mánadagur 29. juni 2015síða 14

Mánadagur 29. juni 2015 · Nr. 73 14 Sosialurin Hugskot og viðmerkingar – send sms til 225000 ítróttur Oyggjaleikir André Olsen Sunnudagin var fyrsti dag­ urin hjá føroysku lut­tak­ar­ unum á oyggja­leik­unum. Áðrenn dagurin byrjaði, høvdu tey flestu góðar vónir til triathlon, har vit høvdu tveir sterkar kandidatar í Gudmundi Joensen og Karinu Ottosen. Ein keðiligur skaði til Gudmund Joensen gjørdi tó, at hann mátti gev­ ast at íðka, meðan ein annar av gull kandidatunum, Marna Egholm, sum rann hálv marathon, eisini fekk keði­ligt forfall, tá hon small um, eftir at hon hevði runnið meir enn tveir triðingar. Tó so, so høvdu vit eisini nógvar jaligar upplivingar tann fyrsta dagin, har vit fingu tríggjar gull medaljur og tvær bronsu medaljur. Torkil vann fyrsta gullið Súkklarin, Torkil Veyhe, var fyrsti føroyingurin at vinna gull á oyggjaleikunum á Jersey í 2015. Torkil Veyhe vann nevniliga einkult­ startin hjá monnum í súkkling. Hann súkklaði 35 kil­o­metrar við tíðini 47 minuttir og 30 sekund. Torkil Veyhe segði í samrøðu við kringvarpið aftaná at hann hevði vunnið gullið, at hetta var nakað, sum hann hevði arbeitt fyri í tvey ár. Torkil segði. – Eg endaði nummar 2 í einkultstarti á Bermuda í 2013, og havi iðra meg síðani tá, at eg ikki fekk fyrsta plássið. Tí hevði eg sett mær fyri áðrenn kappingina, at eg skuldi enda sum nummar eitt, so tað er ein fantastisk kensla at hava vunnið gull í einkult­starti. Samanlagt fyri liðkapp­ ingina, gjørdist Føroyar numm­ar 3 í einkultstarti, og vunnu tí bronsu. Hinir sum súkklaðu fyri Føroyar umframt Torkil Veyhe, vóru Jóannes Albert Nielsen og Dávur Magnussen. Gull í triathlon Undan kappingin sunnu­ dagin, høvdu teir flestu føroy­ingarnir sum heild góðar vónir til at fáa gull í triathlon. Bæði á mans­ síðuni, og á kvinnu­síðuni, høvdu føroyingar sterkar kandi­datar. Hjá monnunum var tað Gudmundur Joensen, með­ an hjá kvinnunum var tað Karina Ottosen. Tíverri fyri Føroyar, so gjøgnumførdi Gudmundur Joensen ikki sítt triathlon, av tí at hann gjørdist skaddur mitt undir kappingini. Tað var serliga ein stórur trupul­ leikari, at Gudmundur fekk ov nógv vatn í lunguni, meðan Gudmundur svam í triathlon. Betri gekk hjá Karinu Ottosen, sum vann gull fyri Føroyar í triathlon. Karina svam fyrst 1500 metrar, súkkl­aði 40 kilometrar og rann 10 kilometrar. Tað gjørdi hon við tíðini 2 tímar og 25 sekund. Karina Ottosen segði eftir kappingina, at talan var um fantastiska kenslu, og at hon ikki hevði vænta framman­ undan, at hon fór at vinna kapp­ingina. Svimjingin gekk heldur ikki sum ætlað, men at tað serliga var undir súkklingini, at hon legði fleiri av hinum kvinnunum aftur­ um seg. Eisini gull í skeet-skjóting Í liðkappingini í skeet-skjót­ ing, gekk eisini væl hjá før­ oysku luttakarunum. Teir báðir, Marius F. Joensen og Sámal E. Debes vunnu lið­ kapp­ingina í skeet, eftir at teir samanlagt fingu 174 stig. Serliga væl gekk tað hjá Marius F. Joensen, sum fekk mest stig av øllum í kapp­ ingini. Hann fekk 94 stig, meðan Sámal E. Debes fekk 80 stig. Á øðrum plássið endaði Áland, meðan Hetland end­ aði sum nummar 3. Marna small um – men gjøgnumførdi Tað luktaði leingi av heiðurs­ merki í hálvmarathon sunnu­morgunin, har tað leingi var líkt til at Marna Egholm skuldi renna eitt gull heiðurs­merki til Føroyar. Marna Egholm var stóran part av kappingini á odda, men á seinasta trið­ ing­inum gekk galið. Eftir 12 kilometrar, small Marna um, og hon spýði eisini. Hon kom tó á føtur aftur, og gjøgnum­ førdi hálv­mara­thon, men ferðin var sett niður, og vann tí ikki heiðursmerki. Eisini Bjørk Herup Olsen var nær við at røkka einum heiðursmerki, men mátti ístaðin taka til takkar við ein­um fimta plássið. Marna Egholm og Bjørk Herup Olsen vunnu tó bronsu heiðursmerki í lið­ kapp­ingini í hálv­mara­thon. Kurvabóltur fekk sín elddóp Sunnudagin spældi kurva­ bóltslandsliðið hjá Føroyum fyri fyrstu ferð nakrantíð ein dyst á oyggjaleikum. Dyst­ urin var ímóti Isle of Wight, og føroyska liðið fekk seg roynt beinavegin. Nógva ferðin kom óvart á føroysku leikararnar, sum aftaná fyrstu perioduna, vóru aftanfyri heili 38-5. Føroyska liðið fótaði sær tó, sum dysturin leið, og ser­ liga væl gekk í tí næstu perio­ duni, tá Isle of Wight einans vann 20-13. Samanlagt tapti føroyska kurvabóltslandsliðið tó Vit vunnu tríggjar gull medaljur fyrsta dagin á oyggjaleikunum, men tað sum situr eftir sum nakað óheppið, er, at tveir gull kandidatar fingu óhepnar skaðar Tríggjar gull medaljur tann fyrsta dagin