týsdagur 30. juni 2015síða 47

7 Juli 2015 Tað er týdningarmikið fyri okkara samfelag, at vit hava eina sterka fakfelagsrørslu og ein væl skipaðan arbeiðsmarknað. Ein fortreyt fyri hesum er, at so nógv starvsfólk, sum til ber, eru skipað í felag. Tíverri er rákið í nógvum londum í dag, at limaskarin í fakfeløgunum minkar, og tað vísir seg, at fíggjarligar grundir eru til, at fleiri velja feløgini frá. Vit seta okkara álit á, at politisku flokkarnir síggja virðið í, at starvsfólk eru skipað í felag, og at teir stuðla eini skipan við skattafrádrátti fyri limaskapi í fakfelag. Starvsmannafelagið heldur: At ein skipan, har starvsfólk kunnu draga kostnaðin av limaskapi í fakfeløgunum frá í skattinum, eigur at verða sett á stovn. Ein væl skipaður arbeiðsmarknaður er ein fortreyt fyri einum vælvirkandi samfelag, har starvsfólk kenna seg trygg. Starvsmannafelagið heldur, at øll starvsfólk skulu arbeiða sambært sáttmálum. Óskipaði viðurskifti og lønardumping kunnu ikki góðtakast í einum framkomnum samfelag. Í Føroyum og á føroyskum øki skulu føroyskir sáttmálar galda. Starvsmannafelagið heldur: At viðurskiftini hjá øllum, sum arbeiða í Føroyum og í føroyskum øki eiga at vera skipað, og at í Føroyum og á føroyskum øki skulu føroyskir sáttmálar galda. Skattafrádráttur fyri fakfelagslimaskap Skipaði viðurskifti Tekur flokkur tykkara undir við hesum? Flokkur: Ja Lutvíst Nei Sambandsflokkurin Javnaðarflokkurin Tjóðveldi Nýtt Sjálvstýri Framsókn Miðflokkurin ✓ ✓ ✓ ✓ ✓ ✓ Tekur flokkur tykkara undir við hesum? Flokkur: Ja Lutvíst Nei Sambandsflokkurin Javnaðarflokkurin Tjóðveldi Nýtt Sjálvstýri Framsókn Miðflokkurin ✓ ✓ ✓ ✓ ✓ ✓ 9 10 Fólkaflokkurin: Altíð eru nógv uppskot um at lætta um skattatrýstið. Eitt er, at limagjald til felagsskapir, vit velja at vera í, skal kunna trekkjast frá í skatti. Vit eiga ikki at úthola skattaskipanina við frádráttum; vit eiga at leggja okkum eftir at lækka skattatrýstið sum heild. Framsókn: At trekkja frá fyri limagjald og stuðul fyri ávís áhugamál hevur verið til viðgerðar í tinginum nakrar ferðir. Enn hevur hetta ikki vunnið frama, og halda vit at tað er óheppi at loyva hesum. Tjóðveldi: Neyðugt er at eggja øllum til at gerast limur í fakfelag. Á privatu arbeiðsgevarasíðuni, er tað ikki skattskyldugt at rinda limaskap í vinnufelagi. Tað sama eigur at galda fyri løntakarar. Og lættast er tekniskt, at fakfelagslimagjald verður goldið av løn áðrenn skatting. Nýtt Sjálvstýri: Nýtt Sjálvstýri er ikki sannført um, at skattafrádráttur fyri limaskap er gongda leiðin. Tað eru stórar styrkir fyri tann einstaka borgarin á arbeiðsmarknaðinum, at innlima seg í eitt fakfelag, bæði tá ið tað kemur til løn og arbeiðsumstøður. Nýtt Sjálvstýri vil fyrst og fremst raðfesta skattalætta til lág- og miðalinntøkur, tí eyðsæð er, at kostnaðurin fyri skattafrádrátt fyri limaskap kann gerast kostnaðartungt fyri landskassan. Javnaðarflokkurin: Góð lønar- og arbeiðskor eru fortreytin fyri skipaðum viðurskiftum á arbeiðsmarknaðinum. Miðflokkurin: At arbeiða sambært sáttmálum er ein dýrtvunnin rættur, sum ikki má missast aftur! Tað at góðkenna lønardumping ella vánaligar útlendskar sáttmálar vil máa undan tí fakfelagsliga trygga grundarstøði, sum samfelag okkara byggir á. Fólkaflokkurin: Sáttmálasamráðingar eiga at vera millum partarnar á arbeiðsmarknaðinum og ikki í Løgtinginum. Men vit góðtaka ikki dumping av lønum og lóggáva at tryggja, at tað ikki hendur. Her er t.d. útlendingalógin eitt amboð, sum eigur at brúkast. Tjóðveldi: Tjóðveldisflokkurin hevur hetta sum samtykt stevnumið. Og vit hava bæði havt lógarkrav um hetta á tingi í sambandi við fiskivinnuna. Tað hevur verið felt. Men Tjóðveldi kravdi tað inn í serligu lógina um makrelfiskiskap í 2011 – og tá varð tað samtykt. Flokkarnir halda: Flokkarnir halda: