hósdagur 25. juni 2015síða 17

Fríggjadagur 26. juni 2015 sosialurin 72 17 Komandi partur Í komandi parti verður hildið áfram við frásøgnina hjá Øssur Debes. tað royndi aftur seinnapartin, bar til. Nú var klárt í Vágum. »Ta ferðina rakti eg plett«, sigur Petur. Á Sosialin av tilvild Tað var meiri at kalla av tilvild, at Petur gjørdist veðurmaður hjá Sosialinum fyri nærum 20 árum síðani. Um mánaðarskiftið juli-august í 1996 hevði hann sett sær fyri at fara á Ovastevnu í Nólsoy. Millum ferðafólkini umborð á Rituni hendan túrin var blaðstjórin á Sosialinum, Jan Müller. Eftir at teir høvdu prátað eina løtu, spurdi Jan, um Petur ikki kundi hugsað sær at havt veðurtíðindi í Sosialinum sum fastan tátt. Petur ivaðist ikki í svarinum. Tað vildi hann fegin. Síðan 15. november í 1996 hevur Petur verið fastur fúsur her á Sosialinum. Hann er í Miðlahúsinum fimm ferðir um vikuna, har hann skrivar veðurtíðindini til síðu 2 í Sosialinum og lesur veðrið inn til Rás2. Hann fær veðurkort frá bretsku veðurstovuni, og út frá teimum og øðrum upplýsingum ger hann so sínar veðurforsagnir. Nógv er sjálvsagt broytt á hesum øki í tíðini hjá Petur Skeel. Fyrr vóru veðurskip av avgerandi týdningi fyri frásøgnina. Nú eru tey fyri stóran part avloyst av fylgisveinum og aðrari tøkni. Illveðursskip Petur hevur ferðast nógv millum Føroyar og Danmark. Hann var nærum á hvørjum ári heima og ferðaðist, meðan tey búðu í Danmark. Hann hevur eisini verið upptikin av veðrinum, tá ið hann tosar um ferðamannaskipini. Tjaldur var eitt illveðursskip, um so kann sigast. Tað kom í 1953 fyrsta túrin til Føroya í illveðri, sum seinkaði komuna til Føroya munandi. Tað hevði seinni fleiri ringar túrar av veðri. Tann ringasta túrin, Tjaldrið gjørdi, var, so løgið tað ljóðar, mitt um summarið. Tað var mitt í juni 1959, og kavin lá oman í hálvan hagan. Spyrja um veðrið Fyrr hendi tað ikki so sjáldan, at fólk ringdu heim til Petur at spyrja, hvussu veðrið fór at blíva. Onkur, sum skuldi til Suðuroyar, vildi hava at vita, hvussu tað fór at vera at sigla suður og norðuraftur. Tað hendi eisini meiri enn so, at menn ringdu til hansara at vita, um tað varð fjallveður dagin eftir. Hetta má sigast at hava verið ein serføroysk tænasta! Eftir at vera farin frá í almenna starvinum hevur Petur eisini havt eitt annað arbeiði. Hann gjørdist próvdómari í veðurlæru á sjó­ mansskúlanum, og hann gjørdi eisini upp­ gávurnar til próvtøkuna. Hetta arbeiði hevði Petur, til hann gjørdist 80 ár. Petur ger nakað við veðrið Tað var danski skemtarin Storm P, sum segði, at øll tosa um veðrið, men eingin ger nakað við tað! Men her er Petur eitt undantak. Hann hevur gjørt nakað við tað. Í 2003 kom út bók hansara »Veður og tíðindi í Føroyum 1875-2002«. Henda bókin er 285 síður, og har er ár fyri ár eitt yvirlit yvir, hvussu veðrið hevur verið mánað fyri mánað. Eisini fæst at vita tær mest týdningarmestu hendingarnar í árum við áhugaverdum myndum. Bókin varð givin út í samstarvi við Finnboga Ísakson, sála. Sjálvur skrivar Petur í fororðinum: Tað hevur mangan verið havt á munni, at veðrið broyttist til tað verra í 20. øld. Fólk, sum eru komin nakað upp í árini, vilja vera við, at sólin skein oftari fyrr, og gott kavaveður var mangan og hartil leingi um veturin. Nakrar broytingar hava verið. Skal roknast eftir sóltímum, hevur veðrið verið vánaligast í sjeytiárunum. Verður hitin roknaður sum veðurmát, og tíðarskeiðið verður býtt sundur í 30 ára skeið, er broytingin ikki so stór burtur­ sæð frá einum tíðarskeiði. Í 30 ára skeiðnum 1875-1904, 1905-1934 og so aftur frá 1965-1994 var miðalhitin 6,5 stig. 30 ára skeiðið frá 1935-64 var eitt undantak. Tá var heitari, miðalhitin var 7,1 stig. Upplýsingar eru ikki um sóltímar alt tíðar­ skeiðið, men frá seinna hálvári 1921 hava sól­ tímar verið skrásettir. Miðaltalið á sóltímum var javnt fallandi frá 1922 til 1981, men síðani hevur verið frægari. Í 30 ára skeiðnum 1922- 1951 vóru 930 sóltímar árliga í miðal, men tað minkaði til 850 sóltímar i tíðarskeiðnum 1952- 1981. Verður hugt at sóltímum í 10 ára skeiðnum sæst, at vit høvdu í miðal færri í sjeytiárunum enn í tjúgunum. Tað hevur ikki verið serliga stórur munur á avfallinum býtt sundur í 30 ára skeið. Men munurin hevur verið stórur frá ári til árs og frá einum stað til annað. Í 1955 var avfallið 955 mm, meðan tað var dupult so nógv avfall í 1992. Tá var tað 2019 mm. Tað fæst nógv meira at vita i bókini, sum er eitt rættiligt granskingaravrit. Familjan og frítíðarítriv Kona Petur, Malla, var ættað úr Rituvík. For­eldur hennara vóru Kristina og Dávur Lamhauge. Hon doyði í 1987. Tey fingu tríggjar synir, sum allir búgva í Danmark. Teir eru Allan Mourits, sum er ógiftur, Dávur Kristin eigur 3 børn og Poul eigur 2 børn. Petur Skeel hevur eisini havt ymisk frí­tíðar­ ítriv. Honum dámar sera væl at dansa, sum hann altíð hevur gjørt nógv við eisini árini í Dan­mark. Hann hevur eisini verið fastur fúsur í dansi­felagnum Dansifrøi. Hann hevur verið á dansiferð í fleiri londum. Men nú verður minni gjørt við hetta. Tað er ikki stórt meira enn ein ólavsøkudansur. Petur hevur eisini havt tipping ella vedding í fótbólti sum ítriv. Men her má hann sanna, at tað er truplari at spáa um fótbólt enn um veðrið! Men onkuntíð hevur hann kortini vunn­ið. Eisini er Petur áhugaður í ættargransking. Tí kennir hann eisini upprunan til Skeel navnið. Ein av hansara forfedrum var Bødker Peder Pedersen Scheel, sum doyði 23. september 1816, 74 ára gamal. Tað skal verða ynskt Peturi hjartaliga tillukku við 90 ára degnum. Hann hevur í hvussu er uppiborið, at veðrið verður til vildar! Tað verður móttøka fyri Petur í Miðlahús­ inum 26. juni frá kl. 15-17. Rætting til Niclas Leo Fyri tveimum vikum síðani varð sagt, at ættin Sumberg er ættað frá Niclas Leo. Tað rætta er Sømark ættin. Systkini. V.f. Jensia, Petur, Hildur og Poula Konan, Malla, sum doyði í bestum árum Petur saman við sínum