fríggjadagur 3. juli 2015síða 27

Fríggjadagur 3. juli 2015 sosialurin 75 27 Jóannes Hansen M i k u k v ø l d i ð var 18. umfar í næst­bestu fót­ bólts­deildini á skránni. 19. umfar verður í kvøld og í morgin, og so verð­ ur summarfrí fram til leygar­ dagin 8. august. Týskvøldið var 07 Vestur og vitjaði B71. Kristian Joensen hjá 07 Vestur og Símun Rógvi Hansen hjá B71 eru óførir málverjar. Teir vunnu tvídystirnar við álops­spæl­ ararnar hjá mót­støðu­liðunum, tí úrslitið var málleysur javn­ leikur. Hóast eitt umfar er eftir undan summarsteðginum, so er 07 Vestur farið í summarfrí. Í 19. umfari er NSÍ mótstøðuliðið hjá vágamonnum. Lið­for­mað­ urin hjá 07 Vestur, Gunleif Olsen, skal giftast í morgin. Tí varð uppgerðin ímóti teimum næstbestu hjá NSÍ longu avgreidd týsdagin 28. apríl, tá ið úrslitið var 2-1 til 07 Vestur. Hann, sum í morgin fer at standa brúðgommur, var tví­ faldur málskjútti ta ferðina! At tað endaði málleyst mill­um B71 og 07 Vestur, og at 07 Vestur fór í summarfrí, tá ið flestu av hinum liðunum fram­vegis áttu tveir dystir á undan summarsteðginum, bar møguleika við sær fyri, at B68, sum tað annars ikki hevur roynst so væl hjá seinastu ferðirnar, leygardagin kundi lyfta seg fram á upp­flytingar­ pláss. Soleiðis verður tað ikki. Mikukvøldið vóru toftamenn á Argjum, og tað royndist ikki væl ímóti teimum næstbestu hjá AB. B68 legði bragdliga fyri. Tá ið 1. hálvleikur var hálv­ runnin, vísti máltalvan 2-0 til B68, og spurningurin kendist at vera, hvussu stórur úti­sig­ urin fór at verða. Fýra minuttir undan steðg­ inum minkaði AB um munin, sjey minuttir eftir steðgin varð 2-2, tólv minuttir seinni var AB frammanfyri 3-2, og tólv minuttir undan leikloki varð 4-2 heimasigurin staðfestur. Argjamenn vóru sera væl mannaðir. Millum teir á AB liðnum vóru Dion B. Splidt, Jónas Stenberg og Bárður Olsen, sum allir hava nógvar royndir á besta liðnum, og sum tað verður roknað við fara at vera við, tá ið besta AB liðið frá á ólavsøku og stívliga tveir mánaðir fram fer at stríðast fyri at varðveita sessin í bestu deildini. Heimasigurin ber við sær, at AB nú er á fimta plássi – tvey stig aftanfyri KÍ og B68. B68 verður stórfavorittur á heimavølli ímóti MB í morgin. Tað er rættiliga sannlíkt, at fjarstøðan fram til 07 Vestur tá fer at tódna til tvey stig, og harvið verður kappingin um næstfremsta plássið og harvið uppflytingina púra opin, tá ið tað 8. august verður farið undir langa endaspurtin. Men gongdin og úrslitið á Argjum mikukvøldið var stað­ festing og undirstriking av, at tað er stórur munur á teimum, sum spæla fast í næstbestu deildini og á teimum, sum hoyra til í bestu deildini og hjálpa til í næstbestu deildini, tá ið høvi er til tað. Tað er lítil ivi um, at Skála eigur besta liðið í 1. deild. Miku­ kvøldið skoraði Skála níggju mál í Miðvági. So mong mál hevur eingin megnað fyrr í ár. Toppskjúttin Brian Jacobsen skoraði trý mál, áðrenn hann í 56. minutti fór av vøllinum. Nú hevur hann skorað 19 ferðir í 17 dystum. Í síðsta umfarinum undan summarsteðginum verður áhuga­verd uppgerð, tá ið Skála í morgin fær vitjan av teimum næstbestu hjá KÍ. Klaksvíkingar hava havt blíðan byr seinastu nógvu ferðirnar. Mikukvøldið vunnu teir 3-1 á Víkingi, sum tíðliga í 2. hálv­ leiki legði seg framum, áðrenn KÍ svaraði aftur og vann fyri sjeyndu ferð á rað. Sigurin ber við sær, at KÍ hevur sama stigatal sum B68, og at KÍ er á triðja plássi. Málmunurin hjá báðum liðunum er +19, men klaks­víkingar hava skorað 50 mál, meðan B68 hevur skorað 39 mál. Á KÍ liðnum mikukvøldið vóru Tórur Justesen, Jákup B. Andreasen og Jóannes Bjartalíð, sum allir hava spælt nógv á besta liðnum í ár. Jóannes Bjartalíð var tvífaldur málskjútti. Í morgin fæst at síggja, um toppliðið á Skála verður skalað av væl uppløgdu klaks­víkingunum. Í hesi vikuni hava B36 og NSÍ verið upptikin av altjóða avbjóðingum. Uppgerðin teirra millum í næstbestu deildini, sum sambært skipanini var á skrá mikukvøldið, er útsett til 16. september. Fótbóltur Skála skoraði fleiri mál í Miðvági, enn tað eru skorað í nøkrum dysti fyrr í ár Toftamenn tóku ikki av 1. Deild støðan nr. lið dystir vunni javnt tapt + mál - mál +/- stig 1 Skála 18 14 3 1 56 13 +43 45 2 07 Vestur 19 11 5 3 47 21 +26 38 3 KÍ II 18 11 0 7 50 31 +19 33 4 B68 18 10 3 5 39 20 +19 33 5 AB II 18 9 4 5 30 24 +6 31 6 B71 18 7 6 5 28 29 -1 27 7 NSÍ II 17 5 1 11 27 33 -6 16 8 Víkingur II 17 3 4 10 15 27 -12 13 9 B36 II 17 2 6 9 13 48 -35 12 10 MB 18 0 2 16 11 70 -59 2 18. umfar MB - Skála 1-9 (0-3) 0-1: Brian Jacobsen 16. 0-2: Brian Jacobsen 25. 0-3: Jákup Johansen 45. 0-4: Brian Jacobsen 52. 0-5: Poul G. Olsen 56. 0-6: Jákup Johansen 60. 1-6: Ingi Wiberg Joensen 67. 1-7: Poul G. Olsen 68. 1-8: Uni Jacobsen 80. 1-9: Hendrik á Fríðriksm. 90. AB - B68 4-2 (1-2) 0-1: Esmar P. Clementsen 11. 0-2: Andrias á Líknargøtu 25. 1-2: Bjarki Nielsen 41. 2-2: Jónas Stenberg 52. 3-2: Dan í Soylu 64. 4-2: Dion B. Splidt 78. KÍ - Víkingur 3-1 (0-0) 0-1: Óttar Olsen 58. 1-1: Jóannes Bjartalíð 64. 2-1: Jóannes Bjartalíð 66. 3-1: Dávid Langgaard 83. B71-07 Vestur 0-0 NSÍ - B36 útsettur til 16. September 19. umfar Fríggjadagin 3. juli AB - B71: Vinjard Dam Leygardagin 4. juli Skála - KÍ: Rúni Gaardbo B68 - MB: Jan á Líðarenda B36 - Víkingur: Bent Tommy Linklett savnmynd: sigmar mørkøre ítróttur