mikudagur 24. juni 2015síða 13

13 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 24. juni 2015 · Nr. 71 Ítróttarháskúlin í Vági Savnsmyndir leikar fyri svimjing, eins og har eisini verður eitt nýtt fitness­sentur, sum eisini kann gagnnýtast av teimum ungu á háskúlanum, sigur Dennis Holm. Hann vísir á, at Vágur er til reiðar til at taka ímóti hes­ um ungu. – Vit hava ikki tørv á at byggja millióna bygn­ ing­ar fyri at fara undir ítróttarháskúl­an. Vit eru til reiðar at gera ein frálíkan skúla við tí sum vit hava, vísur hann á. Tey ungu fáa øðrvísi avbjóðingar Tey, sum standa á odda fyri ítróttarháskúlanum í Vági, hava sett sær fyri at tryggja, at tey ungu fara at minnast hesar løturnar sum nakað heilt serstakt. Mánadag, týsdag, miku­ dag og fríggjadag byrja tey ungu á háskúlanum við at renna ein túr. Síðani er morgun­matur á skránni, og fyrra­part­urin verður nýttur til at venja antin fót­bólt, hond­bólt ella svimj­ing. Síð­ ani er døgurða­steðgur, og seinna­part­urin inni­heldur læru­grein­ar­nar før­oyskt, enskt, fysio­logi og anatomi. – Vit leggja eisini stóran dent á, at tær siðbundnu læru­grein­arnar, sum eru á skránni, vera latnar í ein nýggjan ham. Vit fara at gera tað stutt­ligari at læra um tað, sum kanska fyri summi tykist sið­bundi og keðiligt, greiður Dennis Holm frá. Tað merkir millum annað tað, at næmingarnir fara út úr flokshølunum og uppliva føroyska søgu, føroyskt mál, føroyska list og so framvegis úti í tí lokala umhvørvinum í Vági og í Suðuroynni. – Tað nýtist ikki at vera keðiligt at læra, og tað er í veruleikanum lyklaorðið, tá ið umræður háskúlan, sigur Dennis Holm. Byrja í Íslandi Fyrstu háskúlanæmingarnir vera tiknir inn í september, og ætlanin er, at hesi skulu byrja sína ferð í Íslandi. Ítróttarháskúlin hevur gjørt samstarv við íslendskt felag, sum seinastu mongu árini hevur skipað fyri øðr­ vísi túrum fyri háskúla- og eftir­skúlaflokkum, og nú sleppa føroysku næmingar­ nir at royna seg. – Vit ætla, at tey ungu skulu byrja við einari viku í Íslandi. Har fara tey at riverrafta, ganga runt í ymsum grottum og so fram­ vegis. Tað er ein sokallaður adventur túrur, og tað hildu vit riggaði væl til okkara kon­sept, sigur Dennis Holm. Adventur dagarnir byrja í Íslandi, men hvønn hósdag og annan hvønn leygardag vera teir eisini í Vági. – Í okkara adventur døg­ um skulu næmingarnir ganga í fjøllunum, tey skulu síða, út við ymsum bátum og hvat veit eg. Tað er ógvuliga fjøl­broytt, og verður eisini til­lagað til hvat teir ymsu flokk­ar­nir hava serstakan áhuga fyri, sigur Dennis Holm. Endamálið við at hava so­kallaðu »adventur-dagar«, sum ein fastan tátt í ítróttar­ háskúl­anum er, at næm­ ingar­nir skulu læra meira um seg sjálvan og uppliva nakað heilt serstakt í Vági. – Eg eri sannførdur um, at tað er sunt fyri okkara ungu og fyri okkum øll, at prøva heldur øðrvísi ting, og tað er við til at menna tey ungu, og at geva teimum eitt minni fyri lívið, sigur Dennis Holm. Fyrst og fremst er tað á tí ítróttarliga part­inum, at tey ungu vera møtt við av­bjóð­ ingum, førleika­menning og stutt­leika. Hesin parturin er sjálvsagt tann, sum fyll­ ur mest. Men givið er tað, at adventure dagarnir eru ein fastur partur av skúla­skema­ num í Vági. Ítróttarháskúlin í Vági hevur enn ikki lýst nógv við skúlabyrjanini í sep­temb­er, tí vandi var fyri at drukna í øllum fólkatings­val­stríð­ num. Hóast tey ikki hava gjørt nógv vart við seg í Vági, so eru fleiri tilmeldingar komn­ar longu nú, og fleiri teirra eru frá útlendskum næm­ingum. – Tað sær út til, at okkara tríggir lyklapersónar í ítróttar­háskúlanum hava stórt netverk uttanlands, tí fleiri eru tey, sum koma hendan vegin, tí tey kenna til førleikarnar hjá Jón Bjarna­ syni og hinum, sigur Dennis Holm. Enn er tó sjálvsagt pláss fyri næmingum at byrja í september, og í Vági eru tey, sum vera man, sera spent at fylgja við í undirtøkuni og gongdini, nú Vágur um skamma stund skal vera karmur um fyrsta føroyska ítróttar­háskúlan. »Vit leggja stóran dent á, at tær siðbundnu lærugreinarnar, vera latnar í ein nýggjan ham. Vit fara at gera tað stuttligari at læra um tað, sum kanska fyri summi tykist siðbundi og keðiligt« – Tað sær út til, at okkara tríggir lyklapersónar í ítróttar­háskúlanum hava stórt netverk uttanlands, tí fleiri eru tey, sum koma hendan vegin, tí tey kenna til førleikarnar hjá Jón Bjarna­syni og hinum, sigur Dennis Holm