fríggjadagur 3. juli 2015síða 12

Fríggjadagur 3. juli 2015 sosialurin 75 12 Kvinnan gloymd í søguni – Tað sæst á tí sum er skrivað um Føroya søgu, at tað eru gamlir menn, ið hava skrivað um gamlar menn. Mestsum einki fokus er á kvinnuna og kvinnuleiklutin, og tað sum stendur um tær er ofta stutt brot úr søgunum um menn teirra. Tí manglar tað, at tað verður gjørt nógv meira við tann kvinnuliga partin í Føroya søgu, tí at tað er so heilt víst, at í hvørjari bygd í Føroyum vóru fleiri megnar kvinnur. Ein av teimum, ið eg serliga haldi verða áhugaverda at hyggja nærri at, er Marin Malena Nolsøe, ið varð kona Nólsoyar Páll, sigur Mimmy Vágsheyg úr Klaksvík Ann Kristina S. Simonsen S jálv hevur Mimmy í eitt longri tíðarskeið haft stóran áhuga í føroya søgu, har hon ser­stakliga hevur biti merki í undan­gongumannin Nólsoyar Páll. Eitt nú hevur hon valt, at café henn­ ara í Klaksvík bæði ber navnið Fríða, eftir skipi hansara Royndin Fríða, og hevur fleiri myndir av honum og út­ sagnum hansara. Tað var við at lesa um Nólsoyar Páll, at Mimmy fekk ein serligan áhuga fyri konu hansara Marin Malenu. Og við bæði at lesa um hann, og at tosa við fólk, kom hon fram til, at Marin Malena hevur verið ein sera áhuga­verd kvinna, ið er verd at kunna seg nærri um. – Hóast eingin tekstur er skrivaður beinleiðis um Marin Malenu, so veit man, bæði frá tí sum fólk hava sagt, og frá brotum, ið standa skrivað um hana ymsastaðni, at hon hevur verið ein megnar kvinna, ið bæði hevur verið sera vitug, og hevur torað at staðið fram, sigur Mimmy. Marin Malena var bert 18 ára gomul, tá ið hon í 1801 giftist við Nóls­ oyar Páll. Hon var dóttir ríkmann í Klaks­vík, og frá pápa sínum fekk hon garð úti í Oyri á Borðoynni við í giftar­ mál­inum, sum hon og Nólsoyar Páll búsettist á. Eitt nú sigst um Marin Malenu at hon, eftir at hava lært seg at brúka tann nýggja vevin, ið júst var komin til Føroyar um ta tíðina, ferð­ aðist runt um allar Føroyar, og lærdi fleiri hundrað kvinnur at nýta vevin. – Tað, at hon sum heilt ung fór at læra seg nakað, ið var nýtt og øðrvísi, fyri síðani at læra onnur, bendir á, at hon ikki hevur verið bangin av sær, sigur Mimmy, ið leggur aftrat, at eftir at Marin Malena hevði lært allar hesar kvinnur at veva, so vísa søgubøkurnar, at talið á vevum í Føroyum vaks í stórum. Man veit um Marin Malenu, at Tá ið eg lesi nógv av tí ið Nólsoyar Páll hevur tikist við, og søguna rundan um hetta, so síggi eg eina kvinnu­ lig­heit aftanfyri nógvum av tí« Føroya søga Mynd av Mimmy á kafe Fríðu, við málningi av Nólsoyar Páll í baggrundini, ið Archibald Black hevur gjørt.