hósdagur 25. juni 2015síða 10

Fríggjadagur 26. juni 2015 sosialurin 72 10 politikkur álvarsligt innanhýsis rumbul Árni Gregersen T að dregur saman um til eina álvarsliga upp­gerð innanhýsis í Sam­bands– flokkinum eftir fólka­ tingsvalið og almannakunngerðini av úrslitinum av kanningini av handfaringini av málinum um Skálafjarðartunnilin. Í kanningini verður staðfest, at løgmaður hevur borið Løgtinginum skeivar upplýsingar. Hvussu álvarsligt tað er politiskt er enn ógreitt, men kanningarstjórin sigur í sínari niðurstøðu, at hann heldur, at revsirættarliga er málið av slíkum slag, at hann heldur ikki at sakarmál eigur at verða reist móti løgmanni, men heldur at Løgtingið gevur honum eina átalu – ella eina sokallaða nøs. Hetta tilmæli snýr seg bert um tær revsirættarligu avleiðingarnar. Kanningarstjórin heldur ikki, at málið er nóg stórt til at reisa rættarliga ákæru móti hvørki løgmanni ella fyrrverandi landsstýrismanni við innlendismálum. Ringt at svølgja og skilja At skilja hvat tað er, kannignarstjórin mælir til, tykist vera heldur torført at skilja. Hans Gammeltoft-Hansen mælir til, at Løgtingið gevur átalu fyri tað, sum teir báðir løgmaður og Kári P. Højgaard hava gjørt. Hann vísir til, at hetta er ein praksis, sum Fólkatingið gjøgnum nógv ár hevur brúkt. Men hann leggur dent á, at her er talan um revsingina tá ið brotini ikki eru so stór, at rímuligt er at reisa tað sum í Danmark svarar til ríkisrættarsak. Politisku avleiðingarnar skal Løgtingið taka sær av. Kann­ing­ arstjórin vísur til, at tað fleiri ferð er hent í Danmark, at tá ið ráðharrar hava fingið átalu frá Fólkatinginum, so hava teir annaðhvørt sjálvir lagt frá sær – ella hevur stjórnin mist sín stuðul. Í Danmark er est vanligt at hava minnilutastjórnir og tá slík mál taka seg upp, er vanligt, at stuðulsflokkar hjá stjórnini taka undir við misálitisuppskotum – og so noyðist ráðharrin at leggja frá sær. Løgmaður sendi eftir at frágreiðingin frá kannignarstjóranum út eitt tíðinaskriv, har hann segði, at “ Tað var og er framvegis mín fatan, at eg ikki gjørdi avtaluna við CIP. Eina avtalu, sum kanningarstjórin samstundis staðfestir var fult lóglig. Í sama viðfangi sigur kanningarstjórin í sínari niðurstøðu, at skeivu upplýsningarnir til Løgtingið hvørki vóru fyri at fjala eitt framhaldandi rættarbrot ella fjala eitt útint rættarbrot, sum kanningarstjórin málber seg. Hetta vil siga, at eg lat upplýsingar til Løgtingið eftir mínari bestu sannføring.” Hóast løgmaður kom við einumtíðindaskrivi týsdagin, har hetta stóð, so valdi hann mikukvøldið at senda Løgtinginum eitt skriv, har hann biðjur um umbering fyri ikkiat hava givið tinginum rættar upplýsingar. Innanhýsis rok Í Sambandsflokkinum eru ymiskar meiningar um, hvat skal henda eftir at úrslitið kom fram. Formaður hevur fingið nógvar atfinningar eftir at Sambands­ flokkurin tapti fólkatingsvalið og harvið eisini fólkatingssessin. Formaður floksins, Kaj Leo Holm Johannesen, løgmaður, verður lagdur undir athava ábyrgdina av, at flokkurin fekk afturgongd í havn. Sjálvur misti formaður floksins fleiri enn 1000 atkvøður í mun til seinasta fólkatignsval. Tað, saman við úrslitinum av kanningini hjá Gammeltoft-Hansen, hevur fingið eins tóran aprt av flokkinum at halda, at løgmaður eigur at leggja frá sær. Næstformaður floksins, Bárður Nielsen, hevur sagt við útvarpið, at kanningarúrslitið, so avgjørt eigur at fáa avleiðingar, men hann heldur eisini, at tað er løgmaður sjálvur, sum eigur at taka avleiðignarnar. Enn hevur bert tingbólkur og landsstýrismanning floksins havt fund. Í Landsfelagnum og lokalu veljarafeløgunum er støðan eisini tvíbýtt. Nógv teirra halda, at tað sum løgmaður segði í málinum um undirsjóvartunnilin ikki hevði avgerandi týdning og tí heldur ikki eigur at kosta løgmanni formanssessin í flokkinumj. Løgmaður sjálvur var tó á ongan hátt bangin fyri at lata fyrrverandi landsstýrismannin, Kára P. Højgaard taka politisku avgerðirnar av sínum gerðum. Kára P. Højgaard loysti løgmaður úr starvi sum landsstýrismaður longu í september fyri tveimum árum síðani fyri sín leiklut í undirsjóvarmál- inum. Hetta, hóast Kári P. Højgaard hevði fulla heimild at gera tað, sum hann gjørdi – burtursæð frá ikki at leggja nøkur tøl, sum hann ivaðist í, fram ítinginum. Framtíðin hjá Sambandsflokkinum Sambandsflokkurin veit betur Tað tykist sera torført hjá Sambandsflokkinum at vita hvørjum beini flokkurin skal standa á eftir fólkatingsvalið og úrslitið av kanningini av handfaringini av Skálafjðarartunnils-málinum Kreppa í Sambandsflokkinum Løgmaður er umstríddur í Sambandsflokkinum eftir fólkatignsval og úrslit av kanningini av handfaringini av Skálafjarðartunnlinum Hans Gammeltoft-Hansen Mynd: Álvur Haraldsen