæti, sodavatni og tað sokallaða sukurfría? Skulu vit vera sunn, lat okkum so vita sum mest. Síðan er tað upp til hvønn einstakan. Hóast hetta økið helst er eitt sindur fløktari og turrisligari at kunna um, enn royking og renning, eigur tað ikki bara at liggja á láni. Tað er at undir­meta fólk, um man heldur at einføld og tølandi rakstrar­róp virka best. Heldur kann tað geva slagsíðu og vit fáa víð­gongd á báðum síðum. Tá upplýsandi átøk verða gjørd, er eisini ynskiligt, at tey eru í einum blíðum anda, so fólk ikki verða sett upp ímóti hvørjum øðrum. Tí sum kunnugt: Trýst elvir til móttrýst. Ein peikifingur er bara irriterandi. Vit mugu ikki blíva so politiskt korrekt sum ræðumynd­in Svøríki. Har er peiki­ fing­urin á lofti til flestu lívsins viðurskifti. Sum dømi kann nevnast, at góðkent er at brúka orðið »hen« í barna­gørð­um ístaðin fyri »hon« og »hann«, fyri ikki at gera mun! Fyri ikki at tosa um umskrivingina av søguni um Pippi Smokkulegg. Álíka­væl hava sein­astu tíðina verið søgur í fjølmiðunum har um rasismu, t.d. millum starvs­felagar í SVT (almenna sjónvarpinum), og søgur um sam­kynd, sum seinastu árini uppliva eitt keðiligt rák við happing. Hetta er kanska tekin um, at ikki ber til at fáa øll at ganga í takt. At harraboð ongantíð virka. Lat okkum heldur gleðast um, at vit eru so ymisk og sleppa at vera tað. Soleiðis at bæði børn og vaksin tora at standa við sína persónligheit og meiningar. Gott útgangsstøði at virða og skilja hvønn annan. Nú fór eg í so langt burtur frá hendingini í buss­skýlin­um. Eitt ræðandi dømi um hvat einsrætting kann føra til. Tí tá man fer at gera eitt fólk, sum roykir undir opnum lofti, til ein møguligan (passivan) drápsmann, tá eru vit um at fara út av eggini. Meiningar og kjak KJAK Simona Weihe Torkil Thomsen ein grindamaður Nú um dagarnar frættist, at Sea Shepherd kem­ ur til Føroya í summar. Sum flestum kunn­ ugt er Sea Shep­ herd ein um­hvørv­is­terror­ista­ felags­skapur, upp­bygdur eftir sama leisti sum terrorfelags­ skapir sum Al Quaida, IS og Boko Haram. Teir rekruttera ungfólk, mest naiv konufólk, indoktri­ nera, manipulera og heila­ vaska tey, fylla tey við ósann­ indum og lygnum. Hetta eru ungfólk, sum eru uppvaksin við junkfood, McDonalds og kaninføði. Tað er ikki grindahvalin, Paul Watson hugsar um, hann veit at stovnurin ikki er hóttur. »He's only in it for the money«. Sea Shepherd er ein penga­wwwwmaskina, sum fær pengar frá múgvandi fólki í Amerika og aðrastaðni í verðini til teirra virksemi. Sum galliónsfigur nýtir Paul Watson Brigitte Bardot, eitt avdankað franskt sex­ symbol, sum hevur sæð betri dagar. Nú má vera nóg mikið fyri okkum føroyingar. Skulu hesi búrkroppar sleppa at oyðileggja bestu tíð av árinum við teirra hjáveru her ár eftir ár. Hesi fólkini eru ikki væl­ komin tl Føroya. Í fjør komu teir higar við bilum, bátum og aðrari út­gerð, tað sleppa teir ikki í ár. Hvat høvdu ísraelsmenn sagt, um Hamas og Hisbollah komu inn í Ísrael við stríðs­ vognum og aðrari krígsút­gerð? Hetta verður óivað seinastu ferð, at S.S. kemur til Føroya, og stríðið fara teir at tapa. Vit føroyingar fara ongan­ tíð at gevast at drepa grind uttan av egnum ávum. Í dag er grindastovnurin í norður­ høvum væl fyri, tað vísa vísindaligar kanningar, sum eru gjørdar av Havstovuni seinastu 30 árini. Leiðarin fyri Sea Shep­herd er Paul Watson, ameriku­ maður, sum viðhvørt kallar seg kanadiara, demagogur, mani­pulatørur, kriminellur og eftirlýstur í fleiri londum fyri falsan, fíggjarligan und­ andrátt, fupp og svindil og enntá morð. Hann torir ikki at koma til Føroya sjálvur, tí so verður hann handtikin og sendur til Japan ella Costa Rica, har hann er eftirlýstur fyri morð. Samskiparin av Sea Shep­ herd átakinum í summar er ein Rosie Kunneke, sum sigst vera úr Suðurafrika. Hon skuldi kent nógv til blóð, píning, deyða, morð og apartheid. Í áratíggju hava forfedrar hennara pínt, plágað og dripið upprunafólkið í Suðurafrika, aftaná teir høvdu tikið landið frá teim svørtu. Frælsishetj­an Nelson Mandela sat í fongsli í 30 ár, tí ANC hótti statin. Hetta eru fólk, sum skulu læra okkum uppi at sita. Hattin av fyri Heðini Mortensen, Kristin Mikkelsen og Brandi Sandoy, sum av sínum eintingum seta tiltøk í verk móti hesum rakkara­ pakki. Ein skal ikki lata alt um seg ganga, sektin á hvat so onnur halda og meina. Tað sigst at tað eru fólk í Føroyum, sum samarbeiða við hendan felagsskap. Undir seinna heimsbardaga var tað í Danmark eitt fyri­ brigdi, sum teir kallaðu »værne­mager«. Hetta vóru fólk, »kollaboratørar«, sum samarbeiddu við nasistunum. Tá kríggið var lokið, vóru nógvir av hesum avrættaðir uttan dóm av donskum fríheitskemparum fyri landasvik. Tað eru fólk her, sum sam­ arbeiða við S.S. fyri pening. Vit skulu ikki loyva skipum og bátum teirra at bunkra í Føroyum, ei heldur skulu vit loyva teimum at proviantera her. Myndugleikarnir, politi og tollvald skulu kanna skip og bátar, sum S.S. koma við í summar. Tey kunnu hava ymiska útgerð við sær so sum skotvápn, lóður, dynamitt, »boarding hooks«, hvalafor­ skrekkjarar o.a., sum tey seta út í sjógvin. Tað hava vit sæð fyrr. Men loksins, tá tey onki hava fingið burtur úr atgerðini her, kunnu vit siga sum Jóannes bóndi segði á sinni: »Útsynningurin skal tey av landinum føra, sum sápu­ bløðra«. Sea Shepherd er ein terror­ organisatión, sum fjalir seg aftan fyri umhvørvisvernd Ver við í kjakinum! Send teldupost til post@sosialurin.fo Uppskot til nýtt skjaldrarmerki hjá Sea Shepherd