fríggjadagur 19. juni 2015síða 23

Fríggjadagur 19. juni 2015 sosialurin 69 23 fekk onga finningarløn – Nei, eg hoyrdi hvørki orð ella eið frá Sjóvinnubankanum, sigur Elgeir Olsen, sum fyri 25 árum síðani avdúkaði menninar, sum framdu Føroya størsta rán, tá teir stjólu góða hálva millión frá deildini hjá Sjóvinnubankanum á Oyrarbakka afturhvarv Eirikur Lindenskov V it hava hitt Elgeir Olsen, nú 25 ár eru liðin síðani stóra ránið. Nógv varð – sum vera man – frammi í miðlunum um málið fyri 25 árum síðani, og har frætti Elgeir Olsen eisini um ilt- og gassfløskurnar, sum vórðu brúktar til skeribrennaran at skera pengaskápið upp við. Elgeir Olsen sigur, at hann fekk beinanvegin mistanka, tá menninir komu aftur við leigubilinum, sum teir høvdu leigað frá Bilútleigan, sum felagið hjá teimum æt, sum leigaði bilar út. – Vit høvdu avtalað, at hesin fremmandi maðurin, sum var úr Joguslavia, skuldi koma aftur við bilinum hendan morgunin. – Eg legði merki til, at bringan stóð fram úr honum, tá hann fór í skjúrtulumman at leita pengarnar fram. Tú hoyrir beinanvegin, at tað eru pengar, sum skróva – og ikki vanligt pappír. Hann fekk ikki pengarnar fram, men fór yvir til hinar menninar í einum øðrum bili, har hann helst kundi taka pengabuntið úr lummanum, og so kom hann aftur til mín við pengunum, greiðir Elgeir Olsen frá. Síðani fór leigubilurin til vask. Tá Elgeir seinni hoyrir um ilt- og gassfløskurnar fer hann aftur at kanna bilin, og tá sær hann týðuligu sporini av ilt- og gassfløskunum í viðførisrúminum. – Sporini av ilt- og gassfløskunum var ikki til at taka feil av, í øllum førum ikki hjá einum hondverkara, sigur Elgeir Olsen. Hann ringdi til løgregluna, sum beinanvegin kom á staðið, og teir kundu skjótt staðfesta, at lakksporini í bilinum stavaðu frá ilt- og gassfløskunum, sum vórðu funnar á staðnaum á Oyrarbakka. Annars hevði løgreglan nógv um oyruni um hetta mundið, tí teir fyrireikaðu drotningavitja, sum eisini tá skuldi verða í junimánaði, so tað kom helst ikki so væl við, at teir samstundis skulu uppklára Føroya størsta rán. Spurdur hvørja viðurkenning ella finningarløn, Elgeir Olsen fekk, svarar hann greitt, at hann fekk ikki inn í eygað. – Nei, eg hoyrdi hvørki orð ella eið frá bankanum. Tað helt eg vera nokso løgið. Ikki tí at eg legði so nógv í tað. Men um tað var ein ungur drongur, sum soleiðis einki frætti frá bankanum eftir hava avdúkað eitt slíkt rán, so hevði hann uttan iva verið snópin og keddur, heldur Elgeir Olsen. – Teir kundu um ikki annað sent eitt takkarkort, ella boðið mær inn til ein kaffinum og eina cigar, men ikki so frætt at teir øntu mær nakað, sigur Elgeir Olsen smílandi, meðan hann undrast á, at tað longu eru liðin 25 ár síðani hendingina á Oyrarbakka, tá tríggir mans framdu higartil Føroya størsta rán. eirikur@sosialurin.fo Privatmynd Lakk-spønir í viðførisrúminum! Sosialurin 19. juni 1990 Mánadagin leigaðu tveir danir ein hvítan hvítan Hyundai Pony bil frá Bilútleigan á Heygnum Mikla, sum er eitt felag undir Føroya Bil­upp­ høggi í Havn. Teir komu aftur við honum hósdagin sum avtalað var, rindaðu og fóru. Einki óvanligt tóktist vera av nøkrum slagi. Hvørja ferð ein leigaður bilur verður latin innaftur á Bilútleigan, kanna teir eftir, at alt er sum tað skal og vaska og reinsa hann. Men hetta varð kortini ikki gjørt við tann hvíta Hyundai bilin hósdagin. Hann skuldi ikki leigast út aftur sama dag, og hetta arbeiðið steðgaði tí til dagin eftir. Ilt- og gassfløskir nýttar til ránið Tá tíðindini um bankaránið á Oyrar­ bakka vórðu borin út, varð m. a. upp­ lýsit, at ein iltfløska sum var stolin frá Gjáarsmolt norðuri á Eiði, bleiv nýtt undir ráninum. Hetta hoyrir eisini Elgeir Olsen, ið starvast hjá Føroya Bilupphøggi. Og tað er hann, ið fríggjadagin kannar eftir, at alt er sum tað skal við Hyundai bilinum, leigaður varð út mánadagin. Elgeir er vanur við at arbeiða við ilt og gassfløskum. Og tá hann hyggur í viðførisúmið á billinum, er hann ikki í iva um, at reyðu og bláu spøn­irnar, hann sær, stava frá tí­lík­um fløskum. Iltfløskurnar eru bláar, og gass­ fløskur reyðar. Og skalt tú arbeiða við skeribrennara, er neyðugt við bæði ilt og gassi – gass verður nýtt at hita við, ilt at brenna við. Hetta fær beinanvegin Elgeir at hugsa um bankaránið, og hann ger so ikki meira við bilin, men boðar politinum frá um spønirnar. – Her kundi jú verið okkurt sam­ band... Ein politibilur kemur so út á Føroya Bilupphøgg, politistarnir fáa navnið á teimum, ið leigaðu bilin – og fáar tímar seinni er greitt, hvør framdi størsta rán í Føroya søgu. Ófagtiligt samanspæl Tað var við øðrum orðum eitt ófati­ liga heppið samanspæl av til­vildar­ ligum hendingum, ið gav politinum tað sporið, ið føri til avdúkingina: – At gassfløskurnar gnaddaðu so mikið móti hvørji aðrari í við­føris­ rúm­inum á bilinum, at lakkspønir fóru av. – At teir annars so nágreiniligu tjóvarnir ikki hugsaðu um at burtur­ beina hesar spønir. – At bilurin ikki varð vaskaður og dustsogin sama dag, sum hann varð innlatin. – At tað var Elgeir Olsen, sum dagliga arbeiðir við tílíkum fløskum, ið tók sær av hesum arbeiði dagin eftir. – Og sjálvandi at Elgeir hevði hoyrt, at gassfløskur vórðu nýttar til ránið, og hugsaði um tað, tá hann sá hesar spønir. eirikur@sosialurin.fo Tað var bert eitt einasta lítið mistak, ið avdúkaði tað sera professionelt fyrireikaða ránið: Menninir hugsaðu ikki um at dustsúgva nakrar reyðar og bláar lakkspønir úr leiðgaða bilinum frá Føroya Bilupphøgg Elgeir Olsen Meir um evnið á næstu síðu Tað var í viðførisrúminum á einum Hyundai Pony, meinlíkum hesum, at Elgeir Olsen sá reyðar og blaár lakkspønir. Tá myndamaðurin frá Sosialinum vitjaði hjá Bilútleigan hendan dagin, hevði politiið lagt hald á tann bilin, sum nýttur var til ránið, at brúka sum prógv. Elgeir var ikki í iva um, at lakkspønirnar stavaður frá gass- og iltfløskum, og boðaði tí beinanvegin politinum frá. Fáar tímar seinni vórðu bakaránararnir handtiknir Sosialurin fyri 25 árum síðani