fríggjadagur 3. juli 2015síða 17

Fríggjadagur 3. juli 2015 sosialurin 75 17 spæla saman sum bólkur, ið nú drívir verkið. – Tað handlar um at hava tað stuttligt, og vit hava tað stuttligt!, sigur Eddie avgjørdur, meðan eyguni lýsa upp av gleði. Bólkurin hevur sett sær fyri at finna gamla andan aftur, har tað snúði um at hava tað stuttligt til venjingar og konsertir. Hesin andin merkist týðiliga í rúminum, har allir limirnir í SIC nú eru samlaðir og bert bíða eftir at koma framat ljóðførunum. Onkur er ótolin, og er longu so smátt farin ígongd við onkur guitarriff, men tíbetur er hátalarin ikki frá. – Nú er tíð til Rock 'n' f*** Roll!, sigur forsangarin, Mikkjal Gaard Hansen, við einum skeivum smíli. Nú skal venjast til konsertina Við Múrin. Eg takki fyri prátið og gangi móti hurðini, og so fer eitt maskinarí ígongd, ið næstan er við at blása meg heilt út í tún. Um nakar nú hev­ur gloymt, hvussu SIC ljóðar, tá teir geva seg fult út, so fær ein fulla vissu fyri, at tað ljóðar júst soleiðis, ið tað eigur at ljóða. SIC eru aftur í dystarvenjing, og nú skal øll orkan, ið hevur ligið inni eina tíð hjá ymisku lim­unum í bólkinum, út! Magnusarkatedralurin – Múrurin – ið hevur staðið so nakin og barst ímóti øllum veðri og vindi síðani áleið ár 1300, skal nú standa sína harðastu roynd, tá grælikongur føroyinga, Mikkjal Gaard Hansen og hinir SIC- ararnir aftur eru tilreiðar at geva seg 120 % á palli og blása áhoyrararnar um koll við teirra orkukenda, harða »death/thrash«-tungmálmstónleiki. Hóast SIC-ararnir er blivnir meira vaksnir og nøkur ár eldri, er spæli­ gleðin aftur til staðar og orkan eins stór sum áður! Umframt konsertina Við Múrin, verður SIC eisini at hoyra á Reinsa­ rínum tann 11. juli og á Tórsfest tann 25. juli. post@sosialurin.fo GLEÐINA AFTUR ■ Við Múrin marknaðarførir seg sum ein føroyskur festivalur. Hetta merkir, at tónleikarar og bólkar eru føroyskir, maturin er føroyskur og vørur, ið verða at fáa til keyps á festivalinum eru eisini føroyskt framleiddar. Í mun til aðrar festivalar í Føroyum, er frí atgongd til tjaldingarøkið Við Múrin. Við Múrin byrjar hóskvøldið og letur aftur leygarnátt. Sí skrá o.a. á heimasíðuni vm.fo Mynd: finnur justinussen / fotostudio