hósdagur 25. juni 2015síða 38

6 Mentanarblaðið hjá Miðlahúsinum 6 • 26. juni 2015 6 ooper & Gorfer nevna tær seg. Listaduo’in hand­an ársins Summar­fram­sýn­ ing. Sarah Cooper er úr USA og Nina Gorfer úr Eysturríki. Tær hittust fyrstu ferð í 2004, tá tær tóku master­ útbúgving í sniðgeving á universitet­ inum í Gøteborg, og síðan hava tær ar­ beitt saman sum listakollektiv. – Vit arbeiða altíð saman, vit eiga báð­ ar verkini, og vit eru báðar áhugaðar í søgum, sum skapa meining og træðrir. Fyrsta verkætlanin, sum tær báðar gjørdu, tók støði í Íslandi. Tær vildu leita eftir íblástri í søguríka landinum, fóru til Íslands, ferðaðust kring landi og bóðu fólk siga sær eina søgu. – Søgurnar snúðu seg ofta um spøk­ ilsi, men tær tóku altíð støði í onkr­um veru­ligum. Tað var altíð ein ógvu­slig lagna aftanfyri, eitt morð ella ein syrgi­ ligur deyði. Úrslitið av Íslandstúrinum var ein orðleys skreytbók við myndum. Bókin fekk heiðurslønina Swedish Art Book Award – Vit taka støði í søgunum, men vit arbeiða visuelt, greiða tær báðar frá. Síðan hava tær gjørt fleiri líknandi verkætlanir. Mentan í móta Framsýningin The Weather Diaries er ein bíløgd verkætlan. Tað var Norður­ landa­húsið í Svøríki, sum heitti á tær um at seta eina sýning upp, sum kundi varpa ljós á móta úr útnorði. – Vit ivaðust, um vit skuldu átaka okk­um upp­gávuna, tí vit hava ikki ar­ beitt bein­leiðis við móta áður. Men vit fingu frælsi at fara eftir tí, sum vit sjálvar hildu vera áhugavert, og vit vóru sjálvandi bidnar, tí vit í okkara verkum leitaðu eftir mentanar­søguligum tilknýti við fólka­lívs­frøðiligum tilsipingum. – Hendan framsýningin hevur verið øðrvísi enn tað, vit annars hava gjørt, tí vit hava arbeitt saman við sniðgevum hesu ferð. Vit sýna okkara egnu verk – myndir­nar – men vit eru eisini kuratorar, tí vit sýna fram saman við sniðgevunum. The Weather Diaries varð fyrstu ferð sýnd á The Nordic Fashion Biennale í Frankfurt í 2014. Fyrr í ár var hon sýnd fram í Keypmannahavn, og seinni í ár fer hon til Seattle, Minneapolis og møguliga aðrar býir í USA. Viðføddi hugurin til vakurleika Luttakandi sniðgevarnir á framsýningini eru úr Grønlandi, Íslandi og Føroyum. Talan er bæði um kendar og minni kendar sniðgevar, og Cooper & Gorfer siga, at tær tilvitað eru farnar eftir bæði tí avant­gardistiska mótasniðgevanum og eftir hond­verkaranum, sum als ikki hugsar í móta. – Bæði í Føroyum og í Íslandi hava tit fleiri viðurkendar designarar, sum hava vakt ans altjóða. Í Grønlandi er móta­snið­ geving ikki so sterk vinna, men trongdin at skapa og pynta er ikki treytað av móta sum handilsvøru. Annar grønlendski sniðgevin á fram­ sýningini er Nikolaj Christensen, sum hevur sniðgevið og perlað hugtakandi kjólar til dóttrina. – Nikolaj ger hesar fantastisku perl­ aðu kjólarnar, tí hann vil skapa nakað serligt til dóttir sína. Hann býr avsíðis á lítlari oyggj í Norðurgrønlandi og hev­ur ongan áhuga í teimum nýggjastu móta­ rák­unum. Hann hevur ongantíð verið uttan fyri Grønland, og fyrstu ferð hann var í Nuuk, var, tá vit bjóðaðu á fund. – Vit eru fødd við tørvinum á skreyti og vakurleika. Og tað er Nikolaj Christensen eitt gott dømi um. Veður og sagnir Sambært Cooper & Gorfer spælir veðrið ein serligan leiklut í teimum trimum lond­unum í Útnorði. Veðrið bæði av­ markar, tí vit altíð eru noydd at laga okkum til veðrið, men samstundis halda tær, at ógvusliga veðurlagið hevur skapt eitt serligt dirvi í móta og list í Útnorði. Tí hevur fram­sýningin heitið The Weather Diaries. Myndirnar hjá Cooper & Gorfer í The Weather Diaries eru vakrar og romant­ iskar, men hava ein sterkan undirstreym av tyngd og myrkri. Myndirnar eru tiknar í Føroyum, Íslandi og Grønlandi og spegla bæði veðurlag og náttúru, men siga eisini allar onkra søgu. Søgurnar kunnu taka støði í onkrum persónligum hjá sniðgevunum, sum t.d. hjá STEiNUNN, sum hevur skapt eitt verk við íblástri frá sjúka soni hennara. Men tær kunnu eisini – sum í myndunum hjá Cooper & Gorfer sipa til sagnir og truplan mentanararv. Sniðgeving er full í søgum, siga Sarah Cooper og Nina Gorfer, listakvinnurnar handan Veðurdagbøkurnar – “The Weather Diaries”. Í stóru summarframsýningini í Norðurlandahúsinum lata tær móta og myndir skapa søgur um mentanararv og listarligan íblástur Dorit Hansen C móti sigur søgur 1 2 Myndir: Cooper & Gorfer Mynd: Birgir Kruse