hósdagur 25. juni 2015síða 13

Fríggjadagur 26. juni 2015 sosialurin 72 13 sær til at fara Eirikur Lindenskov H óast Sam­bands­ flokk­urin altíð kundi tykjast at vera tann tryggi, róligi og siðilig flokkurin, sum hava nógv stríð um formenn verið í flokkinum seinastu 25 árini. Í øllum førum fimm ferðir hevur verið opið stríð um formanssessin. Í 1990 legði Pauli Ellefsen, sum tá hevði verið ímyndin av Sambandsflokkinum og sam­bands­ politikki í 15 ár ár frá sær sum for­ maður. Sambandsflokkurin sat tá í samgongu saman við Fólka­ flokkinum og Tjóð­veldis­flokkinum. Stríð var millum Paula Ellefsen og Jógvan Ingvard Olsen, sum tá var landsstýrismaður. Málið snúði seg um ráðfiskabýtið, har stór ósemja var millum serliga Jógvan Ingvard Olsen og Paula Ellefsen. Endin var, at Pauli Ellefsen legði frá sær, og nýggjast tingmaður floksins, Edmund Joensen varð valdur til formann. Í løgmanstíðini hjá Edmund Joensen frá 1994-98 var eisini ófríðarligt innanborða í Sambandsflokkinum. Rættiligt stríð var upp undir løgtingsvalið í 1998, tá fleiri tingmenn Sambands­ floksins beinleiðis mótarbeiddu Edmundi Joensen. Á valinum 30. apríl í 1998 var stórur spenningur, um Edmund Joensen fór at verða afturvaldur. Men tað stríðið vann Edmund Joensen, meðan ein av fremstu mótstøðumonnum hans­ ara, Atli Hansen í Gøtu, lá eftirá. Hóast Edmund Joensen vann stríðið í 1998, so steðgaði tað kortini ikki. Og á landsfundi Sam­bands­ floksins í 2001 stillaði Lisbeth L. Petersen upp í móti Edmundi Joensen til formansvalið, sum hon vann. Til løgtingsvalið í 2004 stóð Sam­bandsflokkurin til at fáa stóra framgongd. Hetta var valið, sum varð útskrivað í úrtíð, tá full­veldis­ samgongan kollsigldi. Á valinum gekk Sambandsflokkurin aftur frá 26 prosentum til 23,7. Lisbeth L. Petersen tók avleiðingarnar longu dagin eftir valið og legði frá sær sum floksformaður. Tí var tað Alfred Olsen, næstformaður, sum leiddi samráðingarnar um lands­ stýrið, sum endaðu við, at fyrra ABC samgongan varð skipað. Á næsta landsfundi Sam­bands­ floksis varð Kaj Leo Johannesen valdur til formann – í stríðsvalið ímóti Johan Dahl, sum var so firtin um at tapa for­mans­valið, at hann meldaði seg úr Sam­bands­flokk­ inum og boðaði løgtinginum frá, at hann ikki var partur av Sam­ bands­flokkinum á tingi. Nakað seinni kom Johan Dahl upp á betri tankar og meldaði seg inn­ aftur í Sambandsflokkin – og hann var næstformður fram til síðsta landsfund floksins, tá hann sjálvboðin legði næst­for­mans­ starvið frá sær. Nú hava ting- og landsstýris­ manning Sambandsfloksins gjørt av, at flokkurin í august skal taka støðu til lagnuna hjá floks­for­ manninum. Kaj Leo Holm Johannesen sjálv­ ur hevur boðað frá, at hann setir sítt mandat til taks og trekkir seg, um onkur annar bjóðar seg fram, sum flokkurin kann semjast um. Soleiðis kann tað fyri fimtu ferð í 25 ár verða eitt persónsstríð, sum skal gera av, hvør framyvir skal stjórna Sambandsflokkinum eirikur@sosialurin.fo Fleiri stríð um persónar hava verið um for­mans­sessin í Sambands­ flokkinum síðani Pauli Ellefsen í 1990 legði frá sær Fimm formansstríð í 25 ár Formenn Sambandsfloksins: 1906 Fríðrikur Petersen 1917 Oliver Effersøe 1924 Andrass Samuelsen 1948 Johan M. Fr. Poulsen 1970 Trygvi Samuelsen 1974 Pauli Ellefsen 1990 Edmund Joensen 2001 Lisbeth L. Petersen 2004 Kaj Leo Johannesen Løgmenn Sambandsfloksins: Andrass Samuelsen (1948 - 1950) Kristian Djurhuus (1950 - 1958, 1968 - 1970) Pauli Ellefsen (1981 - 1985) Edmund Joensen (1994 - 1998) Kaj Leo Johannesen (2008-) Tingfólk Sambandsfloksins: Bárður Nielsen, Vestmanna Alfred Olsen, Saltnes Rósa Samuelsen, Sandavágur Helgi Abrahamsen, Strendur Edva Jacobsen, Fuglafjørður Eivin Jacobsen, Sørvágur Reimund Langgaard, Leirvík Jóna Mortensen, Tórshavn Gerhard Lognberg, Skopun Landsstýrisfólk Sambandsfloksis: Kaj Leo Johannesen, Tórshavn Bjørn Kalsø, Syðradalur, Kalsoy Johan Dahl, Vágur Kaj Leo Holm Johannesen tók við sum formaður í 2004 Gevur Kaj Leo sín fulla stuðul Hetta hevur ikki so nógv upp á seg, sigur Johan Petersen, formaður í Eysturoyar Sambandsfelag Áki Bertholdsen Sjálvandi er hetta eitt mál. Men tað hevur verri enn so, so nógvu upp á seg, sum tað verður blást upp til í fjøl­ miðl­unum. Johan Petersn, formaður Eystur­ oyar Sambandsfelag, heldur ikki, at niðurstøðan í kanningini hjá Hans Gammeltoft Hansen, eigur at fáa nakrar serligar avleiðingar fyri Kaj Leo Holm Johannesen sum løgmann og formann í Sambandsflokkinum. – Tað er sjálvandi óheppið, at løg­maður hevur borið løgtinginum skeivar upplýsingar, men tað eigur ikki á nakran hátt at føra við sær, at hann skal leggja frá sær, hvørki sum løgmaður, ella sum formaður í Sam­ bands­flokkinum. Johan Petersen vísir á, at Hans Gammeltoft Hansen hevur sjálvur víst á, at revsingin fyri misbrotið hjá Kaj Leo Holm Johannesen eigur at verða revsað við eini átalu – Tað er á tí stigi, at revsingin eigur at vera, og tí er tað burturvið at tosa um at leggja frá sær, sigur formaðurin í Eysturoyar Sambandsfelag. Tí stuðlar hann eisini løgmanni treytaleyst. Han vísir á, at løgmaður hevur verið undir einum ómenniskjans­lig­ um trýsti, serliga frá fjølmiðlunum, og so er hann komin at siga nakað, sum hann heldur vera rætt, men sum Hans Gammeltoft Hansen heldur vera skeivt, og tað verður tikið til eftir­tektar. Hinvegin verður eisini staðfest, at løgmaður hevur hildið sína eftir­lits­ skyldu, og at alt hann annars gjørdi, var púra lógligt. Men óheppin orðing, sum hann heldur er ílagi. Johan Petersen vísir á, at tað erLøgtingið, sum hevur biðið um frá­greiðingina, og sostatt má tað eis­ ini vera Løgtingið, sum tekur málið upp gera av, hvat skal henda. Men kann­ingarstjórin hevur so víst á, hvar støðið eigur at verða lagt, og tað er við eini átalu. aki@sosialurin.fo Mynd: Álvur Haraldsen Mynd: Álvur Haraldsen