hósdagur 25. juni 2015síða 39

7 Mentanarblaðið hjá Miðlahúsinum 6 • 26. juni 2015 The Weather Diaries lat upp í Norður­landa­hús­inum 12. juni og hongur uppi til 23. august. Sniðgevar í The Weather Diaries eru: úr Íslandi: STEiNUNN, Mundi, JÖR, Kría og Shoplifter úr Grønlandi: Bibi Chemnitz, Najannguaq Lennert, Nikolaj Kristensen og Jessie Kleemann og úr Føroyum: Barbara í Gongini, Guðrun & Guðrun og Rammatikk. The Weather Diaries er eisini út­givin sum skreytbók við myndum og samrøðum. Mynd 1 og 2 Cooper & Gorfer hava í myndunum The White Boat og Armgarð and the Boat sett pløgg hjá Guðrun & Guðrun inn í ein svart-hvítan myndaheim við tilsipingum til at vera í sama báti og at vera uttanfyri. At vera útihýst sum tann svarti seyðurin. Mynd 3 og 4 Myndirnar av búnum og prýðum hjá grønlendska perlusnillinginum, Nikolaj Kristensen, og grønlendska sniðgevanum Bibi Chemnitz hava eitt serligt, melankolskt huglað. Tilsipingarnar tykjast at vera bæði til søgnina um Sednu og til kolonialu støðuna hjá Grønlandi. Í søgnini um Sednu dettir gentan á sjógv, og pápin vil ikki hjálpa henni í bátin aftur, men høggur fingrarnar av, tá hon roynir sleppa upp á stokkin. Gentan søkkur og endar á botninum, har hon dregur allan fisk, alt lív og allan skitt til sín, so fólkið ongan fisk og onga føði fær. Shamain má tí niður at blíðka hana. Hetta er søgan í Ena Holds the Sea. Í Ena’s Lost Pearls eru perlurnar ikki bara vakrar men minna eisini um gamlar myndir frá imperialistisku stórtíðini um aldarskifti 1900. Um tummilin hevur gentan eitt band við tveimum fløggum, tí danska og tí grønlendska. Mynd 5 Myndin Kristin Against Black skal sambært Cooper & Gorfer vísa, hvussu avantgardisman ikki bara peikar frameftir, men eisini endurspeglar fortíðina. Í framsýningini í Athøllini hongur eitt plagg hjá Barbaru í Gongini saman við myndunum. Glasmontran undirstrikar, at plaggið ikki bara er eitt plagg, men ein mentalutur. Markið millum móta og list kámast burtur, og gjógvin millum framtíð og fortíð umskapast til samhangandi træðrir. Cooper & Gorfer hildu tað vera hugtakandi, at tá ið Kristin sá myndina av sær sjálvari, var tað fyrsta hon segði, at myndin minti hana á eina gamla mynd av ommu sínari. Tráðurin aftureftir fer sostatt ikki bara frá framlítandi plagginum til eldri konuna, men eisini frá konuni til eina mynd, sum peikaði tvey ættarlið longur aftur. 3 4 5 Myndir: Cooper & Gorfer